ಗ್ರಾಮಪಂಚಾಯತಿ ಚುನಾವಣಾ ಹಿನ್ನಲೆ  ಎಚ್ಚರಗೊಂಡಿದ್ದಾರೆ ಚುನಾವಣಾ ಸ್ಪರ್ಧಿಗಳು.

ಗ್ರಾಮಪಂಚಾಯತಿ ಚುನಾವಣೆ ಹಿನ್ನಲೆ ಕೆಲ ಪುಡಾರಿನಾಯಕರು ಸೃಷ್ಟಿಯಾಗುತ್ತಾರೆ. ಮತದಾರರೆ ಎಚ್ಚರದಿಂದಿರಿ.

ಮತದಾನದ ಮಹತ್ವ ಹಾಗೂ ಪ್ರಜಾಪ್ರಭುತ್ವ ಮಹತ್ವದ ಯಾವಾಗ ಜನರು ತಿಳಿದು ಮತ ಚಲಾಯಿಸುತ್ತಾರೋ ಅವಾಗ ಈ ದೇಶ ಪ್ರಬುದ್ಧ  ಭಾರತವಾಗುತ್ತದೆ.
ಗ್ರಾಮಾಭಿವೃದ್ದಿಯಾದರೆ ದೇಶ ಅಭಿವೃದ್ಧಿಯಾದಂತೆ ಎಂಬ ಮಾತು ಯಶಸ್ವಿಯಾಗಬೇಕಾದರೆ ಸ್ಥಳೀಯ ಆಡಳಿತದಲ್ಲಿ ಉತ್ತಮ ಜನಪ್ರತಿನಿಧಿಗಳು ಸೃಷ್ಟಿಯಾಗಬೇಕು.

ರಾಜ್ಯದಲ್ಲಿ‌ ಇನ್ನೇನು  ಗ್ರಾಮಪಂಚಾಯತಿ ಅಧಿಕಾರ‌ ಮುಗಿಯುತ್ತದೆ.
‌ಎಲ್ಲಾ‌ ಗ್ರಾಮಗಳಲ್ಲಿ ಮುಂದಿನ ಗ್ರಾಮಪಂಚಾಯತಿ ಚುನಾವಣೆಯಲ್ಲಿ ಸ್ಪರ್ಧಿಸಲು ಸ್ಪರ್ಧಿಗಳು ಕಸರತ್ತು ಮಾಡುತ್ತಿದ್ದಾರೆ.

ಸ್ಪರ್ಧಿಗಳು  ಪರಿಚಯವಿಲ್ಲದವರನ್ನೂ ಮಾತನಾಡಿಸುತ್ತಾರೆ . ವೃದ್ದರನ್ನು ಮಾತನಾಡಿಸುವುದು, ಯಾರಾದರೂ ಮರಣವೊಪ್ಪಿದರೆ ಅಲ್ಲಿಗೆ ಭೇಟಿ ನೀಡುವುದು.
ಬಸ್ ನಲ್ಲಿ ಅಥವಾ ಆಟೋದಲ್ಲಿ ಏನಾದರೂ ಅವರ ವಾರ್ಡ್ ನವರು ಕೂತಿದ್ದರೆ ಅವರಿಗೆ ಬಸ್ ಚಾರ್ಜ್ ಆಟೋ‌ಚಾರ್ಜ್  ಹಾಕುವುದು.


ತಮ್ಮ‌ ತಮ್ಮ ಹುಟ್ಟುಹಬ್ಬಗಳನ್ನು ದೊಡ್ಡ ಮಟ್ಟದಲ್ಲಿ ಮಾಡಿ ಬಂದವರಿಗೆ ಭರ್ಜರಿ ಭೋಜನ ವ್ಯವಸ್ಥೆ ಮಾಡುವುದು.

ಪಂಚಾಯತಿ‌ ಬಗ್ಗೆ ಪ್ರತಿಭಟನೆ‌ ಮಾಡಿಸುವುದು. ಗ್ರಾಮಸಭೆಗಳಲ್ಲಿ‌ ಬಂದು ತಾವು ಗುರುತಿಸಿಕೊಳ್ಳುವುದಕ್ಕೋಸ್ಕರ ಪ್ರಶ್ನೆ ಮಾಡುವುದು. ನಾಲ್ಕು ವರುಷದಿಂದ ಗ್ರಾಮಸಭೆಗೆ ಬಾರದವರು ಕೊನೆಯ ವರುಷದಲ್ಲಿ ಬಂದು ಅದು ಸರಿಯಿಲ್ಲ ಇದು ಸರಿಯಿಲ್ಲ ಅಂತ ಜನರು ಮುಂದೆ ದೊಡ್ಡ ಲೀಡರ್ ಅಂತ ಬಿಂಬಿಸಿಕೊಳ್ಳುವುದು.

ನಿಮ್ಮ ಸಮಸ್ಯೆಗಳನ್ನು ನಾನು ಬಗೆಹರಿಸುತ್ತೇನೆ ಏನೇ ಇದ್ರು ಹೇಳಿ ಅಂತಾರೆ. ನಿಮ್ಮ ಕುಟುಂಬದ ಹಿನ್ನಲೆ ಬಗ್ಗೆ ವೈಭವೀಕರಿಸುತ್ತಾರೆ.

ಮತ್ತೇ ಸುಮ್ಮನಿದ್ರು ಅವರೆ ಮಾತನಾಡಿಸಿ ಟೀ ಕುಡಿಯಿರಿ, ತಿಂಡಿ ತಿನ್ನಿ ಎನ್ನುತ್ತಾರೆ. ಚೆನ್ನಾಗಿದಿರಾ, ನಿಮ್ಮ ಕುಟುಂಬದವರು ಹೇಗಿದ್ದಾರೆ. ಏನಾದರೂ ಸಮಸ್ಯೆಗಳಿದ್ದರೆ ತಿಳಿಸಿ ಅನ್ನುತ್ತಾರೆ.

ಜನರ ಎದುರಿಗೆ ನಾನೊಬ್ಬ ನಾಯಕ‌ನಾಗ ಬೇಕೆಂದು ಬಿಲ್ಡಪ್ ಕೊಡುತ್ತಾರೆ.

ತಾವು ಸ್ಪರ್ಧೆಮಾಡುವ ವಾರ್ಡ್ ನ ಮುಖಂಡರು ಹಾಗೂ ಯುವಕರನ್ನು ಸೆಳೆಯುವುದು.

ಕೆಲವರು ಜಾತಿ ಜಾತಿ ನಡುವೆ  ವಿಷ ಬೀಜ ಬಿತ್ತು ತಾವು ಗೆಲ್ಲುವುದಕ್ಕೆ ಕುತಂತ್ರ ಮಾಡುತ್ತಿದ್ದಾರೆ.


ತೋಟಗಳಲ್ಲಿ ಮತದಾರರನ್ನು ಸೆಳೆಯಲು ಬಾಡೂಟ, ಕುಡಿಯುವಷ್ಟು ಮದ್ಯ ನೀಡುವುದು.

ರಾಷ್ಟ್ರನಾಯಕ ಹೆಸರುಗಳನ್ನು ಹೇಳಿ ಮತದಾರನ್ನು ತಮ್ಮಕಡೆ ಸೆಳೆಯುವುದು.

ರಾಷ್ಟ್ರನಾಯಕರ ಹೆಸರನ್ನು ದುರುಪಯೋಗ ಮಾಡಿಕೊಂಡು ಅವರ ಹೆಸರಿನಲ್ಲಿ ಲೀಡರ್ ಆಗೋದೋ.
ಇಷ್ಟೆಲ್ಲಾ ಚುನಾವಣಾ ಸಂದರ್ಭದಲ್ಲಿ ಮಾತ್ರ ಮತದಾರ ಬಳಿ ಕೇಳೋದು ಚುನಾವಣಾ ಆದ ಮೇಲೆ ನಿಮ್ಮನ್ನು ಇವರು ನಿಂತಿದ್ರು ಮಾತನಾಡಿಸುವುದಿಲ್ಲ ಎಲ್ಲೋ ಕೆಲವರು ಉತ್ತಮ ಕೆಲಸ ಮಾಡುವವರು ಇರುತ್ತಾರೆ ಅಂದರೆ 100% ಅಲ್ಲಿ 10% ಮಾತ್ರ ಉತ್ತಮ ಕೆಲಸ ಮಾಡಿದವರು ಮಾಡುವವರು ಸಿಗುತ್ತಾರೆ.

ಚುನಾವಣೆ ಸಂದರ್ಭದಲ್ಲಿ ಕೆಲ ಪುಡಾರಿ ನಾಯಕರು ಸೃಷ್ಟಿಯಾಗಿ ಚುನಾವಣೆಯಾದ ಮೇಲೆ ಮತ್ತೇ ಅವರು ಕಾಣಿಸಿಕೊಳ್ಳುವುದು ಇನ್ನೂ ಮುಂದಿನ ಚುನಾವಣೆಗೆಷ್ಟೆ. ಮಳೆಗಾಲದಲ್ಲಿ ಅಣಬೆ ಹೆಚ್ಚಾಗಿ ಕಾಣಸಿಕೊಂಡು ಮಳೆ ಮುಗಿದ ಮೇಲೆ ಎಲ್ಲಾ ಮಾಯವಾಗಿ ಮತ್ತೇ ಇನ್ನೂ ಮಳೆಗಾಲಕ್ಕೆ ಮಾತ್ರ ಕಾಣಿಸುಕೊಳ್ಳುತ್ತದೆ ಅಲ್ವ ಅದೇ ತರ ಈ ಪುಡಾರಿನಾಯಕರು ಸೃಷ್ಟಿಯಾಗುತ್ತಾರೆ.

ಇಂತಹ ವ್ಯಕ್ತಿಗಳು ಚುನಾವಣೆ ಸಂದರ್ಭದಲ್ಲಿ ಬಂದು ಬೂಟಾಟಿಕೆ ಮಾತುಗಳನ್ನಾಡಿ ಮತ್ತೇ‌ ಮಾಯವಾಗುತ್ತಾರೆ.

ಇಂತಹ ಗುಣವಿರುವ ವ್ಯಕ್ತಿಗಳು ಬರೀ ಅಧಿಕಾರಕ್ಕೋಸ್ಕರ ಇರುತ್ತಾರೆ. ಅದರಿಂದ ಮತದಾರರು ಎಚ್ಚರದಿಂದ ಇರಬೇಕು. ಅದರಿಂದ ನಿಮ್ಮ ಒಂದು ಮತವನ್ನು ಚಿಂತಿಸಿ ಮತದಾನ ಮಾಡಿ ಗ್ರಾಮಾಭಿವೃದ್ದಿ ಕಾಪಾಡಿ.
ಚುನಾವಣಾ ಪೂರ್ವದಲ್ಲಿದ್ದ ಮನಸ್ಥಿತಿ, ಚುನಾವಣಾ ನಂತರ ಇರುವುದಿಲ್ಲ. ಭರವಸೆ ನೀಡಿ ಗೆದ್ದವರು ಭರವಸೆಯನ್ನೇ ಮರೆಯುತ್ತಾರೆ.

ಪತ್ರಕರ್ತ ಜೆ.ಪ್ರಸನ್ನಕುಮಾರ್ ಕೆಸ್ತೂರು.ಚಾಮರಾಜನಗರ. 8884148821