ಟಿ ಹೊಸೂರಿನಲ್ಲಿ ಸ್ಮಶಾನ ಭೂಮಿ ಒತ್ತುವರಿ ಮಾಡಿಕೊಂಡಿರುವವರ ವಿರುದ್ಧ ಗ್ರಾಮಸ್ಥರು ಪ್ರತಿಭಟನೆ.

ಚಾಮರಾಜನಗರ.10.ಸೆಪ್ಟೆಂಬರ್.25:-ಯಳಂದೂರು: ತಾಲ್ಲೂಕಿನ ಟಿ ಹೊಸೂರು ಗ್ರಾಮದ ಎಲ್ಲಾ ಜನಾಂಗದ ಸಾರ್ವಜನಿಕರು ಸ್ಮಶಾನ ಭೂಮಿಯಲ್ಲಿ ಕೂತು ಮಂಗಳವಾರ  ಪ್ರತಿಭಟನೆ ಮಾಡಿದರು.

2005 ಮತ್ತು 2006 ರಲ್ಲಿ ಸರ್ವೆ ನಂಬರ್ 48ರಲ್ಲಿ ವಿಸ್ತೀರ್ಣ 1-10 ಗುಂಟೆ ಜಮೀನ್  ಸಾರ್ವಜನಿಕ ಸ್ಮಶಾನಕ್ಕೆ ಮಂಜೂರಾಗಿರುತ್ತದೆ.

ಈ ಜಮೀನ್‌ನ್ನು ರೈತ ಸಂಘದ ಪ್ರಭಾವಿ ಮುಖಂಡ ಸ್ವಾಮಿಗೌಡರವರು ಸುಮಾರು ಇಪ್ಪತ್ತು ವರುಷಗಳಿಂದಲೂ ವಶಪಡಿಸಿಕೊಂಡು ಶವಸಂಸ್ಕಾರಕ್ಕೆ ಅಡ್ಡಿಪಡಿಸುತ್ತಿದ್ದಾರೆಂದು ಸಾರ್ವಜನಿಕರು ದೂರುತ್ತಿದ್ದರು ಈ  ವಿಷಯವಾಗಿ ದಿನಾಂಕ 9-12-2024 ರಲ್ಲಿ ದಂಡಾಧಿಕಾರಿ ಜಯಪ್ರಕಾಶ್ ಹಾಗೂ ಸರ್ವೆ ಇಲಾಖೆಯ ಅಧಿಕಾರಿಗಳು  ಸೇರಿ ಗ್ರಾಮದ ಸಾರ್ವಜನಿಕರ ನೇತೃತ್ವದಲ್ಲಿ  ಅಳತೆ ಮಾಡಿ ಕಲ್ಲು ನೆಟ್ಟಿರುತ್ತಾರೆ ಆದರೆ ಮತ್ತೇ ಸ್ವಾಮಿಗೌಡ ಆ ಕಲ್ಲುಗಳನ್ನು ಕಿತ್ತು ಹಾಕಿ ದರ್ಪತೋರಿದ್ದಾರೆ.

ಈ ವಿಷಯವಾಗಿ ಗ್ರಾಮಸ್ಥರು ಎಲ್ಲಾ ಸೇರಿ ತಹಶೀಲ್ದಾರ್ ನಯನ‌ ರವರೆಗೆ ದಿನಾಂಕ 02-09-2025 ರಂದು ಈ ಸ್ಥಳವನ್ನು ಖುದ್ದು ಸ್ಥಳದಲ್ಲಿ ನಿಂತು ಟ್ರಂಚ್ ಮಾಡಿ ಗ್ರಾಮಸ್ಥರಿಗೆ ನೀಡಬೇಕೆಂದು ಮನವಿ ಮಾಡಿದರು ಆದರೆ ತಹಶೀಲ್ದಾರ್ ರವರು ನಮ್ಮ‌ ಮನವಿಗೆ ಸ್ಪಂದಿಸುತ್ತಿಲ್ಲಾ ಇದರಿಂದ ಪ್ರಭಾವಿ ಪರವಿದ್ದಾರೆಂದು ಸ್ಮಶಾನದಲ್ಲಿ ಕೂತು ಪ್ರತಿಭಟನೆ ಮಾಡಿದರು.

ಸ್ಥಳಕ್ಕೆ ತಹಶೀಲ್ದಾರ್ ನಯನ ರವರು ಭೇಟಿ ನೀಡಿ ಮಾತನಾಡಿದರು.

ಈ ಸ್ಥಳದ ಬಗ್ಗೆ ಜಿಲ್ಲಾಧಿಕಾರಿಗಳ ಜೊತೆಗೆ ಮಾತನಾಡಿ  ಎಲ್ಲೆಯ ಬಗ್ಗೆ   ಸಂಪೂರ್ಣ ಮಾಹಿತಿ ಕಲೆಯಾಕಲಾಗುತ್ತದೆ ಹದಿನೈದು ದಿನಗಳವರೆಗೆ ಯಥಾಸ್ಥಿತಿ ಕಾಪಾಡಿಕೊಳ್ಳಬೇಕಾಗಿದೆ ಎಂದು ತಿಳಿಸಿದರು ಗ್ರಾಮಸ್ಥರು ತಹಶೀಲ್ದಾರ್ ಕಾರಿಗೆ ಮುತ್ತಿಗೆ ಹಾಕಿ ಪಟ್ಟುಬಿಡದೆ ಧಿಕ್ಕಾರ ಕೂಗಿದರು. ನಾವು ಇಲ್ಲೇ ಧರಣಿಮಾಡುತ್ತೇವೆಂದು ಆಕ್ರೋಶ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಸಬ್ ಇನ್ಸ್ ಪೆಕ್ಟರ್ ಕರಿಬಸಪ್ಪ, ಗ್ರಾಮದ ಮುಖಂಡ ಮಹದೇವಗೌಡ,  ಒಬಿಸಿ  ಕೊಳ್ಳೇಗಾಲ ಬ್ಲಾಕ್ ಅಧ್ಯಕ್ಷ ಚಂದ್ರಶೇಖರ್, ಶ್ರೀಧರ್, ಯಜಮಾನರಾದ ರಾಜ್, ಲಿಂಗರಾಜ್, ರಂಗಸ್ವಾಮಿ, ನಿಂಗರಾಜ್, ಲಿಂಗರಾಜ್, ಹಾಗೂ ಎಲ್ಲಾ ವರ್ಗದ ಗ್ರಾಮಸ್ಥರು ಹಾಗೂ ದಲಿತ ಸಮುದಾಯದ ಮುಖಂಡರು ಹಾಜರಿದ್ದರು