ಚಿತ್ತಾಪುರ ರೇಂಜ್ ವ್ಯಾಪ್ತಿಯ ಲುಂಬಿನಿ ಟ್ರೀ ಪಾರ್ಕ್ ಭೇಟಿ. ಸಚಿವ ಶ್ರೀ ಈಶ್ವರ ಖಂಡ್ರೆ.!

ಕಲಬುರಗಿ.25.ಮಾರ್ಚ್.25:- ಇಂದು ಅರಣ್ಯ ಮತ್ತು ಪರಿಸರ ಸಚಿವರಾದ ಶ್ರೀ ಈಶ್ವರ ಖಂಡ್ರೆ ಅವರು ಕಲಬುರ್ಗಿ ಜಿಲ್ಲೆಯ ಚಿತ್ತಾಪುರ ರೇಂಜ್ ವ್ಯಾಪ್ತಿಯ ಲುಂಬಿನಿ ಟ್ರೀ ಪಾರ್ಕ್, ಗುಂಡಗುರ್ತಿಗೆ ಇಂದು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಕಲಬುರ್ಗಿ ನಗರದಿಂದ ಹತ್ತಿರದಲ್ಲೇ ಇರುವ ಈ ಸುಂದರ ಟ್ರೀ ಪಾರ್ಕ್, ಪ್ರಕೃತಿ ಪ್ರಿಯರಿಗೆ ಅಪೂರ್ವ ಅನುಭವವನ್ನು ನೀಡುವಂತೆ ವಿನ್ಯಾಸಗೊಳಿಸಲಾಗಿದೆ. ಈ ಪಾರ್ಕ್‌ನಲ್ಲಿ ಚಿಟ್ಟೆ ಪಾರ್ಕ್, ಲೋಟಸ್ ಪಾಂಡ್, ಕೃತಕ ಜಲಪಾತ, ಆಕರ್ಷಕ ಆಂಫಿ ಥಿಯೇಟರ್, ವಾಕಿಂಗ್ ಪಾತ್, ಪರ್ಗೋಲಾ, ಹಾಗೂ ನೈಸರ್ಗಿಕ ಸೊಬಗಿನಿಂದ ಕೂಡಿರುವ ವಾಕಿಂಗ್ ಸೇತುವೆ ಸೇರಿದಂತೆ ಅನೇಕ ಮನೋರಂಜನಾ ಸೌಕರ್ಯಗಳಿವೆ.

ಲುಂಬಿನಿ ಟ್ರೀ ಪಾರ್ಕ್ ಕಲಬುರ್ಗಿ ಜಿಲ್ಲೆಯ ಜನರಿಗೆ ಪ್ರಕೃತಿಯ ಹಚ್ಚ ಹಸಿರು ಪರಿಸರವನ್ನು ಅನುಭವಿಸಲು, ವಿಶ್ರಾಂತಿಯ ಕ್ಷಣಗಳನ್ನು ಸವಿಯಲು, ಪ್ರಮುಖ ತಾಣವಾಗಿದೆ. ನಗರ ಜೀವನದ ದೈನಂದಿನ ಒತ್ತಡದಿಂದ ದೂರವಾಗಲು ಇದು ಪರಿಪೂರ್ಣ ಪ್ರೇಕ್ಷಣೀಯ ಸ್ಥಳವಾಗಿದೆ.