ಅನಾಮಿಕ ಕರೆಗಳ ಬಗ್ಗೆ ಎಚ್ಚರ ವಹಿಸಿ

ಬೀದರ.29.ಜನವರಿ.25:-ಭಾಲ್ಕಿ ತಾಲ್ಲೂಕಿನ ಅಂಗನವಾಡಿ ಕೇಂದ್ರಗಳ ಫಲಾನುಭವಿಗಳಾದ ಗರ್ಭಿಣಿ ಬಾಣಂತಿಯರಿಗೆ ಸೈಬರ್ ವಂಚಕರು ದೂರವಾಣಿ ಕರೆ ಮಾಡಿ ಸೈಬರ್ ವಂಚಕರು ನಾವು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ವತಿಯಿಂದ ಕರೆ ಮಾಡುತ್ತಿರುತ್ತೇವೆ ತಾವು ತಮ್ಮ ಫೋನ ಪೇ ಅಥವಾ ಗೂಗಲ ಪೇ ಸಂಖ್ಯೆಯನ್ನು ನೀಡಿದರೆ ತಮಗೆ ತಮ್ಮ ಖಾತೆಯಲ್ಲಿ 12000 ರೂಪಾಯಿಗಳನ್ನು ನಮ್ಮ ಇಲಾಖೆಯಿಂದ ಪಾವತಿ ಮಾಡುತ್ತೇವೆ ಎಂದು ಮೊಬೈಲ್ ಸಂಖ್ಯೆ: 6383847603, 9241381922, 8252398990 ರಿಂದ ಕರೆ ಮಾಡಿ ಹೇಳುತ್ತಿರುತ್ತಾರೆ. ಫೋನ ಪೇ ನಂಬರ ನೀಡಿದರೆ ಫಲಾನುಭವಿಗಳ ಖಾತೆಯಿಂದ ದುಡ್ಡನ್ನು ಸೆಳೆಯುತ್ತಿರುತ್ತಾರೆ.

ಪ್ರಯುಕ್ತ ಅನಾಮಿಕ ಕರೆಗಳು ಬಂದರೆ ತಮ್ಮ ಮಾಹಿತಿಯನ್ನು ನೀಡಬಾರದು, ಒಂದು ವೇಳೆ ಕರೆ ಬಂದರೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಗೆ ಸಂಪರ್ಕಿಸುವಂತೆ ಭಾಲ್ಕಿ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.