ಬೀದರ್‌ನಗರ ಮತ್ತು ಗ್ರಾಮೀಣ ಭಾಗದಲ್ಲಿ ಗುಡುಗು ಸಹಿತ ಬಿರುಸಿನ ಮಳೆ; ವಾಹನ ಸವಾರರ ಪರದಾಟ

ಬೀದರ.21.ಸೆಪ್ಟೆಂಬರ್.25:- ಬೀದರ್ ನಗರ ಮತ್ತು ಗ್ರಾಮೀಣ ಭಾಗಗಳಲ್ಲಿ ಶನಿವಾರ  ರಾತ್ರಿ ಏಳು ವರೆ ಗಂಟೆಗೆ ಶುರುವಾದ ಜೋರು ಮಳೆ ರಾತ್ರಿ  ಗಂಟೆಯ ನಂತರವೂ ಮುಂದುವರೆದಿದೆ.

ಬೀದರ್ ನಗರ ಮತ್ತು  ಬೀದರ್ ಗ್ರಾಮೀಣ ಭಾಗದಲ್ಲಿ ತುಂಬಾ ಜೋರಾಗಿ ಮಳೆ ಆಗಿದೆ ಮನ್ನಳ್ಳಿ ರಸ್ತೆ ಹಾರೂರಗೇರಿ ಕ್ರಾಸ್‌, ವಿದ್ಯಾನಗರ, ಮೈಲೂರ್‌ ಕ್ರಾಸ್‌, ಕುಂಬಾರವಾಡ ಕ್ರಾಸ್‌, ಬೊಮ್ಮಗೊಂಡೇಶ್ವರ ವೃತ್ತದಲ್ಲಿ ಅಪಾರ ಪ್ರಮಾಣದ ನೀರು ಸಂಗ್ರಹಗೊಂಡಿದ್ದರಿಂದ ವಾಹನ ಸವಾರರು ಪರದಾಡಿದರು.

ಜಿಲ್ಲೆಯ ಚಿಟಗುಪ್ಪ ತಾಲ್ಲೂಕಿನ ಮನ್ನಾಏಖ್ಖೆಳ್ಳಿ ಸಮೀಪದ ರಾಷ್ಟ್ರೀಯ ಹೆದ್ದಾರಿ ಮೇಲ್ಸೇತುವೆ ಕೆಳಗಿನ ರಸ್ತೆ ಸಂಪೂರ್ಣ ಜಲಾವೃತವಾಗಿದ್ದರಿಂದ ರಸ್ತೆ ಸಂಚಾರ ಸ್ಥಗಿತಗೊಂಡಿತ್ತು. ಇದರಿಂದ ಹೈದರಾಬಾದ್‌, ಮುಂಬೈ, ಚಿಂಚೋಳಿ, ಬೀದರ್‌ ಕಡೆಗೆ ಹೋಗುವವರು ತೀವ್ರ ಸಮಸ್ಯೆ ಎದುರಿಸಿದರು. ಅನೇಕ ವಾಹನಗಳು ನೀರಿನೊಳಗೆ ಸಿಲುಕಿಕೊಂಡಿದ್ದವು.