ರಾಜ್ಯದಲ್ಲಿ ದಲಿತ ನಾಯಕರನ್ನು ಗುರಿಯಾಗಿಸಿ ಅವರನ್ನು ಅವಮಾನಿಸುತ್ತಿರುವ ಬಿಜೆಪಿಯ ಷಡ್ಯಂತ್ರವನ್ನು ದಲಿತ ವಿದ್ಯಾರ್ಥಿ ಪರಿಷತ್ ಜಿಲ್ಲಾ ಘಟಕ ಖಂಡಿಸುತ್ತದೆ.

ಬೀದರ.28.ಮೇ.25:- ರಾಜ್ಯದಲ್ಲಿ ದಲಿತ ನಾಯಕರನ್ನು ಗುರಿಯಾಗಿಸಿ ಅವರನ್ನು ಅವಮಾನಿಸುತ್ತಿರುವ ಬಿಜೆಪಿಯ ಷಡ್ಯಂತ್ರವನ್ನು ದಲಿತ ವಿದ್ಯಾರ್ಥಿ ಪರಿಷತ್ ಜಿಲ್ಲಾ ಘಟಕ ಖಂಡಿಸುತ್ತದೆ.

ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಎರಡು ವರ್ಷಗಳು ಕಳೆದಿವೆ, ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಅಧಿಕಾರ ಕಳೆದುಕೊಂಡಗಿನಿಂದ ಹತಾಶೆ ಭಾವನೆಗೆ ಒಳಪಟ್ಟಿದೆ, ರಾಜ್ಯದಲ್ಲಿ ದಲಿತ ಸಮುದಾಯದ ನಾಯಕರನ್ನು ಗುರಿಯಾಗಿಸಿ ಅವರವರ ಮಧ್ಯ ಬೆಂಕಿಯನ್ನು ಹಚ್ಚಿ ನೀಡುತ್ತಾ ಕುಳಿತಿದೆ, ಇಂದಿನ ರಾಜಕೀಯ ವಿದ್ಯುನ್ಮಾನದಲ್ಲಿ ದಲಿತ ನಾಯಕರ ಏಳಿಗೆಯನ್ನು ಸಹಿಸದ ಬಿಜೆಪಿ ಮತ್ತದರ ನಾಯಕರು, ಕೇಂದ್ರ ಸರ್ಕಾರದ ಸಹಯೋಗದೊಂದಿಗೆ, ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರದಲ್ಲಿ ಯಶಸ್ವಿ ಮಂತ್ರಿಗಳಾಗಿ ಯಾವುದೇ ಆರೋಪಗಳಿದ್ದೆ, ಕೆಲಸ ನಿರ್ವಹಿಸುತ್ತಿರುವ, ಹಾಗು ನಾಡಿಗೆ ಬುದ್ಧ ಬಸವ ಅಂಬೇಡ್ಕರ ವಿಚಾರಗಳನ್ನು ಮೈಗೂಡಿಸಿಕೊಂಡು ಕೆಲಸ ಮಾಡುತ್ತಿರುವ ಗೃಹ ಸಚಿವರಾದ ಡಾ. ಜಿ. ಪರಮೇಶ್ವರ ಹಾಗು ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್ ರಾಜ್ ಇಲಾಖೆಯ ಸಚಿವರಾದ ಶ್ರೀ ಪ್ರಿಯಾಂಕ ಖರ್ಗೆ ಅವರನ್ನು ರಾಜಕೀಯವಾಗಿ ಮುಗಿಸಲು ಷಡ್ಯಂತ್ರ ರೂಪಿಸಿ ಅವರನ್ನು ವಿನಃ ಕಾರಣ ಆರೋಪ ಮಾಡುತ್ತಾ ಕುರುವುದೇ ಬಿಜೆಪಿಯ  ಕೆಲಸವಾಗಿ ಬೀಡಿದೆ.

ರಾಜ್ಯದಲ್ಲಿ ರಾಜ್ಯ ಗೃಹ ಖಾತೆಯನ್ನು ನಿಭಾಯಿತ್ತಿರುವ ದಲಿತ ಸಮುದಾಯದ ಹಿರಿಯ  ನಾಯಕರಾದ ಸನ್ಮಾನ್ಯ ಶ್ರೀ ಡಾ. ಜೀ ಪರಮೇಶ್ವರ ಅವರು ರಾಜ್ಯದ ಜನತೆ ಕಂಡ ಅಪರೂಪದ ಹಾಗು ರಾಜಕೀಯವಾಗಿ ಯಾವುದೇ ಕಳಂಕವಿಲ್ಲದ ನಿಷ್ಕಲ್ಮಷ ಮನಸ್ಸಿನ  ನಾಯಕ ಅವರು ತಮ್ಮ ಒಡೆತನದ ಸಿದ್ಧಾರ್ಥ ಶಿಕ್ಷಣ ಸಂಸ್ಥೆಯ ಮೂಲಕ ಶಾಲಾ ಕಾಲೇಜುಗಳನ್ನು ಪ್ರಾರಂಭಿಸಿ ಶೈಕ್ಷಣಿಕ ಸೇವೆ ಸಲ್ಲಿಸುತ್ತಿರುವ ಇವರ ಮೇಲೆ ರಾಜ್ಯ ಬಿಜೆಪಿ ನಾಯಕರು ಇವರ ಏಳಿಗೆಯನ್ನು ಸಹಿಸದೆ, ಸಂಬಂದ್ಧವಿಲದ ಪ್ರಕರಣದಲ್ಲಿ ಸುಮ್ಮನೆ ಆರೋಪ ಮಾಡಿ ಅವರನ್ನು ಏನೂ ಕಪ್ಪು ಚುಕ್ಕೆ ಇಲ್ಲದ ಈ ನಾಯಕರ ಮೇಲೆ ಇಡಿ ತನಿಖೆ ನಡೆಸಿ ರಾಜಕೀಯವಾಗಿ ಮುಗಿಸಲು ತಂತ್ರ ರೂಪಿಸಿದ್ದಾರೆ, ಆದರೆ ಅದು ಫಲ ಕೊಡುವುದಿಲ್ಲ, ಇದೊಂದು ರಾಜಕೀಯ ಷಡ್ಯಂತ್ರ, ರಾಜ್ಯದಲ್ಲಿ ಎಂಟು ವರ್ಷಗಳ ಕಾಲ  ಕಾಂಗ್ರೆಸ್ ಪಕ್ಷದ ಅಧ್ಯಕ್ಷರಾಗಿ ಉಳಿತ ಎಲ್ಲಾ ಸಮುದಾಯಗಳನ್ನು ಜೊತೆಗೆ ತೆಗೆದುಕೊಂಡು ಹೋಗಿ ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ತಂದ ಶ್ರೇಯಸ್ಸು ಗೃಹ ಸಚಿವರಾದ ಡಾ. ಜಿ ಪರಮೇಶ್ವರ್ ಅವರಿಗೆ ಸಲ್ಲುತ್ತದೆ.

ಇನ್ನು ರಾಜ್ಯದ ಇನ್ನೋರ್ವ ಪ್ರಭಾವಿ ಮಂತ್ರಿಗಳು ದಲಿತ ಸಮುದಾಯದ ನಾಯಕರಾದ ಸನ್ಮಾನ್ಯ ಶ್ರೀ ಪ್ರಿಯಾಂಕ ಖರ್ಗೆ ಅವರನ್ನಂತು ಬಿಜೆಪಿ ಬೆಂಬಿಡದೆ ಅವರನ್ನು ಸದಾ ಒಂದಲ್ಲ ಒಂದು ರೀತಿಯಲ್ಲಿ ಅವರ ತೇಜೋವಧೆ ಮಾಡಿಕೊಳ್ಳುವುದೇ ತನ್ನ ಕೆಲಸ ಮಾಡಿಕೊಂಡು ಬಿಟ್ಟಿದೆ, ರಾಜ್ಯದಲ್ಲಿ ಬಿಜೆಪಿ ತನ್ನ ಅಧಿಕಾರ ಕಳೆದುಕೊಳ್ಳುವಲ್ಲಿ ಯುವ ನಾಯಕರಾದ ಪ್ರಿಯಾಂಕ ಖರ್ಗೆ ಅವರು ಅತ್ಯಂತ ಮತ್ತು ಪ್ರಮುಖ ಕಾರಣ ಬಿಜೆಪಿಯ ಅಧಿಕಾರದಲ್ಲಿ ನಡೆದ ಬಿಟ್ ಕಾಯಿನ್ ಹಗರಣ, ಪಿಎಸ್ಐ ಪರೀಕ್ಷೆ ಹಗರಣ, ಕೋವಿಡ್ ಹೆಸರಿನಲ್ಲಿ ನಡೆದ ಹಗರಣ ಸೇರಿದಂತೆ ಬಿಜೆಪಿ ಸರಕಾರದ ಅವಧಿಯಲ್ಲಿ ನಡೆದ ಅನೇಕ ಭ್ರಷ್ಟಾಚಾರ ಪ್ರಕರಣಗಳನ್ನು ಬಯಲಿಗೆ ಎಳೆದು  ಸರ್ಕಾರವನ್ನು ಇಕ್ಕಟ್ಟಿಗೆ ಸಿಲುಕಿಸುವ ಕೆಲಸವನ್ನು ಸಚಿವ ಪ್ರಿಯಾಂಕ ಖರ್ಗೆಯವರು ಮಾಡಿದನ್ನು ಬಿಜೆಪಿ ನಾಯಕರು ಇನ್ನು ಮರೆತಿದ್ದಂತೆ, ಕಾಣುತ್ತಿಲ್ಲ ಹಾಗಾಗಿ ಅವರನ್ನು ಸದಾ ರಾಜಕೀಯವಾಗಿ ಮುಗಿಸಲು ಬಿಜೆಪಿ ನಾಯಕರು ಅನೇಕ ಷಡ್ಯಂತ್ರಗಳನ್ನೂ ಮೇಲಿಂದ ಮೇಲೆ ಮಾಡುತ್ತಲೇ ಬರುತ್ತಿದ್ದಾರೆ, ಆದರೆ ಅವರ ಆಧಾರರಹಿತ ಆರೋಪಗಳನ್ನು ಸಾರ್ವಜನಿಕರು ಹಾಗು ಶೋಷಿತ ಸಮುದಾಯಗಳು ಗಮನಿಸುತ್ತಿದ್ದು, ಜನರೇ ಅವರಿಗೆ ಪಾಠ ಕಲಿಸಲಿದ್ದಾರೆ, ಬಿಜೆಪಿ ನಾಯಕರು ತಮ್ಮ ಪಕ್ಷದ ಕೇಂದ್ರ ಕಚೇರಿಯನ್ನು ಕಲಬುರ್ಗಿಯೇ ಮಾಡಿಕೊಂಡಂತೆ ಇಲ್ಲೇ ಬಿಡು ಬಿಟ್ಟಿದ್ದಾರೆ ಯಾವುದೇ ಪ್ರಕರಣ ಇರಲಿ ಅವರಿಗೆ ಕಲಬುರ್ಗಿ ಹಾಗು ಸಚಿವ ಪ್ರಿಯಾಂಕ ಖರ್ಗೆಯವರು ಮಾತ್ರ ಕಾಣಿಸುತ್ತಿದ್ದಾರೆ.

ಮತ್ತೊಂದು ವಿಶೇಷವಾಗಿ ವಿಧಾನಸಭೆಯ ವಿರೋಧ ಪಕ್ಷದ ನಾಯಕರಾದ ಆರ್ ಅಶೋಕ್ ಅವರನ್ನು ಬಿಟ್ಟು ವಿಧಾನ ಪರಿಷತ್ ವಿರೋಧ ಪಕ್ಷದ ನಾಯಕರಾದ ಛಲವಾದಿ ನಾರಾಯಣಸ್ವಾಮಿ ಅವರನ್ನು ಮುಂದೆಯಿಟ್ಟು ದಲಿತ ನಾಯಕರ ಮಧ್ಯ ಬೆಂಕಿಯನ್ನು ಹಚ್ಚಿ ಅವರ ತೇಜೋವಧೆ ಮಾಡುತ್ತಿದ್ದಾರೆ, ದಲಿತರ ಮೇಲೆ ಅಷ್ಟು ಕಾಳಜಿಯಿದ್ದಾರೆ, ಛಲವಾದಿ ನಾರಾಯಣ ಸ್ವಾಮಿ ಅವರನ್ನು ವಿಧಾನಸಭೆ ಚುನಾವಣೆಯಲ್ಲಿ ನಿಲ್ಲಿಸಿ ಗೆಲ್ಲಿಸಿ ಅವರನ್ನು ವಿಧಾನಸಭೆಯ ವಿರೋಧ ಪಕ್ಷದ ನಾಯಕರಾಗಿ ಮಾಡಲಿ, ಅಧಿಕಾರದಲ್ಲಿದ್ದಾಗ ದಲಿತರನ್ನು ಅಧಿಕಾರದಿಂದ ದೂರವಿಡುವ ಬಿಜೆಪಿ ಸರ್ಕಾರ ಅಧಿಕಾರ ಕಳೆದು ಕೊಂಡಾಗ ಮಾತ್ರ ಇವರಿಗೆ ದಲಿತರಿಗೆ ಅಧಿಕಾರ ನೀಡುವ ವಿವೇಚನೆ ಬರುತ್ತದೆ, ಇದು ವಿಪರ್ಯಾಸವೇ ಸರಿ.

ಹಾಗಾಗಿ ರಾಜ್ಯದ ಗೃಹ ಸಚಿವರಾದ ಶ್ರೀ ಡಾ. ಜೀ ಪರಮೇಶ್ವರ ಹಾಗು ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಸಚಿವರಾದ ಶ್ರೀ ಪ್ರಿಯಾಂಕ ಖರ್ಗೆ ಅವರ ತೇಜೋವಧೆಗೆ ಬಿಜೆಪಿ ನಾಯಕರು ನಿಲ್ಲಿಸಡಿದ್ದಲ್ಲಿ, ಅವರ ವಿರುದ್ಧ ರಾಜ್ಯದ ಶೋಷಿತ ಸಮುದಾಯಗಳು ಹೋರಾಟಕ್ಕೆ ಸಿದ್ಧರಾಗಬೇಕಾಗುತ್ತದೆ, ಎಂದು ಈ ಪತ್ರಿಕಾ ಪ್ರಕಟಣೆ ಮುಖಾಂತರ ದಲಿತ ವಿದ್ಯಾರ್ಥಿ ಪರಿಷತ್ ಎಚ್ಚರಿಸುತ್ತದೆ.