ಸೌದಿಯಲ್ಲಿ ವಿಶ್ವದ ಮೊದಲ ಕೃತಕ AI ಬುದ್ಧಿಮತ್ತೆ ವೈದ್ಯಕೀಯ ಕ್ಲಿನಿಕ್ ಆರಂಭ !

ಸೌದಿಯೆಲ್ಲಿ ವೈದ್ಯಕೀಯ ಲೋಕ  ಕ್ಷೇತ್ರದಲ್ಲಿ ಹೊಸ ಸಂಚಲನ ಮೂಡಿದೆ. ಈ ಕ್ರಾಂತಿಕಾರಿ ಯೋಜನೆಯು ಶಾಂಘೈ ಮೂಲದ ವೈದ್ಯಕೀಯ ತಂತ್ರಜ್ಞಾನ ಸೌದಿ ಅರೇಬಿಯಾವು ವಿಶ್ವದಲ್ಲೇ ಮೊದಲ ಬಾರಿಗೆ ಕೃತಕ ಬುದ್ಧಿಮತ್ತೆ (ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ – AI ಎಐ) ಆಧಾರಿತ ವೈದ್ಯಕೀಯ ಕ್ಲಿನಿಕ್ ಅನ್ನು ಪ್ರಾರಂಭಿಸುವ ಮೂಲಕ ಇತಿಹಾಸ ನಿರ್ಮಿಸಿದೆ.

ಸೌದಿ ಅರೇಬಿಯಾದ್ ಪೂರ್ವ ಪ್ರಾಂತ್ಯದ ಅಲ್-ಅಹ್ಸಾ ನಗರದಲ್ಲಿ ಈ ನೂತನ ಕ್ಲಿನಿಕ್ ಕಾರ್ಯಾರಂಭ ಮಾಡಿದ್ದು, ವೈದ್ಯಕೀಯ ತಂತ್ರಜ್ಞಾನದ ಪಾಲಿಗೆ ಇದೊಂದು ಮಹತ್ವದ ಮೈಲಿಗಲ್ಲು ಎಂದು ಪರಿಗಣಿಸಲಾಗಿದೆ.

ಈ ಕ್ರಾಂತಿಕಾರಿ ಯೋಜನೆಯು ಶಾಂಘೈ ಮೂಲದ ವೈದ್ಯಕೀಯ ತಂತ್ರಜ್ಞಾನ ಕಂಪನಿಯಾದ ಸಿನ್ಯಿ ಎಐ ಮತ್ತು ಸೌದಿ ಅರೇಬಿಯಾದ ಅಲ್ಮೂಸಾ ಹೆಲ್ತ್ ಗ್ರೂಪ್‌ನ ಸಹಭಾಗಿತ್ವದಲ್ಲಿ ಮೂಡಿಬಂದಿದೆ. ಈ ಕ್ಲಿನಿಕ್‌ನ ಪ್ರಮುಖ ಆಕರ್ಷಣೆಯೆಂದರೆ ‘ಡಾಕ್ಟರ್ ಹುವಾ’ ಎಂಬ ಕೃತಕ ಬುದ್ಧಿಮತ್ತೆ ವೈದ್ಯರು. ರೋಗಿಗಳು ಮೊದಲು ಟ್ಯಾಬ್ಲೆಟ್ ಮೂಲಕ ಡಾಕ್ಟರ್ ಹುವಾ ಅವರೊಂದಿಗೆ ಡಿಜಿಟಲ್ ಸಮಾಲೋಚನೆ ನಡೆಸುತ್ತಾರೆ.

ರೋಗಲಕ್ಷಣಗಳನ್ನು ವಿವರಿಸಿದ ನಂತರ, ಡಾಕ್ಟರ್ ಹುವಾ ಸೂಕ್ತ ಪ್ರಶ್ನೆಗಳನ್ನು ಕೇಳುತ್ತಾರೆ ಮತ್ತು ಮಾನವ ಸಿಬ್ಬಂದಿಯಿಂದ ಪಡೆದ ಇಸಿಜಿ ಹಾಗೂ ಎಕ್ಸ್‌-ರೇಗಳಂತಹ ವೈದ್ಯಕೀಯ ಮಾಹಿತಿಯನ್ನು ವಿಶ್ಲೇಷಿಸುತ್ತಾರೆ.

ಈ ಎಲ್ಲಾ ದತ್ತಾಂಶಗಳನ್ನು ಆಧರಿಸಿ, ಡಾಕ್ಟರ್ ಹುವಾ ಚಿಕಿತ್ಸಾ ಯೋಜನೆಯನ್ನು ರೂಪಿಸುತ್ತಾರೆ. ವಿಶೇಷವೆಂದರೆ, ಈ ಯೋಜನೆಯನ್ನು ರೋಗಿಯನ್ನು ವೈಯಕ್ತಿಕವಾಗಿ ಭೇಟಿ ಮಾಡದೆಯೇ ಮಾನವ ವೈದ್ಯರು ಪರಿಶೀಲಿಸಿ ಅನುಮೋದಿಸುತ್ತಾರೆ.

ಯಾವುದೇ ತುರ್ತು ಪರಿಸ್ಥಿತಿ ಅಥವಾ ಎಐನ ಸಾಮರ್ಥ್ಯ ಮೀರಿದ ಸಂಕೀರ್ಣ ಪ್ರಕರಣಗಳಲ್ಲಿ ಮಧ್ಯಪ್ರವೇಶಿಸಲು ಮಾನವ ವೈದ್ಯರು ಸದಾ ಸನ್ನದ್ಧರಾಗಿರುತ್ತಾರೆ.

ಸಿನ್ಯಿ ಎಐ, ಮಾನವ ವೈದ್ಯರನ್ನು “ಸುರಕ್ಷತಾ ಕಾವಲುಗಾರರು” ಎಂದು ಪರಿಗಣಿಸುತ್ತದೆ. ಅವರು ರೋಗನಿರ್ಣಯ ಮತ್ತು ಚಿಕಿತ್ಸಾ ಪ್ರಕ್ರಿಯೆಯ ಸಂಪೂರ್ಣ ಮೇಲ್ವಿಚಾರಣೆಯನ್ನು ನೋಡಿಕೊಳ್ಳುತ್ತಾರೆ. “ಎಐ ಕ್ಲಿನಿಕ್ ಒಂದು ನವೀನ ವೈದ್ಯಕೀಯ ಸೇವಾ ಮಾದರಿಯಾಗಿದೆ.

ಎಐ ವೈದ್ಯರು ರೋಗಿಗಳ ಸಂದರ್ಶನದಿಂದ ಹಿಡಿದು ಚಿಕಿತ್ಸೆಯ ಶಿಫಾರಸ್ಸಿನವರೆಗೆ ಎಲ್ಲವನ್ನೂ ಸ್ವತಂತ್ರವಾಗಿ ನಿರ್ವಹಿಸುತ್ತಾರೆ. ಮಾನವ ವೈದ್ಯರು ಕೇವಲ ಸುರಕ್ಷತಾ ಮೇಲ್ವಿಚಾರಕರಾಗಿ ಕಾರ್ಯನಿರ್ವಹಿಸಿ, ರೋಗನಿರ್ಣಯ ಮತ್ತು ಚಿಕಿತ್ಸೆಯ ಫಲಿತಾಂಶಗಳನ್ನು ಪರಿಶೀಲಿಸುತ್ತಾರೆ” ಎಂದು ಕಂಪನಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಸಿನ್ಯಿ ಎಐ ನ ಸಿಇಒ ಝಾಂಗ್ ಶಾವೊಡಿಯಾನ್ ಅವರ ಪ್ರಕಾರ, ಕಂಪನಿಯ ತಂತ್ರಜ್ಞಾನವು ಪರೀಕ್ಷೆಗಳಲ್ಲಿ ಶೇಕಡಾ 0.3 ಕ್ಕಿಂತ ಕಡಿಮೆ ದೋಷದ ಪ್ರಮಾಣವನ್ನು ತೋರಿಸಿದೆ. “ಹಿಂದೆ, ಎಐ ವೈದ್ಯರಿಗೆ ಸಹಾಯ ಮಾಡುತ್ತಿತ್ತು. ಈಗ ನಾವು ಅಂತಿಮ ಹಂತಕ್ಕೆ ಬಂದಿದ್ದೇವೆ – ಎಐ ನೇರವಾಗಿ ರೋಗಿಗಳನ್ನು ಪತ್ತೆಹಚ್ಚಲು ಮತ್ತು ಚಿಕಿತ್ಸೆ ನೀಡಲು ಅವಕಾಶ ನೀಡುತ್ತಿದ್ದೇವೆ” ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

2016 ರಲ್ಲಿ ಸ್ಥಾಪಿತವಾದ ಸಿನ್ಯಿ ಎಐ, ಚೀನಾದಲ್ಲಿ ಈಗಾಗಲೇ 800 ಕ್ಕೂ ಹೆಚ್ಚು ಆಸ್ಪತ್ರೆಗಳು, ಕ್ಲಿನಿಕ್‌ಗಳು ಮತ್ತು ವೈದ್ಯಕೀಯ ಸಂಸ್ಥೆಗಳೊಂದಿಗೆ ಯಶಸ್ವಿಯಾಗಿ ಸಹಕರಿಸಿದೆ. ಟೆನ್ಸೆಂಟ್ ಮತ್ತು ಜಿಜಿವಿ ಕ್ಯಾಪಿಟಲ್‌ನಂತಹ ಪ್ರಮುಖ ಹೂಡಿಕೆದಾರರ ಬೆಂಬಲದೊಂದಿಗೆ, ಸಿನ್ಯಿ ಎಐ ಕೃತಕ ಬುದ್ಧಿಮತ್ತೆಯನ್ನು ಬಳಸಿಕೊಂಡು ವೈದ್ಯಕೀಯ ದತ್ತಾಂಶ ನಿರ್ವಹಣೆ ಮತ್ತು ಸಂಶೋಧನೆಯನ್ನು ಮತ್ತಷ್ಟು ಅಭಿವೃದ್ಧಿಪಡಿಸುವ ಗುರಿಯನ್ನು ಹೊಂದಿದೆ. ಸೌದಿ ಅರೇಬಿಯಾದಲ್ಲಿನ ಈ ಹೊಸ ಕ್ಲಿನಿಕ್, ಸಿನ್ಯಿ ಎಐ ನ ಮೊದಲ ಅಂತರರಾಷ್ಟ್ರೀಯ ವಿಸ್ತರಣೆಯಾಗಿದ್ದು, ಜಾಗತಿಕ ಆರೋಗ್ಯ ಕ್ಷೇತ್ರದಲ್ಲಿ ತಂತ್ರಜ್ಞಾನದ ಮಹತ್ವವನ್ನು ಸಾರಿ ಹೇಳುವಂತಿದೆ.