ಬೀದರ.18.ಆಗಸ್ಟ್.25:ಗ- ಸರ್ಕಾರಿ ಪದವಿ ಕಾಲೇಜುಗಳ ಅತಿಥಿ ಉಪನ್ಯಾಸಕರ ರಾಜ್ಯ ಸಮನ್ವಯ ಸಮಿತಿ ಬೀದರ ಘಟಕ ವತಿಯಿಂದ ಇಂದು ಯುಜಿಸಿ ನಾನ್ ಯುಜಿಸಿ ತಾರತಮ್ಯ ಮಾಡದೆ ಅತಿಥಿ ಉಪನ್ಯಾಸಕರ ನೇಮಕಾತಿ ಬೇಗನೆ ಮಾಡಬೇಕೆಂದು ಪ್ರತಿಭಟನೆ ಮಡೀ ರಾಜ್ಯ ಸರ್ಕಾರಕೆ ಮನವಿ ಸಲ್ಲಿಸಲಾಯಿತು.

2025-26 ನೇ ಸಾಲಿನ ಅತಿಥಿ ಉಪನ್ಯಾಸಕರ ನೇಮಕಾತಿ ಸಮಸ್ಯೆಯನ್ನು ಯುಜಿಸಿ ಮತ್ತು ನಾನ್ ಯುಜಿಸಿ ಎಂಬ ತಾರತಮ್ಯವಿಲ್ಲದೇ ಸೇವಾ ಜೇಷ್ಠತೆಯನ್ನು ಅನುಸರಿಸಿ, ಸೇವೆಯಲ್ಲಿ ಪರಿಗಣಿಸುವಂತೆ ರಾಜ್ಯದ ಎಲ್ಲಾ ಜಿಲ್ಲೆಗಳ ಮಾನ್ಯ ಜಿಲ್ಲಾಧಿಕಾರಿಗಳ ಮೂಲಕ ಆಗ್ರಹಿಸಿ ರಾಜ್ಯದ ಘನ ಸರ್ಕಾರಕ್ಕೆ ಮನವಿ.

ರಾಜ್ಯದ 430 ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಸುಮಾರು 10,976ಕ್ಕೂ ಹೆಚ್ಚು ಅತಿಥಿ ಉಪನ್ಯಾಸಕರು ಹತ್ತಾರು ವರ್ಷಗಳಿಂದ ಅತ್ಯಂತ ಕನಿಷ್ಠ ಗೌರವಧನ ಪಡೆದು ನಿಷ್ಠೆ ಮತ್ತು ಪ್ರಾಮಾಣಿಕತೆಯಿಂದ ಇಲ್ಲಿಯವರೆಗೂ ಸೇವೆ ಸಲ್ಲಿಸುತ್ತಾ ಬಂದಿದ್ದೇವೆ. ಸೇವಾ ವಿಲೀನಾತಿ, ಭದ್ರತೆ, ಗೌರವಧನ ಹೆಚ್ಚಳ ಇನ್ನಿತರ ಬೇಡಿಕೆಗಳ ಸಂಬಂಧ ದಶಕಗಳಿಂದ ಮನವಿ, ಭಿನ್ನವತ್ತಳೆಯನ್ನು, ಪ್ರಜಾಸತಾತ್ಮಕ ಹೋರಾಟ ನಡೆಸಿ, ಎಲ್ಲಾ ಸರ್ಕಾರಗಳಿಗೂ ಮನವಿ ಸಲ್ಲಿಸಿದ್ದೇವೆ.

ಕಳೆದ ಭಾರಿ (2021) ಅಧಿಕಾರದಲ್ಲಿದ್ದ ಬಿಜೆಪಿ ಸರ್ಕಾರದ ಅಧಿಕಾರವಧಿಯಲ್ಲಿ ಉನ್ನತ ಶಿಕ್ಷಣ ಸಚಿವರಾದ ಮಾನ್ಯ ಡಾ. ಅಶ್ವಥನಾರಾಯಣರವರು, ಅತಿಥಿ ಉಪನ್ಯಾಸಕರ ಬೇಡಿಕೆಗಳ ಸಂಬಂಧ ನಡೆಸಲಾದ ಮುಷ್ಕರದ ಅವಧಿಯಲ್ಲಿ, ನಮ್ಮಗಳ ಬೇಡಿಕೆ ಇತ್ಯಾರ್ಥ ಪಡಿಸುವ ಸಲುವಾಗಿ ಸಂಖ್ಯೆ: ಇಡಿ/242/ಡಿಸಿಇ/2021 ದಿನಾಂಕ: 15/01/2021ರಲ್ಲಿ ಸರ್ಕಾರ ಅಧಿಸೂಚನೆಯೊಂದನ್ನು ಹೊರಡಿಸಿ, ಸರ್ಕಾರದ ಅಪರ ಮುಖ್ಯಕಾರ್ಯದರ್ಶಿ ಉನ್ನತ ಶಿಕ್ಷಣ ಇಲಾಖೆ, ಇವರ ಅಧ್ಯಕ್ಷತೆಯಲ್ಲಿ 4 ಜನ ಉನ್ನತಮಟ್ಟದ ಅಧಿಕಾರಿಗಳನ್ನೊಳಗೊಂಡ ಸಮಿತಿ ರಚಿಸಿ, 1 ತಿಂಗಳೊಳಗಾಗಿ ವಿಸ್ತ್ರತ ವರದಿ ನೀಡುವಂತೆ ಸೂಚಿಸಲಾಗಿತ್ತು.

ಅದರಂತೆ 12/01/2022 ರಂದು ಸಮಿತಿ ವರದಿ ನೀಡಿ, ಇದೇ ದಿನ ಸರ್ಕಾರ ಮತ್ತು ಅತಿಥಿ ಉಪನ್ಯಾಸಕರ ಎರಡು ಸಂಘಟನೆಗಳ ಕೆಲವೇ ಮುಖಂಡರ ಜೊತೆ ಸಭೆ ನಡೆಸಿ 8 ಗಂಟೆ ಕಾರ್ಯಭಾರದ ಬದಲಾಗಿ ವಾರಕ್ಕೆ 15-19 ಗಂಟೆಯ ಕಾರ್ಯಭಾರ ಹೆಚ್ಚಿಸಿತು. ಅಲ್ಪ ಗೌರವಧನ ಹೆಚ್ಚಳ ಮಾಡಿತು. ಜೊತೆಗೆ ಸಮಿತಿಯು ನೀಡಿದ ವರದಿ ಕ್ರಮ ಸಂಖ್ಯೆ 7 ರಲ್ಲಿ ಯುಜಿಸಿ ಅರ್ಹತೆ ಪಡೆಯದ 5,353 ಅತಿಥಿ ಉಪನ್ಯಾಸಕರು “3 ವರ್ಷದೊಳಗೆ ಯುಜಿಸಿ ಅರ್ಹತೆ ಪಡೆಯದಿದ್ದರೆ ಅಂಥವರನ್ನು ಸೇವೆಯಿಂದ ಸಂಪೂರ್ಣವಾಗಿ ನಿರ್ಬಂಧಿಸುವುದು” ಎಂಬ ಸಮಿತಿಯ ಶಿಫಾರಸ್ಸು ಈಗ ಸೇವೆಯಲ್ಲಿರುವ ಅತಿಥಿ ಉಪನ್ಯಾಸಕರ ಪಾಲಿಗೆ ಇಂದು ಮರಣ ಶಾಸನವಾಗಿದೆ. ಇದು ಸಂವಿಧಾನಾತ್ಮಕವಾಗಿ ರಚನೆಗೊಂಡ ಕೆಸಿಎಸ್‌ಆರ್ (KCSR) 1977 ಮತ್ತು 78 ರ ನಿಯಮಗಳಿಗೆ ವಿರುದ್ಧವಾಗಿದೆ.

ಅಂದಿನ ಸಮಿತಿಯು ಮಾಡಿದ ಈ ಶಿಫಾರಸ್ಸುಗಳನ್ನು ನಮ್ಮ ಸಮಿತಿಯು ಸೇರಿದಂತೆ ಸಾವಿರಾರು ಅತಿಥಿ ಉಪನ್ಯಾಸಕರು ಇದನ್ನು ವಿರೋಧಿಸಿ ಪ್ರತಿಭಟನೆ ನಡೆಸಿದ್ದೇವು. ಹಾಗೆ ನೋಡಿದರೆ ಅತಿಥಿ ಉಪನ್ಯಾಸಕರ ಸಂಘಟನೆಗಳ ಬೇಡಿಕೆಗಳಿಗೆ ಇದು ತದ್ ವಿರುದ್ಧವಾಗಿತ್ತು. ಇದು ಬಿಜೆಪಿ ಸರ್ಕಾರದ ಅವಧಿಯಲ್ಲಿ ಮಾಡಿದ ಎಡವಟ್ಟಿನಿಂದ ಇಂದು ಸಾವಿರಾರು ಅತಿಥಿ ಉಪನ್ಯಾಸಕರು ಬೀದಿಗೆ ಬೀಳುವಂತಾಗಿದೆ.

ಹಾಗೆ ನೋಡಿದರೆ ಈ ನಿರ್ಧಾರ ನಿರಂತರ ಸೇವೆಯಲ್ಲಿರುವ ತಾತ್ಕಾಲಿಕ ನೌಕರರ ಪಾಲಿಗೆ ಅನ್ವಯಿಸುವುದಿಲ್ಲ. ಒಂದು ಕಡೆ ಕಾಲೇಜು ಶಿಕ್ಷಣ ಇಲಾಖೆ ಪ್ರತಿ ವರ್ಷದ ನೇಮಕಾತಿ ಸುತ್ತೋಲೆಗಳಲ್ಲಿ ಅತಿಥಿ ಉಪನ್ಯಾಸಕರ ಸ್ಥಾನ ಪಲ್ಲಟವಾಗುವುದು “ಹೊಸ ನೇಮಕಾತಿ, ವರ್ಗಾವಣೆ, ನಿಯೋಜನೆ ಹಾಗೂ ಕಾರಭಾರದ ಕೊರತೆಗೊಂಡ ಸಂದರ್ಭದಲ್ಲಿ ಮಾತ್ರ ಅವರನ್ನು ಸೇವೆಯಿಂದ ಬಿಡುಗಡೆಗೊಳಿಸಬಹುದು” ಎಂದು ಪ್ರಸ್ತಾಪಿಸಿದೆ.

ಈ ಕಾರಣಕ್ಕಾಗಿಯೇ ಈ ಹಿಂದೆ ಅತಿಥಿ ಉಪನ್ಯಾಸಕರ ಸ್ಥಾನ ಪಲ್ಲಟ ಮಾಡಲು ಯಾರಾದರೂ ಮುಂದಾದಗ “One part time lecturer should not disturb another part time lecturer” ಎಂದು ಘನ ನ್ಯಾಯಾಲಯಗಳು ಈ ಹಿಂದೆ ಮತ್ತು ಪ್ರಸ್ತುತ ತಡೆಯಾಜ್ಞೆ

ನೀಡಿದ ಉದಾಹರಣೆಗಳಿವೆ. ಇದರ ಆಧಾರದ ಮೇಲೆ ಇಂದು ಸಾವಿರಾರು ಅತಿಥಿ ಉಪನ್ಯಾಸಕರು ನ್ಯಾಯಾಲಯದ ಮೊರೆ ಹೋಗಿ ತಡೆಯಾಜ್ಞೆ ತಂದಿದ್ದಾರೆ.

ಜೊತೆಗೆ ಪ್ರಸ್ತುತ ಮಾನ್ಯ ಮುಖ್ಯಮಂತ್ರಿಗಳಾದ ಸಿದ್ದರಾಮಯ್ಯ ಅವರ ನೇತೃತ್ವದ ಸರ್ಕಾರ ಅತಿಥಿ ಉಪನ್ಯಾಸಕರ ವಿವಿಧ ಬೇಡಿಕೆಗಳ ಸಂಬಂಧ ಈಗಿನ ಉನ್ನತ ಶಿಕ್ಷಣ ಸಚಿವರಾದ ಮಾನ್ಯ ಡಾ. ಎಂ.ಸಿ. ಸುಧಾಕರ್ ಅವರ ಅಧ್ಯಕ್ಷತೆಯಲ್ಲಿ, ಅತಿಥಿ ಉಪನ್ಯಾಸಕರ ವಿವಿಧ ಸಂಘಟನೆಗಳ ಮುಖಂಡರ ಜೊತೆ ದಿನಾಂಕ: 01/12/2023 ರ ಸಮಾಲೋಚನೆ ನಡೆಸಿದ ತದನಂತರ ದಿನಾಂಕ: 22/12/2023 ರಂದು ಮಾನ್ಯ ಉನ್ನತ ಶಿಕ್ಷಣ ಸಚಿವರ ಅಧ್ಯಕ್ಷತೆಯಲ್ಲಿ, ಮಾನ್ಯ ಮುಖ್ಯಮಂತ್ರಿ ಕಾನೂನು ಸಲಹೆಗಾರರು, ಆರ್ಥಿಕ ಇಲಾಖೆ ಅಪರ ಮುಖ್ಯ ಕಾರ್ಯದರ್ಶಿ, ಉನ್ನತ ಶಿಕ್ಷಣ ಇಲಾಖೆ ಸರ್ಕಾರದ ಕಾರ್ಯದರ್ಶಿ, ಕಾನೂನು ಇಲಾಖೆ ಕಾರ್ಯದರ್ಶಿ, ಮಾನ್ಯ ಆಯುಕ್ತರು ಕಾಲೇಜು ಶಿಕ್ಷಣ ಇಲಾಖೆ ಹಾಗೂ 10 ಜನ ಅಧಿಕಾರಿಗಳ ಸಭೆಯಲ್ಲಿ ಗೌರವಧನ ಹೆಚ್ಚಳ, ತಿಂಗಳಿಗೆ ಒಂದು ರಜೆ, ಅತಿಥಿ ಉಪನ್ಯಾಸಕರ ನೇಮಕಾತಿಗೆ ಪ್ರತಿ ವರ್ಷ ಅರ್ಜಿ ಕರೆಯದೇ Document verification ಮಾಡದೇ ಹಿಂದಿನ ವರ್ಷದ ಅರ್ಜಿಯನ್ನೆ ಪರಿಗಣಿಸುವುದು, ನಿವೃತ್ತಿಯ ನಂತರ 5 ಲಕ್ಷ ಇಡಿಗಂಟು ಸೌಲಭ್ಯ, ಆರೋಗ್ಯ ವಿಮೆ, ಕೌನ್ಸಿಲಿಂಗ್‌ ಸರಳೀಕರಣ, ಈ ಎಲ್ಲಾ ಬೇಡಿಕೆಗಳು ಹಲವು ದಶಕಗಳಿಂದ ಕಾರನಿರ್ವಹಿಸುತ್ತಾ ಬಂದಿರುವ ಅತಿಥಿ ಉಪನ್ಯಾಸಕರಿಗೆ ಮಾನವೀಯತೆಯ ಆಧಾರದ ಮೇಲೆ ಕೈಗೊಂಡ ತೀರ್ಮಾನಗಳಾಗಿವೆ. ಈ ಎಲ್ಲಾ ಸೌಲಭ್ಯಗಳು ಅನೇಕ ದಶಕಗಳಿಂದ ಕನಿಷ್ಠ ಗೌರವಧನಕ್ಕೆ ಈವರೆಗೂ ಸೇವೆ ಸಲ್ಲಿಸುತ್ತಾ ಬಂದಿರುವ ಯುಜಿಸಿ ಅರ್ಹತೆ ಇಲ್ಲದ ಕಾರಣಕ್ಕೆ ಅತಿಥಿ ಉಪನ್ಯಾಸಕರ ಸೇವೆಯಿಂದ ಹೊರಗುಳಿದರೆ, ಅವರು ಈ ಅವಕಾಶದಿಂದ ವಂಚಿತರಾಗುತ್ತಾರೆ.

ಆದ್ದರಿಂದ ಮಾನ್ಯ ಕರ್ನಾಟಕ ಘನ ಸರ್ಕಾರ ಈ ಅಂಶಗಳನ್ನು ಪರಿಶೀಲಿಸಿ ಸೇವಾ ಜೇಷ್ಠತೆಯನ್ನು ಮಾನದಂಡವಾಗಿಟ್ಟು ಕೊಂಡು ಕಾಲೇಜು ಶಿಕ್ಷಣ ಇಲಾಖೆ ಸುಮಾರು ಎರಡು ದಶಕಗಳಿಂದ ಸೇವೆ ಸಲ್ಲಿಸುತ್ತಾ ಬಂದ ಅತಿಥಿ ಉಪನ್ಯಾಸಕರನ್ನು ಮಾನವೀಯ ದೃಷ್ಠಿಯಿಂದ ಪರಿಶೀಲಿಸಿ ನ್ಯಾಯ ಒದಗಿಸಲು, ಈ ಮೂಲಕ ಸಮಿತಿ ಮನವಿ ಮಾಡುತ್ತದೆ.

ಈ ಕೆಳಕಂಡ ಅಂಶಗಳನ್ನು ಮರುಪರಿಶೀಲಿಸುವಂತೆ ಒತ್ತಾಯಿಸುತ್ತೇವೆ.

1. ಸಂ: ಪ್ರಾಕಾಶಿ: ಕಾಶಿ: ಕಾಶಿಇ: ಅಉನೇ: 174: 2000-01 ದಿನಾಂಕ: 25-01-2001 ರ ಆದೇಶ ಪತ್ರದಲ್ಲಿ ‘ಶೈಕ್ಷಣಿಕ ವರ್ಷದಲ್ಲಿ ತರಗತಿಗಳು ಕೊನೆಗೊಳ್ಳುವ ದಿನಾಂಕ ಅಥವಾ ಸಾಕಷ್ಟು ಪೂರ್ಣಕಾಲಿಕ ಬೋಧಕರನ್ನು ಒದಗಿಸುವವರೆಗೆ…” ಅತಿಥಿ ಉಪನ್ಯಾಸಕರನ್ನು ಸೇವೆಯಲ್ಲಿ ಬಳಸಿಕೊಳ್ಳಲಾಗಿದೆ.

2. In the Karnataka Administrative Tribunal at Bangalore (៥៥ ៩ ) 4th July 1997, Application Number 3265 & 3266 of 1977 ដ & Others ผ ฝ ಇವರ ಕೇಸ್‌ನಲ್ಲಿ ಘನ ನ್ಯಾಯಲಯ ಈ ಕೆಳಕಂಡಂತೆ ತೀರ್ಪೂ ನೀಡಿದೆ.

“Direct the respondents to continue the services of the applicants in the post of part-time lecturers till the regular appointments are made to the same posts i.e., part-time lecturers cannot be terminated by appointing another part-time lecturers….”

ಅಂದರೆ ಒಬ್ಬ ತಾತ್ಕಾಲಿಕ ನೌಕರನ ಸ್ಥಾನವನ್ನು ಮತ್ತೋಬ್ಬ ತಾತ್ಕಾಲಿಕ ನೌಕರನು ಕಿತ್ತುಕೊಳ್ಳುವಂತಿಲ್ಲ ಎಂದು ಕೆಎಟಿ ತೀರ್ಪೂ ನೀಡಿದೆ. ತಾತ್ಕಾಲಿಕ ನೌಕರನ ಸ್ಥಾನವನ್ನು ಖಾಯಂ, ನಿಯೋಜನೆ ಮತ್ತು ವರ್ಗಾವಣೆಯಿಂದ ಮಾತ್ರ ತೆರವುಗೊಳಿಸಬಹುದು. ಹಾಗೆ ದೆಹಲಿ, ಹರಿಯಾಣ ನ್ಯಾಯಲಯಗಳು ಸಹ ತಾತ್ಕಾಲಿಕ ನೌಕರನ ಸ್ಥಾನವನ್ನು ಖಾಯಂ ಹುದ್ದೆ, ನಿಯೋಜನೆ ಮತ್ತು ವರ್ಗಾವಣೆಯಿಂದ ಮಾತ್ರ ತೆರವುಗೊಳಿಸಬಹುದು ಎಂದು ಘನ ನ್ಯಾಯಲಯಗಳು ತೀರ್ಪೂ ನೀಡಿವೆ.

3. ថ្ម ថថ 盛 K. Krishna and Ors. the University of Mysore Rep. By… on 3rd February 2003 LLR 2003 KAR 2578

“Provision of giving a break to be put an end to and a person appointed temporarily should also be paid the salary that is admissible to the regularly appointed teacher service of temporary teachers who have worked for 3 years including the break should not be terminated and theyshould be absorbed as and when vacancies arise, such teachers should be continued in service during vacations” ಎಂದು ತೀರ್ಪೂ ನೀಡಿದೆ.

4. Karnataka Civil Services (General Recruitment Rules) 1977 2 1(3) de ನೌಕರರನ್ನು ನೇಮಕ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ಹಾಗೆ ನಿಯಮ 3 ರ ಅಡಿ ಹಂಗಾಮಿಯಾಗಿ ನಿರಂತರ 3, 5 ಮತ್ತು 10 ವರ್ಷಗಳ ಕಾಲ ಸೇವೆ ಸಲ್ಲಿಸಿದವರನ್ನು ನಿಯಮ 14 ರ ಅಡಿ ಹಂಗಾಮಿ ನೌಕರರನ್ನು ಸೇವೆಯಲ್ಲಿ ವಿಲೀನಗೊಳಿಸಲು ಅವಕಾಶ ಕಲ್ಪಿಸಲಾಗಿದೆ.

5. ಸಂಖ್ಯೆ: ಕಾಶಿಇ/ನೇವಿ-೧/ಆಉಆ/90 2023-24 ದಿನಾಂಕ: 24/08/2023 ನೇ ಪ್ರಕಟಣೆ ಪುಟ ಸಂಖ್ಯೆ ೩ ಆಯ್ಕೆಯ ಪ್ರಕ್ರಿಯ ನಿಯಮಾವಳಿ ೯ ರಲ್ಲಿ ‘ಕರ್ನಾಟಕ ರಾಜ್ಯದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಅರೆಕಾಲಿಕ/ಅತಿಥಿ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಿದವರನ್ನು ಮಾತ್ರ ಆಯ್ಕೆಗೆ ಪರಿಗಣಿಸಲಾಗುವುದು”

ಜೊತೆಗೆ ಈ ಮೇಲಿನ ಅಂಶಗಳನ್ನು ರಾಜ್ಯ ಸರ್ಕಾರದ ಹಂತದಲ್ಲಿ ಅಥವಾ ಸಚಿವ ಸಂಪುಟ ಸಮಿತಿಯ ಮುಂದೆ ತಂದು, ಹಾಗೆ ವಿದ್ಯಾರ್ಥಿಗಳ ಪಾಠ ಪ್ರವಚನಗಳ ಹಿತದೃಷ್ಟಿಯಿಂದ ಹಾಗೂ ಅತಿಥಿ ಉಪನ್ಯಾಸಕರ ಹಿತಗಳನ್ನು ಗಮದಲ್ಲಿಟ್ಟುಕೊಂಡು ಕೂಡಲೆ ಇತ್ಯಾರ್ಥ ಪಡಿಸುವಂತೆ ಒತ್ತಾಯಿಸಿ, ಸಾಂಕೇತಿಕ ಮೌನ ಧರಣಿ ಸತ್ಯಾಗ್ರಹವನ್ನು ರಾಜ್ಯದ ಎಲ್ಲಾ ಜಿಲ್ಲಾ ಕೇಂದ್ರಗಳಲ್ಲಿರುವ ಮಾನ್ಯ ಜಿಲ್ಲಾಧಿಕಾರಿಗಳ ಮೂಲಕ ರಾಜ್ಯದ ಘನ ಸರ್ಕಾರಕ್ಕೆ ಮನವಿ ಸಲ್ಲಿಸುತ್ತಿದ್ದೇವೆ.

ಬೇಡಿಕೆಗಳು

1. ಅತಿಥಿ ಉಪನ್ಯಾಸಕರ ಪ್ರಸ್ತುತ ಸಮಸ್ಯೆಯನ್ನು ಸರ್ಕಾರದ ಹಂತದಲ್ಲಿ ಅಥವಾ ಸಚಿವ ಸಂಪುಟ ಸಮಿತಿಯ ಮುಂದೆ ತಂದು ಇತ್ಯಾರ್ಥ ಪಡಿಸುವಂತೆ, ಹಾಗೂ ಸೇವಾ ಜೇಷ್ಠತೆಯ ಆಧಾರದ ಮೇಲೆ ನೇಮಕ ಮಾಡಿಕೊಳ್ಳಬೇಕು.

2. ಕಾರ್ಯಭಾರದ ಕೊರತೆ. ನೂತನ ನೇಮಕಾತಿ, ವರ್ಗಾವಣೆ ಪರಿಣಾಮದಿಂದ ಸೇವೆಯಿಂದ ಹೊರಗುಳಿದವರನ್ನು ಸೇವೆಯಲ್ಲಿ ಆಯ್ಕೆ ಮಾಡಿಕೊಳ್ಳಬೇಕು ಮತ್ತು 40-60ರ ಅನುಪಾತದಲ್ಲಿ ಕಲಾ, ವಾಣಿಜ್ಯ ಮತ್ತು ನಿರ್ವಹಣಾಶಾಸ್ತ್ರ, ವಿಜ್ಞಾನ, ಗಣಕ ವಿಜ್ಞಾನ, ಇತರೆ ವಿಭಾಗಗಳನ್ನು ಶೈಕ್ಷಣಿಕ ಗುಣಮಟ್ಟದ ಹಿತದೃಷ್ಠಿಯಿಂದ ತರಗತಿಗಳನ್ನು ವಿಭಜಿಸಿ ಕಾರ್ಯಭಾರ ಹೆಚ್ಚಿಸಬೇಕು.