ವಿದ್ಯಾರ್ಥಿನಿಯರ ಜೊತೆ ಅಸಭ್ಯ ವರ್ತನೆ ಆರೋಪ ಹೊಂದಿದ್ದ ಐವರು ಅತಿಥಿ ಉಪನ್ಯಾಸಕರಿಗೆ ಸಸ್ಪೆಂಡ್!

ವಿದ್ಯಾರ್ಥಿನಿಯರಿಗೆ ಲೈಂಗಿಕ ಕಿರುಕುಳ ಆರೋಪ – ಅತಿಥಿ ಉಪನ್ಯಾಸಕರು ವಜಾ!

ಅತಿಥಿ ಉಪನ್ಯಾಸಕರ ಮೇಲೆ ಲೈಂಗಿಕ ದೌರ್ಜನ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಶ್ವವಿದ್ಯಾಲಯ ಆಡಳಿತ ಮಂಡಳಿ ಕೃತ್ಯ ಎಸಗಿದವ ಆರೋಪಿಗಳನ್ನ ಸಸ್ಪೆಂಡ್ ಮಾಡಿದೆ. ಸ್ವರೂಪ್ ಕುಮಾರ್ , ರಾಮಾಂಜನೇಯ ,ರಂಗಸ್ವಾಮಿ, ಜಗನ್ನಾಥ್ ಹಾಗು ಶಿವರಾಮ ಎಲ್ಲರಿಗು ಬೆಂಗಳೂರು ವಿಶ್ವವಿದ್ಯಾಲಯೆಂದ ವಜಾ ಮಾಡಲಾಗಿದೆ.

ಲೈಂಗಿಕ ದೌರ್ಜನ್ಯದ ಆರೋಪದ ಮೇಲೆ ಬೆಂಗಳೂರಿನ ಜ್ಞಾನಭಾರತಿ ವಿಶ್ವವಿದ್ಯಾಲಯ ಅತಿಥಿ ಉಪನ್ಯಾಸಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಐವರು ಪ್ರಾಧ್ಯಾಪಕರನ್ನು ವಜಾಗೊಳಿಸಿ ವಿಶ್ವವಿದ್ಯಾಲಯದ ಆಡಳಿತ ಮಂಡಳಿ ಆದೇಶ ಹೊರಡಿಸಿದೆ.

ಇವರೆಲ್ಲರೂ ಅತಿಥಿ ಉಪನ್ಯಾಸಕರಾಗಿ ಕಾರ್ಯನಿರ್ವಹಿಸುತ್ತಿದ್ದು ಇವರ ಅವಧಿ ಕೂಡ ಮುಗಿದಿತ್ತು. ಅವಧಿ ಮುಗಿದರೂ ಅರ್ಜಿ ಹಾಕಿದರೆ ಮತ್ತೆ ಸೇವೆ ಮುಂದುವರಿಸಲು ಅವಕಾಶವಿತ್ತು. ಆದರೆ ವಿದ್ಯಾರ್ಥಿನಿಯರೊಂದಿಗೆ ಅಸಭ್ಯವಾಗಿ ವರ್ತಿಸಿದ ಆರೋಪ ಹೊಂದಿರುವ ಹಿನ್ನೆಲೆಯಲ್ಲಿ ಸೇವೆಯಿಂದ ವಜಾಗೊಳಿಸಿ ಆದೇಶ ಹೊರಡಿಸಲಾಗಿದೆ.

ಲೈಂಗಿಕ ದೌರ್ಜನ್ಯ ಹಾಗು ವಿದ್ಯಾರ್ಥಿನಿಯರ ಜೊತೆ ಅಸಭ್ಯ ವರ್ತನೆ ಆರೋಪ ಹೊಂದಿದ್ದ ಇವರಿಂದಾಗಿ ವಿಶ್ವವಿದ್ಯಾಲಯದ ಆಡಳಿತ ಮಂಡಳಿಗೆ ಸಾಕಷ್ಟು ಮುಜುಗರ ಎದುರಾಗಿತ್ತು. ಈ ಹಿನ್ನೆಲೆಯಲ್ಲಿ ಸೇವೆಯಿಂದ ಅಮಾನತುಗೊಳಿಸಿರುವುದಷ್ಟೇ ಅಲ್ಲದೇ ಇನ್ನು ಮುಂದೆ ವಿವಿಗೆ ಅರ್ಜಿ ಹಾಕಿದರೂ ಕೆಲಸ ಸಿಗದ ರೀತಿಯಲ್ಲಿ ಕ್ರಮ ಕೈಗೊಳ್ಳಲಾಗಿದೆ.

ವಿಶ್ವವಿದ್ಯಾಲಯದ ಹೆಸರಿಗೆ ಇವರಿಂದ ಕಳಂಕ ಮೆತ್ತಿಕೊಂಡಿರುವುದರಿಂದ ಉಳಿದ ವಿವಿಗಳಿಗೂ ಪತ್ರ ಬರೆದಿರುವ ಕುಲಪತಿಗಳು ಯಾರಿಗೂ ಕೆಲಸ ನೀಡದಂತೆ ಮನವಿ ಮಾಡಿಕೊಂಡಿದ್ದಾರೆ. ಇವರ ಕೃತ್ಯಗಳು ಮತ್ತೊಬ್ಬ ಅತಿಥಿ ಉಪನ್ಯಾಸಕಿ‌ಯಿಂದ ಬೆಳಕಿಗೆ ಬಂದಿತ್ತು. ಈ ಐವರ ವಿರುದ್ದ ಉಪನ್ಯಾಸಕಿ ದೂರು ನೀಡಿದ ಬಳಿಕ ಕೃತ್ಯ ಹೊರಬಂದಿತ್ತು.

ಉಪನ್ಯಾಸಕರು ಮಾತ್ರವಲ್ಲದೇ ಇವರೆಲ್ಲರೂ ಪ್ರಭಾವಿಗಳು ಎಂಬ ಕಾರಣಕ್ಕೆ ಕಿರುಕುಳ ಸಹಿಸಿಕೊಂಡಿದ್ದ ಕೆಲ ಮಹಿಳೆಯರು ಮೌನವಾಗಿ ಕಷ್ಟ ಸಹಿಸಿಕೊಂಡಿದ್ದರು. ಆದರೆ ಎಫ್ ಐ ಆರ್ ದಾಖಲಾಗುತ್ತಿದ್ದಂತೆ ಅತಿಥಿ ಉಪನ್ಯಾಸಕರ ಅಸಹ್ಯಕರ ಕೃತ್ಯ ಬಟಾ ಬಯಲಾಗಿದೆ.

ಸೋಷಿಯಾಲಜಿ ವಿಭಾಗ ರಾಮನಗರ ಅತಿಥಿ ಉಪನ್ಯಾಸಕ ರಾಮಾಂಜನೇಯ, ಪೊಲೀಟಿಕಲ್ ವಿಭಾಗದ ರಂಗಸ್ವಾಮಿ, ಎಕಾನಾಮಿಕ್ಸ್ ವಿಭಾಗದ ಜಗನ್ನಾಥ, ಹಿಸ್ಟರಿ ವಿಭಾಗದ ಶಿವರಾಮ್ ಸಿಂಧಗಿಯನ್ನು ಸಸ್ಪೆಂಡ್ ಮಾಡಿ ಆದೇಶ ಹೊರಡಿಸಲಾಗಿದೆ. ಸಿಂಡಿಕೇಟ್ ಸಭೆಯಲ್ಲಿ ಈ ಕುರಿತು ಚರ್ಚೆ ನಡೆಸಿ ತೀರ್ಮಾನ ತೆಗೆದುಕೊಳ್ಳಲಾಗಿದೆ.