ಯಳಂದೂರು ಪಟ್ಟಣ ಪಂಚಾಯತಿಯಲ್ಲಿ ಸಾಮಾನ್ಯ ಸಭೆ.

ಯಳಂದೂರು.13.ಸೆಪ್ಟೆಂಬರ್.25:- ಪಟ್ಟಣ ಪಂಚಾಯತಿ ಸಭಾಂಗಣದಲ್ಲಿ  2025-26 ನೇ ಸಾಲಿನ ಸಾಮಾನ್ಯ ಸಭೆ ಪಪಂ ಅಧ್ಯಕ್ಷೆ ಲಕ್ಷ್ಮೀ ರವರ ಅಧ್ಯಕ್ಷೆತೆಯಲ್ಲಿ ಶುಕ್ರವಾರ ನಡೆಯಿತು.
ಶಾಸಕ ಎ ಆರ್ ಕೃಷ್ಣಮೂರ್ತಿ ನೇತೃತ್ವದಲ್ಲಿ ಸಾಮಾನ್ಯ ಸಭೆ ನಡೆಯಿತು.
ಕಳೆದ ಸಭೆಯ ಅನುಪಾಲನ ವರದಿಯನ್ನು ಓದಿ ಕೆಲವು ವಿಷಯಗಳನ್ನು ಚರ್ಚಿಸಿದರು.

ಪಟ್ಟಣದೊಳಗೆ   ಚರಂಡಿಗಳು ಹಾಗೂ ಡಕ್‌  ಗಳನ್ನು ದುರಸ್ತಿ ಮಾಡುವುದಕ್ಕೆ ಎಲ್ಲಾ ವಾರ್ಡ್ ಗಳನ್ನು ಕುರಿತು ಕ್ರಿಯಾಯೋಜನೆ ಮಾಡಿ ಮುಂದಿನ ಸಭೆಯಲ್ಲಿ ಮಂಡಿಸಿ.

ಗೃಹಭಾಗ್ಯ ಯೋಜನೆಯಡಿ ಪಟ್ಟಣದ ಹನ್ನೆರಡು ಮಂದಿ ಪೌರಕಾರ್ಮಿಕರಿಗೆ ನಿವೇಶನ ಮಂಜೂರಿಗಿದ್ದು ಇದು ಸರ್ಕಾರದ ಅಧೀನದಲ್ಲಿದ್ದು ಇದನ್ನು ಸಂಬಂಧಪಟ್ಟ ಅಧಿಕಾರಿಗಳು ಮಂಜೂರಾತಿ ಮಾಡಿ ಮನೆ ನಿರ್ಮಾಣಮಾಡುವುದಕ್ಕೆ ಅವಕಾಶ ಕಲ್ಪಿಸಿ,

ಬಸ್ ನಿಲ್ದಾಣದ ಬಳಿ ಇರುವ ಹಳೆಯ ಶೌಚಾಲಯವನ್ನು ನೆಲಸಮಗೊಳಿಸಿ ಅಲ್ಲಿ ತಾಲ್ಲೂಕು ಮಟ್ಟದ ಗ್ರಂಥಾಲಯವನ್ನು ಸ್ಥಾಪಿಸಿ ಅದಕ್ಕೆ ಶ್ರೀ ವಾಲ್ಮೀಕಿ ರವರ ಹೆಸರನ್ನು ಇಡಬೇಕಾಗಿದೆ ಅದಕ್ಕೆ ಪಟ್ಟಣ ಪಂಚಾಯತಿಯ ಎಲ್ಲಾ ಸದಸ್ಯರು ಒಪ್ಪಿಗೆ ನೀಡಬೇಕು.‌ಈ ಹಳೆಯ ಶೌಚಾಲಯವನ್ನು ಕೆಡಿದವರ ವಿರುದ್ದ ಪ್ರಕರಣ ದಾಖಲಾಗಿದೆ ಆದರಿಂದ ಈ ಸ್ಥಳದಲ್ಲಿ ಗ್ರಂಥಾಲಯವನ್ನು ಸ್ಥಾಪಿಸಿದರೆ ಈ ಪ್ರಕರಣ ಮುಕ್ತಾಯವಾಗುತ್ತದೆ ಇಲ್ಲವೆಂದರೆ ಸರಕಾರಿ ಆಸ್ತಿಗೆ ಹಾನಿ ಎಂದು ಪ್ರಕರಣ ದಾಖಲಾಗುತ್ತದೆ.

ಪಟ್ಟಣದ 24 ಮಂದಿ ಫಲಾನುಭವಿಗಳಿಗೆ ಮನೆ ನಿರ್ಮಾಣಕ್ಕೆ ಆದೇಶವನ್ನು ನೀಡಲಾಗಿದೆ ಆದರೆ ಅನುದಾನ ಬಿಡುಗಡೆಯಾಗುತ್ತಿಲ್ಲ.

ಬಳೇಪೇಟೆಯಲ್ಲಿ ಆರು ಕೋಟಿ ವೆಚ್ಚದಲ್ಲಿ ಓವರ್ ಟ್ಯಾಂಕ್ ನಿರ್ಮಾಣ ಕಾಮಗಾರಿ ನಡೆಯುತ್ತಿದ್ದು ಪೈಪ್ ಲೈ‌ನ್ ಕಾಮಗಾರಿ ಮಾಡುವಾಗ ಡಾಂಬರ್ ಮತ್ತು ಕಾಂಕ್ರೀಟ್ ನ್ನು ಕಿತ್ತು ಹಾಗೇ ಬಿಟ್ಟಿದ್ದಾರೆ ಇದರಿಂದ  ಸಂಚಾರಕ್ಕೆ ಅಡ್ಡಿಯಾಗಿದೆ  ರಾತ್ರಿ ಸಮಯದಲ್ಲಿ ಗುತ್ತಿಗೆದಾರರು  ಕಾಮಗಾರಿ ಮಾಡುತ್ತಾರೆಂದು ಸದಸ್ಯರು ತಿಳಿಸಿದರು. ಅದಕ್ಕೆ ಶಾಸಕರು ಪ್ರತಿಕ್ರಿಯಿಸಿ ಸರಿಯಾಗಿ ಕೆಲಸ ಮಾಡಲಿಲ್ಲವೆಂದರೆ ಗುತ್ತಿಗೆದಾರನಿಗೆ ನೋಟೀಸ್ ನೀಡಿ ಬರಲಿಲ್ಲವೆಂದರೆ ಟೆಂಡರ್ ಮುಕ್ತಾಯಗೊಳಿಸಿ ಮರುಟೆಂಡರ್ ಕರೆಯುವುದಕ್ಕೆ ತಿಳಿಸಿದರು.

ಬಳೇಪೇಟೆಯಲ್ಲಿ ಬಾರ್ ಬಳಿ ಕುಡಿದು ಅಲ್ಲೇ ಮೂತ್ರ ವಿಸರ್ಜನೆ ಮಾಡುತ್ತಾರೆ ಇದರಿಂದ ಮಹಿಳೆಯರಿಗೆ ಮತ್ತು ಶಾಲಾ ವಿದ್ಯಾರ್ಥಿಗಳಿಗೆ  ತೊಂದರೆಯಾಗುತ್ತದೆ ಎಂದು ತಿಳಿಸಿದರು
ಶಾಸಕರು ಪ್ರತಿಕ್ರಿಯಿಸಿ ಈ ಸಂಬಂಧ ಪಟ್ಟಣ ಪಂಚಾಯತಿ ಮುಖ್ಯಾಧಿಕಾರಿ ಈ ಸಂಬಂಧ   ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿಗಳಿಗೆ ಪತ್ರ ಬರೆಯರಿ ಎಂದರು.

ಆಶ್ರಯ ಬಡಾವಣೆಯಲ್ಲಿ ಸರಕಾರದಿಂದ ನಿವೇಶವನ್ನು ಪಡೆದಿರುವ ಫಲಾನುಭವಿಗಳು ನಿವೇಶನವನ್ನು ಬೇರೆಯವರಿಗೆ  ಮಾರಾಟ ಮಾಡಿರುತ್ತಾರೆ ಅದು ಉಪ ನೋಂದಣಿ ಇಲಾಖೆಯಿಂದ ಮಾರಾಟಗಾರಿಗೆ ನೋಂದಾಣಿಯಾಗಿಲ್ಲ ಆದರೂ ಮನೆ ನಿರ್ಮಾಣ ಮಾಡಿದ್ದಾರೆ ಇವರು ಯಾವುದೇ  ಕಟ್ಟಡ ಲೈಸನ್ಸ್ ‌ನೀಡಿಲ್ಲ ಹಾಗೂ ವಿವಿಧ ಕಂದಾಯಗಳನ್ನು ಬರುತ್ತಿಲ್ಲ ಇದರಿಂದ ಪಟ್ಟಣ ಪಂಚಾಯತಿಗೆ ನಷ್ಟವಾಗಿದೆ ಎಂದರು.


ಈ ಸಂದರ್ಭದಲ್ಲಿ ಉಪಾಧ್ಯಕ್ಷೆ ಶಾಂತಮ್ಮ, ಪಪಂ ಮುಖ್ಯಾಧಿಕಾರಿ ಮಹೇಶ್ ಕುಮಾರ್ ಸದಸ್ಯರುಗಳಾದ ಮಹೇಶ್, ರಂಗನಾಥ್ ವೈ ಎಂ,ರವಿ, ಸುಶೀಲಾ, ಆರ್ ಪ್ರಭಾವತಿ,ಸವಿತಾ, ಮಹದೇವನಾಯಕ್ ,ಮಂಜು, ಮಹದೇವ, ನಾಮನಿರ್ದೇಶನ ಸದಸ್ಯರಾದ ಲಿಂಗರಾಜು ಮೂರ್ತಿ, ಶ್ರೀಕಂಠಸ್ವಾಮಿ, ಮುನಾವರ್ ಬೇಗಂ , ಇಂಜನಿಯರಿಂಗ್ ನಾಗೇಂದ್ರ ಹಾಗೂ ಸಿಬ್ಬಂದಿಗಳು ಹಾಜರಿದ್ದರು
ವರದಿ.ಪ್ರಸನ್ನಕುಮಾರ್ ಕೆಸ್ತೂರು