ಅಂಬಳೆ ಗ್ರಾಮದಲ್ಲಿ  ಬೂದು ನೀರು ನಿರ್ವಹಣೆ  ಕಾಮಗಾರಿಗೆ ಗುದ್ದಲಿ ಪೂಜೆ ಮಾಡಿದ ಶಾಸಕ ಎ ಆರ್ ಕೆ.

ಯಳಂದೂರು.31.ಆಗಸ್ಟ್ .25:- ತಾಲ್ಲೂಕಿನ ಅಂಬಳೆ‌ಗ್ರಾಮದಲ್ಲಿ ಬೂದು ನೀರು ನಿರ್ವಹಣೆ ನಿರ್ಮಾಣ ಕಾಮಗಾರಿಗೆ ಶಾಸಕ ಎ ಆರ್ ಕೃಷ್ಣಮೂರ್ತಿ ರವರು ಗುದ್ದಲಿ ಪೂಜೆ ಮಾಡಿ‌ ಮಾತನಾಡಿದರು.
ಅಂಬಳೆ ಗ್ರಾಮಪಂಚಾಯತಿ ವ್ಯಾಪ್ತಿಯಲ್ಲಿ ಸ್ವಚ್ಚಾ ಭಾರತ ಮಿಷನ್ ಯೋಜನೆಯಡಿ 33 ಲಕ್ಷ ವೆಚ್ಚದಡಿ ಬೂದು ನೀರು ನಿರ್ವಹಣೆ  ಮಾಡಲಾಗುತ್ತದೆ.

ಬೂದು ನೀರು ನಿರ್ವಹಣೆಯೆಂದರೆ ಸ್ನಾನ, ಬಟ್ಟೆ ಒಗೆಯುವಿಕೆ ಮತ್ತು ಪಾತ್ರೆ ತೊಳೆಯುವಿಕೆಯಿಂದ ಬರುವ ಬೂದು ನೀರನ್ನು ಮರುಬಳಕೆ ಮಾಡುವುದು. ಇದು ನೀರನ್ನು ಸಂರಕ್ಷಿಸಲು, ಪರಿಸರ ಮಾಲಿನ್ಯವನ್ನು ತಡೆಯಲು ಮತ್ತು ಸಾರ್ವಜನಿಕ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಈ ನೀರನ್ನು ಕೃಷಿ ಮತ್ತು ತೋಟಗಾರಿಕೆಗಾಗಿ ಬಳಸಬಹುದು, ಏಕೆಂದರೆ ಇದು ನೈಸರ್ಗಿಕ ಶುದ್ಧೀಕರಣ ಪ್ರಕ್ರಿಯೆಗಳಿಂದ ಸ್ವಚ್ಛಗೊಳಿಸಲ್ಪಟ್ಟಿರುತ್ತದೆ, ಮುಖ್ಯವಾಗಿ ಜಲಸಸ್ಯಗಳನ್ನು ಬಳಸುವ ಪದ್ಧತಿಗಳನ್ನು ಅನುಸರಿಸಲಾಗುತ್ತದೆ. ಬೂದು ನೀರು ನಿರ್ವಹಣೆಯ ಉದ್ದೇಶ ನೀರಿನ ಸಂರಕ್ಷಣೆ,
ಕಡಿಮೆ ನೀರನ್ನು ಬಳಸುವ ಮೂಲಕ ನೀರಿನ ಕೊರತೆಯನ್ನು ತಡೆಯಲು ಸಹಾಯ ಮಾಡುತ್ತದೆ.

ಬೂದು ನೀರು ನದಿಯನ್ನು ಸೇರಿ ನೀರನ್ನು ಕಲುಷಿತಗೊಳಿಸುವುದನ್ನು ತಡೆಯುತ್ತದೆ.

ಸಾರ್ವಜನಿಕ ಆರೋಗ್ಯ ಸುಧಾರಣೆ
ನೀರು ನಿಂತು ಸಾಂಕ್ರಾಮಿಕ ರೋಗಗಳು ಹರಡುವುದನ್ನು ತಡೆಯುವ ಮೂಲಕ ಜನಜೀವನದ ಗುಣಮಟ್ಟವನ್ನು ಹೆಚ್ಚಿಸುತ್ತದೆ.
ಕಂದಹಳ್ಳಿ‌, ಅಂಬಳೆ‌, ಹೊಮ್ಮ, ಆಲೂರು ಮಾರ್ಗದ ರಸ್ತೆಗೆ 5 ಕೋಟಿ ಅನುದಾನವನ್ನು ನೀಡಲಾಗುತ್ತದೆ.ಎಂದರು.

ಗ್ರಾಪಂ ಅಧ್ಯಕ್ಷ ನವೀನ್ ಮಾತನಾಡಿ ಸ್ವಚ್ಚ ಭಾರತ್ ಮಿಷನ್ ಯೋಜನೆಯಡಿ ಈ ಕಾಮಗಾರಿಯನ್ನು ಮಾಡಬಹುದು ಇದರಿಂದ ಹಳ್ಳಿಗಳು ನಗರದತ್ತ ಮುಖಮಾಡಿವೆ. ಕೇಂದ್ರಸರಕಾರ ರಾಜ್ಯ ಸರಕಾರಗಳು ಗ್ರಾಮೀಣ ಅಭಿವೃದ್ಧಿಗೆ  ಹೆಚ್ಚು ಗಮನಹರಿಸಿ ಅನೇಕ ಅನುದಾನವನ್ನು ನೀಡಲಾಗಿದೆ ಎಂದರು

ಈ ಸಂದರ್ಭದಲ್ಲಿ ಅಂಬಳೆ‌ ಗ್ರಾಮಪಂಚಾಯತಿ ಅಧ್ಯಕ್ಷ ನವೀನ್, ಜಿಲ್ಲಾ ಗ್ಯಾರಂಟಿ ಅಧ್ಯಕ್ಷ ಚಂದ್ರು, ಜಿಪಂ ಮಾಜಿ ಉಪಾಧ್ಯಕ್ಷ ಜೆ ಯೋಗೇಶ್, ಕಾರ್ಯನಿರ್ವಾಹಕ ಅಧಿಕಾರಿ ಉಮೇಶ್ , ಮಾಜಿ ಅಧ್ಯಕ್ಷ ನಂಜುಂಡಸ್ವಾಮಿ, ಸಿದ್ದನಾಯಕ, ಚೇತನ್, ಪಿಡಿಒ‌ ಕಾವ್ಯ, ಕಾರ್ಯದರ್ಶಿ ಪುಟ್ಟರಾಜ್, ಹಾಗೂ ಸಾರ್ವಜನಿಕರು ಹಾಜರಿದ್ದರು.

ವರದಿ.ಪ್ರಸನ್ನಕುಮಾರ್ ಕೆಸ್ತೂರು