ಯುಜಿಸಿ ವೇತನ ಪಡೆಯುತ್ತಾರೆ. ಬೋಧಕರಾದರೂ ಬೋಧಕೇತರ ಸಿಬ್ಬಂದಿ ಸೌಲಭ್ಯ ಪಡೆಯುತ್ತಾರೆ

ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಕ್ಲಾಸಲ್ಲಿ ಬೋಧನೆ ಮಾಡದಿದ್ದರೂ, ಬ್ಯಾಂಕ್ ಖಾತೆಗೆ ಸೇರುತ್ತಿದೆ ಯುಜಿಸಿ ವೇತನ ಬೆಂಗಳೂರಿನ ಪವರ್ ಕಾರಿಡಾರ್‌ನಲ್ಲಿ ಪತ್ಯೇತರ ಚಟುವಟಿಕೆಗೆ ಒತ್ತು | ಸರಕಾರದ ಆದೇಶಕ್ಕೂ ಕಿಮ್ಮತ್ತಿಲ್ಲ

ಇವರು ಪಾಠವನ್ನೇ ಮಾಡುವುದಿಲ್ಲ; ಆದರೂ ಯುಜಿಸಿ ವೇತನ ಪಡೆಯುತ್ತಾರೆ. ಬೋಧಕರಾದರೂ ಬೋಧಕೇತರ ಸಿಬ್ಬಂದಿ ಸೌಲಭ್ಯ ಪಡೆಯುತ್ತಾರೆ.

ಪ್ರಾಧ್ಯಾಪಕರು, ಆದರೆ, ಒಂದು ದಿನವೂ ಪಾಠ ಮಾಡುವುದಿಲ್ಲ, ಹೋಬಳಿ, ತಾಲೂಕು ದರ್ಜೆ ಕಾಲೇಜುಗಳಲ್ಲಿ ಇವರ ವೇತನ ಬಟವಾಡೆ ಆಗುತ್ತದೆ. ಆದರೆ, ಇವರು ನಿತ್ಯ ಹಾಜರಿ ಹಾಕುವುದು ಮಾತ್ರ ರಾಜಧಾನಿ ಬೆಂಗಳೂರಲ್ಲಿ, ಇದು. ಸರಕಾರಿ ಪ್ರಥಮ ದರ್ಜೆ ಕಾಲೇಜುಗಳ ಅಧ್ಯಾಪಕರು ನಿಯೋಜನೆ ಮೇಲೆ ಉನ್ನತ ಶಿಕ್ಷಣ ಇಲಾಖೆಯ ವಿವಿಧ ಕಚೇರಿಗಳಲ್ಲಿ ನಿಯಮ ಬಾಹಿರವಾಗಿ ತಳವೂರಿದವರ ಕಥೆ. ಕಾಲೇಜುಗಳಲ್ಲಿ ಅಧ್ಯಾಪಕರ ಕೊರತೆ ಇರುವುದರಿಂದ ನಿಯೋಜನೆ ಮೇಲೆ ತೆರಳಿದವರು ಮೂಲ ಸ್ಥಾನಕ್ಕೆ ಹಿಂತಿರುಗಬೇಕೆಂದು ಪ್ರತಿವರ್ಷ ಸರಕಾರ ಆದೇಶ ಹೊರಡಿ ಸುತ್ತಲೇ ಬಂದಿದೆ. ಹೀಗಿದ್ದರೂ ಇವರು ಮಾತ್ರ ತಮಗೂ ಸರಕಾರದ ಆದೇಶಕ್ಕೂ ಸಂಬಂಧ ಇಲ್ಲ ಎಂಬಂತೆ ಉಳಿದುಕೊಂಡಿದ್ದಾರೆ.

ವಿಶೇಷ

ವಿವಿಧ ಸರಕಾರಗಳ ಅವಧಿಯಲ್ಲಿ ಸಿಎಂ, ಡಿಸಿಎಂ, ಪ್ರಭಾವಿ ಸಚಿವರ ಶಿಫಾರಸ್ಸು ಬಳಸಿ ಹುದ್ದೆ ಇಲ್ಲದಿದ್ದರೂ ವಿಶೇಷಾಧಿಕಾರಿ, ಉಸ್ತುವಾರಿ ಅಧಿಕಾರಿಯಾಗಿ ಉನ್ನತ ಶಿಕ್ಷಣ ಇಲಾಖೆಯ ಕೇಂದ್ರ ಕಚೇರಿಗೆ ಹೋದವರು ಮತ್ತೆ ವಾಪಸ್ಸು ಬರುತ್ತಿಲ್ಲ. ಮಾಹಿತಿ ಪ್ರಕಾರ 25 ಅಧ್ಯಾಪಕರು ದಶಕದಿಂದ ಮೂಲ ಸ್ಥಾನಕ್ಕೆ ತೆರಳಿಲ್ಲ, ಇದರಲ್ಲಿ ಕನಿಷ್ಠ9 ವರ್ಷದಿಂದ 24 ವರ್ಷದವರೆಗೆ ನಿರಂತರವಾಗಿ ನಿಯೋಜನೆ ಮೇಲಿದ್ದಾರೆ. ಕೆಲವರು ಅಧ್ಯಾಪಕರಾಗಿ ನೇಮಕಗೊಂಡ ಮೂರಾಲ್ಕು ವರ್ಷದಲ್ಲೇ ನಿಯೋಜನೆ ಮೇಲೆ ತೆರಳಿದವರು ಬೋಧಕೇತರ ಸಿಬ್ಬಂದಿಯಂತೆ ಕೆಲಸ ಮಾಡುತ್ತಲೆ ನಿವೃತ್ತಿ ಅಂಚಿಗೆ ತಲುಪಿದ್ದಾರೆ.

ರಜೆ ಸೌಲಭ್ಯ ಪಡೆಯುತ್ತಲೇ ಪಾಠ ಮಾಡದೆ ಹೋದರೂ ಕಾಲಕಾಲಕ್ಕೆ ಕಬಳಿಕೆ

ಮಾಸಿಕ 1.50 ಲಕ್ಷದಿಂದ 3.50 ಲಕ್ಷ ರೂ. ವೇತನ ಪದೋನ್ನತಿ ಪಡೆಯುತ್ತಲೆ ಬಂದಿದ್ದಾರೆ. ನಿಯಮ ಪ್ರಕಾರ ಅಧ್ಯಾಪಕರಿಗೆ ವರ್ಷಕ್ಕೆ 10 ಗಳಿಕೆ ರಜೆ(ಇಎಲ್) ಮಾತ್ರ ಇದೆ. ಬೋಧಕೇತರ. ಸಿಬ್ಬಂದಿಗೆ 30 ಗಳಿಕೆ ರಜೆ ಮತ್ತು 10 ಅರ್ಧ ದಿನದ ರಜೆ(ಎಚ್ ಪಿಎಲ್) ಇರುತ್ತದೆ. ಆದರೆ, ಲಕ್ಷಾಂತರ ರೂ. ವೇತನ ಪಡೆಯುವ ನಿಯೋಜನೆ ಮೇಲಿರುವ ಅಧ್ಯಾಪಕರು ನಿಯಮಬಾಹಿರವಾಗಿ ಬೋಧಕೇತರ ಸಿಬ್ಬಂದಿಗೆ ಕೊಡುವಂತಹ 30 ಇಎಲ್ ಮತ್ತು 10ಎಚ್ ಪಿಎಲ್ ಸೌಲಭ್ಯಗಳನ್ನೂ ಪಡೆಯುತ್ತಿದ್ದಾರೆ.

ಸರಕಾರವೇ ನೀಡಿರುವ ಅಂಕಿ ಅಂಶಗಳ ಪ್ರಕಾರ ಇಂತಹವರ ಕನಿಷ್ಠ ಇಎಲ್ 270ರಿಂದ ಗರಿಷ್ಠ 400 ಇದ್ದರೆ ಎಚ್ ಪಿಎಲ್ 50ರಿಂದ 200 ಇದೆ. ಈ ಮಾಹಿತಿಯೇ ಇವರು ಎಷ್ಟು ವರ್ಷದಿಂದ ಅಲ್ಲಿ ಉಳಿದುಕೊಂಡಿದ್ದಾರೆ ಎಂಬುದನ್ನು ತೋರಿಸುತ್ತದೆ. ಇದಲ್ಲದೆ ಕೆಲವರು ವಾಹನ ಸೇರಿದಂತೆ ಹೆಚ್ಚುವರಿ ಸೌಲಭ್ಯವನ್ನೂ ಪಡೆದುಕೊಳ್ಳುತ್ತಿದ್ದಾರೆ. ಅಧ್ಯಾಪಕರ ಈ ಅಪ್ರಾಮಾಣಿಕ ನಡೆ ಉನ್ನತಾಧಿಕಾರಿಗಳಿಗೆ ಗೊತ್ತಿಲ್ಲದ ಸಂಗತಿ ಏನಲ್ಲ ಅವರಿಗೆ ಹತ್ತಿರವಾಗಿದ್ದು ಬೇಕಾದ್ದನ್ನು ಪೂರೈಸುವ ಕೆಲಸ ಮಾಡಿಕೊಂಡಿರುವ ಕಾರಣದಿಂದಾಗಿ ತಮ್ಮ ಬಳಿ ಉಳಿಸಿಕೊಂಡಿದ್ದಾರೆ. ವರ್ಗಾವಣೆ ಪ್ರಕ್ರಿಯೆಯಲ್ಲೂ ಇವರದ್ದೆ ಕರಾಮತ್ತು. ಆಯಾಕಟ್ಟಿನಲ್ಲಿ ಕುಳಿತು ವರ್ಗಾವಣೆ