ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬೀದರ ಸಾರ್ವಜನಿಕ ಆಸ್ಪತ್ರೆ ಬಸವಕಲ್ಯಾಣ ತಾಲೂಕು,

ಬಸವಕಲ್ಯಾಣ.08.ಸೆಪ್ಟೆಂಬರ್.25:ರಾಷ್ಟ್ರೀಯ ಕಿಶೋರ ಸ್ವಾಸ್ಥ್ಯ ಕಾರ್ಯಕ್ರಮ ಹಾಗೂ ಬದುಕು ಸೇವಾ ಸಂಸ್ಥೆ ಇವುಗಳ ಸಂಯುಕ್ತಾಶ್ರಯದಲ್ಲಿ ಹದಿಹರೆಯದ ಆರೋಗ್ಯ ಮತ್ತು ಕ್ಷೇಮಾ ದಿನಾಚರಣೆಯನ್ನು ಸರ್ಕಾರಿ ಪದವಿ ಪೂರ್ವ ಕಾಲೇಜು ಬಾಲಕರ ಪ್ರೌಢ ಶಾಲಾ ವಿಭಾಗ ಬಸವಕಲ್ಯಾಣದಲ್ಲಿ ಆಚರಿಸಲಾಯಿತು.

ಈ ಕಾರ್ಯಕ್ರಮದ ಘನ ಅಧ್ಯಕ್ಷತೆವಹಿಸಿದ ಉಪ ಪ್ರಾಂಶುಪಾಲರಾದ ಶ್ರೀಮತಿ ಅನೀತಾ ಸಾವಳ್ಕರ ಅವರು ಮಾತನಾಡುತ್ತಾ ” ಮಕ್ಕಳ ಸರ್ವಾಂಗೀಣ ಅಭಿವೃದ್ಧಿ ಆಗಬೇಕಾದರೆ ದೈಹಿಕ, ಬೌದ್ಧಿಕ ಮತ್ತು ಮಾನಸಿಕವಾಗಿ ಸಧೃಡ ಗೊಂಡರೆ ನಿಮ್ಮ ಬೆಳವಣಿಗೆ ಮತ್ತು ಜ್ಞಾನ ಅಭಿವೃದ್ಧಿಗೊಳ್ಳುತ್ತದೆ.

ಉತ್ತಮ ಆರೋಗ್ಯಕ್ಕೆ ಉತ್ತಮ ಹವ್ಯಾಸಗಳನ್ನು ಅಳವಡಿಸಿಕೊಳ್ಳಬೇಕು ಎಂದರು.

ಸಾರ್ವಜನಿಕ ಆಸ್ಪತ್ರೆ ಬಸವಕಲ್ಯಾಣದ ಸಂಯೋಜಿತ ಸಮಾಲೋಚನೆ ಮತ್ತು ಪರೀಕ್ಷಾ ಕೇಂದ್ರ  ಕೌನ್ಸಲರ ಆದ ರಾಹುಲ ಗುತ್ತೆದಾರ ಅವರು ಹದಿಹರೆಯದ ಮಕ್ಕಳಿಗೆ ವಯಸ್ಸಿಗೆ ತಕ್ಕಂತೆ ದೇಹದಲ್ಲಿ ಬದಲಾವಣೆ ಆಗುತ್ತವೆ. ಧ್ವನಿ ಬದಲಾವಣೆ, ಮುಖದಲ್ಲಿ ಮಡಿವೆ, ಮತ್ತು ಮೀಸೆ ಬರುವುದು ಉಂಟಾಗುತ್ತದೆ ಎಂದರು.

ಇನ್ನೊರ್ವ ಕೌನ್ಸಲರಾದ ಶ್ರೀಮತಿ ಶಿವಲೀಲಾ ಪಾಟೀಲ ಅವರು  ವಿಶೇಷವಾಗಿ ವಿದ್ಯಾರ್ಥಿನಿಯರು ತಮ್ಮ ದೈಹಿಕ ಬದಲಾವಣೆಗಳಾಗುತ್ತವೆ.ಭಯ ಪಡಲಾರದೆ ತಮ್ಮ ತಾಯಿ ಅಥವಾ ಹಿರಿಯ ಸಹೋದರಿಯರಿಗೆ ಸಮಸ್ಯೆ ಕುರಿತು ಹೇಳಿಕೊಳ್ಳಬೇಕು.
ಸುಚಿತ್ವಕ್ಕೆ ಹೆಚ್ಚಿನ ಗಮನ ಹರಿಸಬೇಕು ಎಂದರು.
ಕಾರ್ಯಕ್ರಮದಲ್ಲಿ ಸಂಜೀವಕುಮಾರ ನಡುಕರ ಪ್ರಾಸ್ತಾವಿಕವಾಗಿ ಮಾತನಾಡಿದರು.

ಶ್ರೀ ಮಲ್ಲಿಕಾರ್ಜುನ ಪರತಾಪುರೆ, ಮಲ್ಲಿಕಾರ್ಜುನ ರೆಡ್ಡಿ, ಶೋಭಾ ಮಠಪತಿ, ಜಾಧವ್ ವಿಜಯಾ , ಆರತಿ ಫುಲೇಕರ , ಮಂಜುಳಾ , ಸುನೀತಾ ಕುಪ್ಪೆ ಹಾಗೂ ನಾಲ್ಕು ಮಾಧ್ಯಮದ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.