ಮೊದಲಿನಂತೆ ಅತಿಥಿ ಉಪನ್ಯಾಸಕರ ಆಯ್ಕೆ ಪ್ರಕ್ರಿಯೆ ನಡೆಯಬೇಕು ಮತ್ತು ಸೇವಾ ಭದ್ರತೆ ನೀಡಬೇಕು

ಗದಗ.30. ನವೆಂಬರ್.25: ರಾಜ್ಯಾದ್ಯಂತ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಅತಿಥಿ ಉಪನ್ಯಾಸಕರ ವಿವಿಧ  ವಿಷಯಗಳ ಆಯ್ಕೆ ಪ್ರಕ್ರಿಯ ನಿಲ್ಲಿಸಬೇಕು ಅರ್ಹ ಅನರ್ಹ  ಮೊದಲಿನ್ತರ್ಹ್ ಎಲ್ಲಾ ಅತಿಥಿ ಉಪನ್ಯಾಸಕರಿಗೆ ಮುಂದುವರಿಸಬೇಕು.

ನಡೆಸುತ್ತಿರುವ ಆ  ಪ್ರಕ್ರಿಯೆಯ ಕೌನ್ಸೆಲಿಂಗ್ ವಿರೋಧಿಸಿ ರಾಜ್ಯ ಅತಿಥಿ ಉಪನ್ಯಾಸಕರ ಸಂಘಟನೆ ನಡೆಸುತ್ತಿರುವ ಅನಿರ್ದಿಷ್ಟಾವಧಿ ಪ್ರತಿಭಟನೆ ಆರು ದಿನ ಪೂರೈಸಿದೆ.

ಮೊದಲಿನ್ತರ್ಹ್ ಎಲ್ಲಾ ಅತಿಥಿ ಉಪನ್ಯಾಸಕರಿಗೆ ಮುಂದುವರಿಸಬೇಕು

ನ್ಯಾಯಯುತ ಬೇಡಿಕೆ ಈಡೇರಿಸಲು ಆಗ್ರಹಿಸಿ ನಡೆಸುತ್ತಿರುವ ಹೋರಾಟ ಬೆಂಬಲಿಸಿ ಅನೇಕ ಸಂಘಟನೆ, ಮುಖಂಡರು ಬೆಂಬಲ ಸೂಚಿಸಿದ್ದಾರೆ.

ಪ್ರತಿಭಟನಾ ಸ್ಥಳಕ್ಕೆ ಭೇಟಿ ನೀಡಿದ ವಿಧಾನ ಪರಿಷತ್ ಮಾಜಿ ಸದಸ್ಯ ಡಾ.ಕುಬೇರಪ್ಪ ಅತಿಥಿ ಉಪನ್ಯಾಸಕರ ಹೋರಾಟಕ್ಕೆ ಬೆಂಬಲ ಸೂಚಿಸಿ ಮಾತನಾಡಿ, ಹಿಂದೆ ಇದ್ದ ಶಿಕ್ಷಕರ ಚಳವಳಿಗೆ ಇಂದು ಜೀವಂತಿಕೆ ಇಲ್ಲ. ಹೋರಾಟ ಸೈದ್ಧಾಂತಿಕವಾಗಿ, ಗಟ್ಟಿಯಾಗಿರಬೇಕು ಎಂದರು.

ಪ್ರತಿಭಟನಾನಿರತರು ಯಾವ ಪಕ್ಷದವರನ್ನು ತೆಗಳಬಾರದು. ನ್ಯಾಯಯುತ ಬೇಡಿಕೆ ಈಡೇರಿಸುವಂತೆ ಮನವಿ ಮಾಡಿಕೊಳ್ಳಬೇಕು. ಎಲ್ಲ ಸರಕಾರಗಳು ಶಿಕ್ಷಕರನ್ನು ಒಡೆದು ಆಳುವುದು ಹೊಸತೇನಲ್ಲ. ಅತಿಥಿ ಉಪನ್ಯಾಸಕರ ಆಯ್ಕೆ ಪ್ರಕ್ರಿಯೆಯಲ್ಲಿ ಉನ್ನತ ಶಿಕ್ಷಣ ಇಲಾಖೆಯ ಅಧಿಕಾರಿಗಳು ಅದನ್ನೇ ಮಾಡುತ್ತಿದ್ದಾರೆ. ಕಾನೂನು ಸಚಿವರು ಅತಿಥಿ ಉಪನ್ಯಾಸಕರ ಅರ್ಹತೆ ವಿಚಾರದಲ್ಲಿ ಬೇಧ ಬೇಡವೆಂದು ನಿರ್ದೇಶಿಸಿದರೂ ಅದನ್ನು ಬದಿಗೊತ್ತಿ ಕೌನ್ಸೆಲಿಂಗ್ ನಡೆಸುತ್ತಿದೆ. ಇದನ್ನು ಪ್ರಶ್ನಿಸಿ ನ್ಯಾಯಾಲಯದಲ್ಲಿ ಮೇಲ್ಮನವಿ ಸಲ್ಲಿಸಲು ಅವಕಾಶವಿದೆ. ಹೋರಾಡುವ ಮನೋಭಾವ ಗಟ್ಟಿಯಾಗಿರಬೇಕಷ್ಟೇ ಎಂದು ಕರೆ ನೀಡಿದರು.

ನಗರದ ಖ್ಯಾತ ವೈದ್ಯ ಡಾ.ಶಿವನಗೌಡ ಮಾತನಾಡಿ, ಅತಿಥಿ ಉಪನ್ಯಾಸಕರಿಂದಲೇ ಪಾಠ ಕೇಳಿದವರು ಇಂದು ಹವಾನಿಯಂತ್ರಿತ ಕೊಠಡಿಯಲ್ಲಿ ಕುಳಿತು ಪಾಠ ಕಲಿಸಿದವರನ್ನೇ ಬೀದಿಗೆ ತಳ್ಳುವ ಹಂತಕ್ಕೆ ಬಂದಿರುವುದು ಸಮಂಜಸವಲ್ಲ. ಹೋರಾಟಕ್ಕೆ ಸಹಮತ ಇದೆ ಎಂದು ತಿಳಿಸಿದರು.

ವಕೀಲರು, ವಿದ್ಯಾರ್ಥಿ ಸಂಘಟನೆ ಮುಖಂಡರಾದ ಹಡಪದ ಅವರು ಮಾತನಾಡಿ, ಆಳುವ ಸರಕಾರ ದುಡಿಯುವ ವರ್ಗವನ್ನು ಕನಿಷ್ಠವಾಗಿ ಕಾಣುವುದು ಗೊತ್ತಿರುವ ವಿಚಾರವೇ. ಇಂದು ಮಕ್ಕಳ ಬದುಕು ರೂಪಿಸುವವರ ಜೀವನವೇ ದುರ್ಗಮ ಹಾದಿಗೆ ಬಂದಿರುವುದು ನೋವಿನ ಸಂಗತಿ. ವಿದ್ಯಾರ್ಥಿ ಸಂಘಟನೆಗಳ ಬೆಂಬಲ ಅತಿಥಿ ಉಪನ್ಯಾಸಕರ ಹೋರಾಟಕ್ಕಿದೆ ಎಂದು ಭರವಸೆ ನೀಡಿದರು.

ಕಳೆದೊಂದು ವರ್ಷದಿಂದ ಕಾರ್ಯಭಾರದ ಕೊರತೆಯಿಂದ ಅತಿಥಿ ಉಪನ್ಯಾಸಕ ಕೆಲಸದಿಂದ ಹೊರಗುಳಿದಿದ್ದ ಮಂಡ್ಯ ಜಿಲ್ಲೆಯ ಮದ್ದೂರಿನ ನಿರ್ವಹಣಾಶಾಸ್ತ್ರ ವಿಭಾಗದ ಅತಿಥಿ ಉಪನ್ಯಾಸಕ ನವೀನ್ ಈಗ ನಡೆಯುತ್ತಿರುವ ಕೌನ್ಸೆಲಿಂಗ್‌ನಿಂದ ಖಿನ್ನತೆಗೊಳಗಾಗಿ ಶನಿವಾರ ಸಾವನ್ನಪ್ಪಿದರು. ಬೈಲಹೊಂಗಲದ ಗ್ರಂಥಾಲಯ ವಿಭಾಗದ ಅತಿಥಿ ಉಪನ್ಯಾಸಕ ಡಾ.ಪರಶುರಾಮ ಹುಲಮನಿ ಸಹ ಶನಿವಾರ ಸಾವನ್ನಪ್ಪಿದ್ದು, ಅಗಲಿದ ಅತಿಥಿ ಉಪನ್ಯಾಸಕರ ಆತ್ಮಕ್ಕೆ ಶಾಂತಿ ಕೋರಿ ಪ್ರತಿಭಟನೆಯಲ್ಲಿ ಸಂತಾಪ ಸೂಚಿಸಲಾಯಿತು.

ನಗರದ ಜಿಲ್ಲಾಧಿಕಾರಿ ಕಚೇರಿ ಎದುರು ನಡೆಯುತ್ತಿರುವ ಅತಿಥಿ ಉಪನ್ಯಾಸಕರ ಹೋರಾಟ ಬೆಂಬಲಿಸಿ, ದೂರದ ಉಡುಪಿ, ರಾಯಚೂರು, ಚಿಕ್ಕಬಳ್ಳಾಪುರ ಸೇರಿದಂತೆ ನಾನ ಜಿಲ್ಲೆಗಳಿಂದ ಅತಿಥಿ ಉಪನ್ಯಾಸಕರು ಆಗಮಿಸಿದ್ದರು. ದೂರದ ಅತಿಥಿಗಳ ವಾಸ್ತವ್ಯಕ್ಕೆ ಸಂಘಟನೆ ವ್ಯವಸ್ಥೆ ಕಲ್ಪಿಸಲಾಯಿತು.

ಉನ್ನತ ಶಿಕ್ಷಣ ಇಲಾಖೆ ಸದ್ಯ ನಡೆಸುತ್ತಿರುವ ಕೌನ್ಸೆಲಿಂಗ್‌ನಿಂದ ಯಾರೂ ಭಯಪಡಬಾರದು. ಮೊದಲಿನಂತೆ ಅತಿಥಿ ಉಪನ್ಯಾಸಕರ ಆಯ್ಕೆ ಪ್ರಕ್ರಿಯೆ ನಡೆಯಬೇಕು. ಸೇವಾ ಭದ್ರತೆ ನೀಡಬೇಕು. ಬೇಡಿಕೆಗಳು ಈಡೇರುವವರೆಗೆ ಹೋರಾಟ ನಿಲ್ಲುವುದಿಲ್ಲ ಎಂದು ರಾಜ್ಯಾಧ್ಯಕ್ಷ ಡಾ.ಹನುಮಂತಗೌಡ ಕಲ್ಮನಿ ಹೇಳಿದ್ದಾರೆ.