ರಾಜ್ಯ ಸರ್ಕಾರ ವತಿಯಿಂದ ಕಟ್ಟಡ ಕಾರ್ಮಿಕರಿಗೆ ವಿವಿಧ ಸೌಲಭ್ಯಗಳು .!

ಬೆಂಗಳೂರು.08.ನವೆಂಬರ.25:- ರಾಜ್ಯ ಸರ್ಕಾರ ನೋಂದಾಯಿತ ಕಟ್ಟಡ ಕಾರ್ಮಿಕರಿಗೆ ಹಲವು ಸಾಮಾಜಿಕ ಮತ್ತು ಆರ್ಥಿಕ ವಿವಿಧ ಯೋಜನೆಗಳಿಗೆ ಅಧಿಸೂಚನೆ ಹೊರಡಿಸಲಾಗಿದೆ. ಕಟ್ಟಡ ಮತ್ತು ಇತರೆ ಅಸಂಘಟಿತ ಕ್ಷೇತ್ರದ ಕಾರ್ಮಿಕರು ಈ ಯೋಜೆಗಳಿಂದ ಪ್ರಯೋಜನ ಪಡೆಯಬಹುದು.

ವಿವಿಧ ಸೌಲಭ್ಯಗಳ ಮಾಹಿತಿ:

ಬಸ್ ಪಾಸ್ ಸೌಲಭ್ಯ:
ಬೆಂಗಳೂರು ಪ್ರದೇಶದಲ್ಲಿ ಬಿಎಂಟಿಸಿ ಹಾಗೂ ರಾಜ್ಯದಾದ್ಯಂತ ವಿದ್ಯಾಭ್ಯಾಸದಲ್ಲಿರುವ ಕಾರ್ಮಿಕರ ಮಕ್ಕಳಿಗೆ ಕೆಎಸ್‌ಆರ್ಟಿಸಿ ಬಸ್ ಪಾಸ್.

ತಾಯಿ ಮಗು ಸಹಾಯ ಹಸ್ತ:
ಮಹಿಳಾ ಕಾರ್ಮಿಕರ ಮಗುವಿನ ಪೌಷ್ಠಿಕತೆ ಮತ್ತು ಶಿಕ್ಷಣಕ್ಕಾಗಿ ವರ್ಷಕ್ಕೆ ರೂ. 6,000 (ಮೂರು ವರ್ಷಗಳವರೆಗೆ).

ಪಿಂಚಣಿ ಸೌಲಭ್ಯ:
ಮೂರು ವರ್ಷಗಳ ಸದಸ್ಯತ್ವದ ಬಳಿಕ 60 ವರ್ಷ ಪೂರೈಸಿದ ಫಲಾನುಭವಿಗೆ ಮಾಸಿಕ ರೂ. 1,000 ಪಿಂಚಣಿ.

ದುರ್ಬಲತೆ ಪಿಂಚಣಿ:
ಅಂಗವೈಕಲ್ಯ ಅಥವಾ ಅಪಘಾತದ ಹಿನ್ನೆಲೆಯಲ್ಲಿ ಮಾಸಿಕ ರೂ. 1,000 ಪಿಂಚಣಿ ಹಾಗೂ ರೂ. 2 ಲಕ್ಷದವರೆಗೆ ಅನುಗ್ರಹ ಧನ.

ಹೆರಿಗೆ ಸೌಲಭ್ಯ (ತಾಯಿ ಲಕ್ಷ್ಮೀ ಬಾಂಡ್):
ಹೆಣ್ಣು ಮಗುವಿಗೆ ರೂ. 30,000 ಹಾಗೂ ಗಂಡು ಮಗುವಿಗೆ ರೂ. 20,000 ಸಹಾಯಧನ (ಮೊದಲ ಎರಡು ಮಕ್ಕಳಿಗೆ).

ಅಂತ್ಯಕ್ರಿಯೆ ವೆಚ್ಚ:
ಮೃತ ಕಾರ್ಮಿಕರ ಕುಟುಂಬಕ್ಕೆ ರೂ. 4,000 ಅಂತ್ಯಕ್ರಿಯೆ ವೆಚ್ಚ ಹಾಗೂ ರೂ. 50,000 ಅನುಗ್ರಹ ಧನ.

ಟ್ರೈನಿಂಗ್-ಕಮ್-ಟೂಲ್ಕಿಟ್ ಸೌಲಭ್ಯ:
ಕಾರ್ಮಿಕರ ಕೌಶಲ್ಯಾಭಿವೃದ್ಧಿಗಾಗಿ ರೂ. 20,000ವರೆಗೆ ಸಹಾಯಧನ.

ವಸತಿ ಸೌಲಭ್ಯ (ಕಾರ್ಮಿಕ ಗೃಹ ಭಾಗ್ಯ):
ಮನೆಯ ನಿರ್ಮಾಣ ಅಥವಾ ಖರೀದಿಗೆ ರೂ. 2 ಲಕ್ಷದವರೆಗೆ ಮುಂಗಡ ಸೌಲಭ್ಯ.

ಶೈಕ್ಷಣಿಕ ಸಹಾಯಧನ (ಕಲಿಕೆ ಭಾಗ್ಯ):
ಕಾರ್ಮಿಕರ ಮಕ್ಕಳ ಶಿಕ್ಷಣಕ್ಕಾಗಿ ರೂ. 2,000ರಿಂದ ರೂ. 30,000ರವರೆಗೆ ಹಂತವಾರು ಸಹಾಯಧನ, ಪದವಿ-ಪಿಜಿ-ವೈದ್ಯಕೀಯ-ಇಂಜಿನಿಯರಿಂಗ್ ಕೋರ್ಸ್ಗಳಿಗೂ ಅನ್ವಯ.

ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ವಿಶೇಷ ಧನ:
75%ಕ್ಕಿಂತ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳಿಗೆ ರೂ. 5,000 ರಿಂದ ರೂ. 15,000ರವರೆಗೆ ಬಹುಮಾನ.

ವೈದ್ಯಕೀಯ ಸಹಾಯಧನ (ಕಾರ್ಮಿಕ ಆರೋಗ್ಯ ಭಾಗ್ಯ):
ಆರೋಗ್ಯ ಚಿಕಿತ್ಸೆಗಾಗಿ ರೂ. 300ರಿಂದ ರೂ. 10,000ವರೆಗೆ ಸಹಾಯ.

ಅಪಘಾತ ಪರಿಹಾರ:
ಮರಣದ ವೇಳೆ ರೂ. 5 ಲಕ್ಷ, ಸಂಪೂರ್ಣ ದುರ್ಬಲತೆಗೆ ರೂ. 2 ಲಕ್ಷ, ಭಾಗಶಃ ದುರ್ಬಲತೆಗೆ ರೂ. 1 ಲಕ್ಷ ಪರಿಹಾರ.

ಪ್ರಮುಖ ವೈದ್ಯಕೀಯ ವೆಚ್ಚ (ಕಾರ್ಮಿಕ ಚಿಕಿತ್ಸಾ ಭಾಗ್ಯ):
ಹೃದ್ರೋಗ, ಕ್ಯಾನ್ಸರ್, ಕಿಡ್ನಿ, ಶಸ್ತ್ರಚಿಕಿತ್ಸೆ ಮುಂತಾದ ಚಿಕಿತ್ಸೆಗೆ ರೂ. 2 ಲಕ್ಷದವರೆಗೆ ನೆರವು.

ಮದುವೆ ಸಹಾಯಧನ (ಗೃಹ ಲಕ್ಷ್ಮೀ ಬಾಂಡ್):
ಕಾರ್ಮಿಕ ಅಥವಾ ಅವರ ಇಬ್ಬರು ಮಕ್ಕಳ ಮದುವೆಗೆ ತಲಾ ರೂ. 50,000 ಸಹಾಯಧನ.

ಎಲ್‌ಪಿಜಿ ಸಂಪರ್ಕ (ಕಾರ್ಮಿಕ ಅನಿಲ ಭಾಗ್ಯ):
ಅನಿಲ ಸಂಪರ್ಕ ಮತ್ತು ಎರಡು ಬರ್ನರ್ ಸ್ಟೌವ್ ಉಚಿತವಾಗಿ.

ಈ ಎಲ್ಲಾ ಸೌಲಭ್ಯಗಳನ್ನು ಪಡೆಯಲು ಕಾರ್ಮಿಕರು ಕಟ್ಟಡ ಮತ್ತು ಇತರೆ ನಿರ್ಮಾಣ ಕಾರ್ಮಿಕ ಕಲ್ಯಾಣ ಮಂಡಳಿಯಲ್ಲಿ ನೋಂದಾಯಿತರಾಗಿರಬೇಕು