ವೃಕ್ಷೋದ್ಯಾನ ನಿರ್ಮಾಣದ ಭೂಮಿಪೂಜೆ. ಸಚಿವ ಶ್ರೀ ಈಶ್ವರ ಖಂಡ್ರೆ

ವಿಜಯಪುರ.01.ಸೆಪ್ಟೆಂಬರ್.25:- ಜಿಲ್ಲೆಯ ಮುದ್ದೇಬಿಹಾಳ್ ತಾಲೂಕಿನ ಬಿದರಕುಂದಿ ಬಳಿ ಸಾಲುಮರದ ತಿಮ್ಮಕ್ಕ ವೃಕ್ಷೋದ್ಯಾನ ನಿರ್ಮಾಣದ ಭೂಮಿಪೂಜೆಯನ್ನು ಅರಣ್ಯ ಮತ್ತು ಪರಿಸರ ಸಚಿವರಾದ ಶ್ರೀ ಈಶ್ವರ ಖಂಡ್ರೆ ನೆರವೇರಿಸಿದರು.

ಈ ಸಂದರ್ಭದಲ್ಲಿ ವಿಜಯಪುರ ಜಿಲ್ಲೆಯ ಉಸ್ತುವಾರಿ ಸಚಿವರಾದ ಶ್ರೀ ಎಂ.ಬಿ. ಪಾಟೀಲ್, ಕಾನೂನು ಸಚಿವರಾದ ಶ್ರೀ ಎಚ್.ಕೆ. ಪಾಟೀಲ್, ಸಂಸದರಾದ ಶ್ರೀ ರಮೇಶ ಜಿಗಜಿಗಣಿ, ಸ್ಥಳೀಯ ಶಾಸಕರಾದ  ಶ್ರೀ ಸಿ.ಎಸ್. ನಾಡಗೌಡ ಹಾಗೂ ಅರಣ್ಯ ಇಲಾಖೆಯ ಅಧಿಕಾರಿಗಳು ಉಪಸ್ಥಿತರಿದ್ದರು.

ಈ ವೃಕ್ಷೋದ್ಯಾನವು ಪರಿಸರ ಸಂರಕ್ಷಣೆ, ಹಸಿರು ವೃದ್ಧಿ ಹಾಗೂ ಮುಂದಿನ ತಲೆಮಾರಿಗೆ ಪ್ರಕೃತಿಯ ಮಹತ್ವವನ್ನು ತಲುಪಿಸಲು ಮಹತ್ವದ ಹೆಜ್ಜೆಯಾಗಲಿದೆ.