Home » ಲೈವ್ ನ್ಯೂಸ್ » ಸಹಾಯಕ ಪ್ರಾಧ್ಯಾಪಕರು, ಸಹ ಪ್ರಾಧ್ಯಾಪಕರು ಮತ್ತು ಪ್ರಾಧ್ಯಾಪಕರು ವಾರದಲ್ಲಿ ಒಟ್ಟು 40 ತಾಸು ಕಾರ್ಯಭಾರ

ಸಹಾಯಕ ಪ್ರಾಧ್ಯಾಪಕರು, ಸಹ ಪ್ರಾಧ್ಯಾಪಕರು ಮತ್ತು ಪ್ರಾಧ್ಯಾಪಕರು ವಾರದಲ್ಲಿ ಒಟ್ಟು 40 ತಾಸು ಕಾರ್ಯಭಾರ

Facebook
X
WhatsApp
Telegram

ಬೆಂಗಳೂರು.24.ಮೇ.25:- ಉನ್ನತ ಶಿಕ್ಷಣ ಇಲಾಖೆ, ಸರಕಾರಿ ಪ್ರಥಮ ದರ್ಜೆ ಕಾಲೇಜುಗಳು ಮತ್ತು ಅನುದಾನಿತ ಖಾಸಗಿ ಕಾಲೇಜುಗಳಲ್ಲಿ ಕೆಲವು ಉಪನ್ಯಾಸಕರು ತರಗತಿಗೆ ಗೈರಾಗಿ ಅನ್ಯ ಕೆಲಸಗಳಲ್ಲಿ ವ್ಯಸ್ತರಾಗಿರುತ್ತಾರೆ ಎಂಬ ಆರೋಪಗಳನ್ನು ಗಂಭೀರವಾಗಿ ಪರಿಗಣಿಸಿರುವ ಉನ್ನತ ಶಿಕ್ಷಣ ಇಲಾಖೆಯು ಉಪನ್ಯಾಸಕರ ಬೋಧನೆ ಮೇಲೆ ನಿಗಾಕ್ಕೆ ಮುಂದಾಗಿದೆ.

ರಾಜ್ಯದಲ್ಲಿ ಸಹಾಯಕ ಪ್ರಾಧ್ಯಾಪಕರು, ಸಹ ಪ್ರಾಧ್ಯಾಪಕರು ಮತ್ತು ಪ್ರಾಧ್ಯಾಪಕರು ವಾರದಲ್ಲಿ ಒಟ್ಟು 40 ತಾಸು ಕಾರ್ಯಭಾರ ನಿರ್ವಹಿಸಬೇಕೆಂದು ಸೂಚಿಸಿ ಕಾರ್ಯಭಾರ ಹಂಚಿಕೆ ಮಾಡಿ ಕಾಲೇಜು ಮತ್ತು ತಾಂತ್ರಿಕ ಶಿಕ್ಷಣ ಇಲಾಖೆ 2009ರಲ್ಲಿಯೇ ಆದೇಶ ನೀಡಿತ್ತು. ಹಾಗೆಯೇ ಕಾರ್ಯಭಾರ ನಿರ್ವ ಹಣೆಯ ದಿನಚರಿ ನಿರ್ವಹಿಸುವಂತೆ ಸೂಚಿಸಿತ್ತು.ಆದರೆ ಉಪನ್ಯಾಸಕರು ಸರಿಯಾಗಿ ತರಗತಿಗೆ ಹಾಜರಾಗದಿರುವ ಬಗ್ಗೆ ಸಾಕಷ್ಟು ದೂರುಗಳು ಬಂದಿರುವ ಹಿನ್ನೆಲೆಯಲ್ಲಿ ಕ್ರಮ ಕೈಗೊಳ್ಳಲಾಗಿದೆ.

ಇನ್ನು ಮುಂದೆ ಉಪನ್ಯಾಸಕರು ದಿನಚರಿ ನಿರ್ವಹಿಸಿ, ವಾರದ ಕೊನೆಯಲ್ಲಿ ವಿಭಾಗ ಮುಖ್ಯಸ್ಥರ ಪರಿಶೀಲನೆಗೆ ಒಳಪಡಿಸಿ ಸಹಿ ಪಡೆಯಬೇಕು. ಬಳಿಕ ತಿಂಗಳ ಕೊನೆಗೆ ಪ್ರಾಂಶುಪಾಲರಲ್ಲಿ ಹಾಜರುಪಡಿಸಿ ಸಹಿ ಪಡೆಯಬೇಕು. ವಾರ್ಷಿಕವಾರು ದಿನಚರಿಯನ್ನು ನಿರ್ವಹಿಸಿ ಮೇಲಧಿಕಾರಿಗಳು ಕಾಲೇಜಿಗೆ ಭೇಟಿ ನೀಡಿದಾಗ ಹಾಜರುಪಡಿಸಬೇಕಿದೆ.

ಬೋಧಕರಿಗೆ ಕಾರ್ಯಭಾರ ಹಂಚಿಕೆ ಮಾಡಿದ್ದರೂ ಅವರು ನಿಗದಿತ ಅವಧಿಯ ಕಾರ್ಯ ನಿರ್ವಹಿಸದಿರುವ ಬಗ್ಗೆ ಹಲವು ದೂರುಗಳು ಬಂದಿದ್ದವು. ಈ ಲೋಪ ವನ್ನು ಗಂಭೀರವಾಗಿ ಪರಿಗಣಿಸಿರುವ ಇಲಾಖೆ ಈಗ ಕಾರ್ಯಭಾರ ನಿರ್ವಹಣೆಯ ದಿನಚರಿ ಯನ್ನು ಕಡ್ಡಾಯವಾಗಿ ಪಾಲಿಸುವಂತೆ ಸೂಚಿ ಸುವುದರ ಜತೆಗೆ ದಿನಚರಿಯ ಮೇಲೆ ನಿಗಾ ಇಡುವ ಕ್ರಮ ಜಾರಿಗೆ ತಂದಿದೆ.


-ಎನ್‌. ಮಂಜುಶ್ರೀ, ಆಯುಕ್ತೆ,
ಕಾಲೇಜು ಮತ್ತು ತಾಂತ್ರಿಕ ಶಿಕ್ಷಣ ಇಲಾಖೆ

Author

Leave a Reply

Your email address will not be published. Required fields are marked *

ಪ್ರಮುಖ ಸುದ್ದಿ

Stock market

Astrology