ಗೌರಿ ಗಣೇಶ ಹಬ್ಬದಂದು ಬುದ್ದ ಮೂರ್ತಿಯನ್ನು ಕೂರಿಸಿ ಮಕ್ಕಳು ಪಠಿಸಿದರು.

ಯಳಂದೂರು.28.ಆಗಸ್ಟ್.25:- ತಾಲ್ಲೂಕಿನ ಕೆಸ್ತೂರು ಗ್ರಾಮದಲ್ಲಿ  ಗೌರಿ ಗಣೇಶ ಹಬ್ಬದಂದು ಗಣೇಶನ ಬದಲಿಗೆ ಮಕ್ಕಳು ಬುದ್ಧ ಮೂರ್ತಿ ಯನ್ನು ಕೂರಿಸುವುದರ ಮೂಲಕ ಬುದ್ಧ ವಂದನೆಯನ್ನು ನೆರವೇರಸಿದರು.

ಅಂಬೇಡ್ಕರ್ ವಿಚಾರವಾದಿ ಕೇಶವಮೂರ್ತಿ ರವರು ಮನೆಯ ಮುಂಭಾಗ ಬುದ್ದ ಮೂರ್ತಿಯನ್ನು ಕೂರಿಸಿ ವಿದ್ಯಾರ್ಥಿಗಳಿಗೆ ಮತ್ತು ಸಾರ್ವಜನಿಕರಿಗೆ ಬುದ್ದ, ಬಸವ,ಅಂಬೇಡ್ಕರ್ ರವರ ವಿಚಾರಧಾರೆಗಳನ್ನು ತಿಳಿಸುವಂತಹ ಕಾಯಕವನ್ನು ಮಾಡಿಕೊಂಡು ಬಂದಿದ್ದಾರೆ.
ಅದೇ ರೀತಿ ಮಕ್ಕಳು ಗೌರಿಗಣೇಶ ಹಬ್ಬದಂದು ಮೌಢ್ಯ ಆಚರಣೆ ಮಾಡದೆ ಬುದ್ದನನ್ನು ಕೂರಿಸಿ ಬುದ್ದನ ಬೋಧನೆ ಮತ್ತು ಸಾಧನೆಗಳನ್ನು ಪಠಿಸಿದರು ಈ ಕಾರ್ಯಕ್ರಮವು ಪ್ರತಿಹಳ್ಳಿಗಳಲ್ಲಿ ಆಚರಣೆಯಾದರೆ ಭಾರತ ಪ್ರಬುದ್ಧಭಾರತವಾಗುತ್ತದೆ ಎಂದು ಕೇಶವಮೂರ್ತಿ ತಿಳಿಸಿದರು.
ಕೆಸ್ತೂರು ಗ್ರಾಮವು ರಾಜ್ಯದಲ್ಲಿಯೇ ಹೆಸರುವಾಸಿಯಾಗಿದೆ ಇದೇ ಗೌರಿಹಬ್ಬದಂದು ಅಂಬೇಡ್ಕರ್ ಯುವಕ ಸಂಘವು ಗಣಪತಿಗೆ ಬ್ರೇಕ್ ಗ್ರಂಥಾಲಯಕ್ಕೆ ಸಾಥ್ ಎಂಬ ಕಾರ್ಯಕ್ರಮವನ್ನು ಮಾಡಿ‌ದರು ಗಣೇಶನನ್ನು ಕೂರಿಸುವುದರಿಂದ ಯಾವುದೇ ಪ್ರಯೋಜನವಿಲ್ಲ ಇದರ ಬದಲು ಗ್ರಂಥಾಲಯವನ್ನು ಸ್ಥಾಪನೆ ಮಾಡಿದರೆ ಜನರಲ್ಲಿ ವಿದ್ಯಾರ್ಥಿಗಳಲ್ಲಿ  ವೈಜ್ಞಾನಿಕ ಪರಿಕಲ್ಪನೆ ಮೂಡುತ್ತದೆ ಎಂದು ಗಣೇಶನಿಗೆ ಬ್ರೇಕ್ ಮಾಡಿ‌ಗ್ರಂಥಾಲಯವನ್ನು ಸ್ಥಾಪಿಸಿದರು.
ಈ ವಿನೂತನ ಕಾರ್ಯಕ್ಕೆ ರಾಜ್ಯವೇ ಮೆಚ್ಚುಗೆ ವ್ಯಕ್ತಪಡಿಸಿತು.
ಅದೇ ರೀತಿ ಪ್ರತಿ ಗೌರಿಗಣೇಶ ಹಬ್ಬಕ್ಕೆ ಈ ಗ್ರಾಮದಲ್ಲಿ ಮೌಲ್ಯಯುತವಾದ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ.
ಗಣೇಶನಿಗೆ ಪೂಜೆ ಮಾಡುವ ಬದಲು ಬುದ್ದನಿಗೆ ಪೂಜೆ ಮಾಡುವುದರ ಮೂಲಕ ಆಚರಣೆ ಮಾಡಿದರು.
ಭಾರತವು ಬಹುಸಂಸ್ಕೃತಿಯನ್ನು ಹೊಂದಿರುವ ರಾಷ್ಟ್ರವಾಗಿದೆ ನಮ್ಮ ಸಂವಿಧಾನ ಎಲ್ಲಾ ಧರ್ಮವನ್ನು ಸಮಾನವಾಗಿ ಕಾಣುತ್ತದೆ ಗೌರಿಗಣೇಶ ಹಬ್ಬವು  ಹಿಂದುಗಳ ಪ್ರಮುಖ ಹಬ್ಬವಾಗಿದೆ. ಅವರ ಭಾವನೆಗಳಿಗೆ ದಕ್ಕೆಯಾಗದೆ ರೀತಿಯಲ್ಲಿ ನಾವು ಬುದ್ದನ ಕಾರ್ಯವನ್ನು ಮಾಡಲಾಗಿದೆ ಎಂದರು.
ವರದಿ.‌ಪ್ರಸನ್ನಕುಮಾರ್‌‌ ಕೆಸ್ತೂರು.