ಯಾವ ವಿಶ್ವವಿದ್ಯಾಲಯಗಳ ವಿರುದ್ಧ ಶಿಸ್ತು ಕ್ರಮ ?

ರಾಜಸ್ಥಾನದ ಮೂರು ವಿಶ್ವವಿದ್ಯಾಲಯಗಳಿಗೆ ಪ್ರವೇಶ ನಿರ್ಬಂಧ ಪಿಎಚ್‌ಡಿ ಕೋರ್ಸ್ ದುರುಪ

✓ಯೋಗ ತಡೆಗಟ್ಟಲು ಯುಜಿಸಿ ದಿಟ್ಟ ಕ್ರಮ….

✓ಓಂ ಪ್ರಕಾಶ್ ಜೋಗಿಂದರ್ ಸಿಂಗ್ ವಿಶ್ವವಿದ್ಯಾಲಯ, ಚುರು, ರಾಜಸ್ಥಾನ

✓ಸನ್‌ ರೈಸ್ ವಿಶ್ವವಿದ್ಯಾಲಯ, ಅಲ್ವಾರ್, ರಾಜಸ್ಥಾನ

✓ಸಿಂಘಾನಿಯಾ ವಿಶ್ವವಿದ್ಯಾಲಯ, ಝುಂಝುನು, ರಾಜಸ್ಥಾನ

ಹೊಸ ದೆಹಲಿ.01.ಮಾರ್ಚ.25:- ವಿಶ್ವವಿದ್ಯಾಲಯ ಧನಸಹಾಯ ಆಯೋಗವು (ಯುಜಿಸಿ) ಪಿಎಚ್‌ ಡಿ ಕೋರ್ಸ್‌ಗಳನ್ನು ದುರ್ಬಳಕೆ ಮಾಡಿದ ಆರೋಪದ ಮೇಲೆ ಮೂರು ವಿಶ್ವವಿದ್ಯಾಲಯಗಳ ವಿರುದ್ಧ ಪ್ರಮುಖ ಕ್ರಮ ಕೈಗೊಂಡಿದೆ. ರಾಜಸ್ಥಾನದ ಈ ಮೂರೂ ವಿಶ್ವವಿದ್ಯಾಲಯಗಳು ಮುಂದಿನ ಐದು ವರ್ಷಗಳ ಕಾಲ ಪಿಎಚ್‌ಡಿ ಕೋರ್ಸ್‌ಗಳಿಗೆ ಪ್ರವೇಶ ನೀಡುವುದನ್ನು ನಿರ್ಬಂಧಿಸಲಾಗಿದೆ.

ಈ ವಿಶ್ವವಿದ್ಯಾಲಯಗಳು 2025-26ರಿಂದ 2029-30ರವರೆಗಿನ ಅವಧಿಯಲ್ಲಿ. ಅವಧಿಯಲ್ಲಿ ಪಿಎಚ್‌ ಡಿ ಕೋರ್ಸ್‌ಗೆ ಯಾವುದೇ ನೋಂದಣಿ ಮಾಡಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಯುಜಿಸಿ ಅಧ್ಯಕ್ಷ ಪ್ರೊ. ಎಂ. ಜಗದೀಶ್ ಕುಮಾರ್ ಮಾತನಾಡಿ, ಪಿಎಚ್‌ಡಿ ಸೇರಿದಂತೆ ಯಾವುದೇ ಕೋರ್ಸ್‌ನಲ್ಲಿ ಉನ್ನತ ಗುಣಮಟ್ಟ ಕಾಯ್ದುಕೊಳ್ಳುವುದು ವಿಶ್ವವಿದ್ಯಾಲಯಗಳ ಜವಾಬ್ದಾರಿಯಾಗಿದೆ.

ಪಿಎಚ್‌ ಡಿ ನಿಯಮಗಳನ್ನು ಪಾಲಿಸದ ವಿಶ್ವವಿದ್ಯಾಲಯಗಳ ವಿರುದ್ಧ ಕ್ರಮ ಮುಂದುವರಿಯಲಿದೆ ಎಂದೂ ಹೇಳಿದ್ದಾರೆ. ಹೇಳಿ 30 ವಿಶ್ವವಿದ್ಯಾಲಯಗಳ ಡೇಟಾ ತನಿಖೆ ಯುಜಿಸಿ ಪ್ರಸ್ತುತ ಇನ್ನೂ 30 ವಿಶ್ವವಿದ್ಯಾಲಯಗಳ ಹಿನ್ನೆಲೆ, ಮಾಹಿತಿಗಳನ್ನು ಪರಿಶೀಲಿಸುತ್ತಿದೆ. ಭವಿಷ್ಯದಲ್ಲಿ ಇತರ ಕೆಲವು ವಿಶ್ವವಿದ್ಯಾಲಯಗಳ ವಿರುದ್ಧವೂ ಇಂತಹ ಶಿಸ್ತಿನ ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.

ಇನ್ನೂ ಕೆಲವು ವಿಶ್ವವಿದ್ಯಾಲಯಗಳಲ್ಲಿ ಪಿಎಚ್‌ಡಿ ಕೋರ್ಸ್‌ಗಳ ಗುಣಮಟ್ಟವನ್ನು ಪರಿಶೀಲಿಸಲಾಗುತ್ತಿದೆ ಎಂದು ಯುಜಿಸಿ ಅಧ್ಯಕ್ಷ ಪ್ರೊ. ಎಂ.ಜಗದೀಶ್ ಕುಮಾರ್ ಹೇಳಿದ್ದಾರೆ. ಪಿಎಚ್‌ಡಿ ನಿಯಮಗಳನ್ನು ಉಲ್ಲಂಘಿಸಿರುವುದು ಕಂಡುಬಂದರೆ ಅವರ ವಿರುದ್ಧವೂ ಕ್ರಮ ಕೈಗೊಳ್ಳಲಾಗುವುದು. ನಿಯಮಗಳನ್ನು ಪಾಲಿಸದ ಸಂಸ್ಥೆಗಳನ್ನು ಗುರುತಿಸಿ ಪಿಎಚ್‌ ಡಿ ಪ್ರವೇಶದಿಂದ ತಡೆಹಿಡಿಯುವುದು ಬಹಳ ಮುಖ್ಯ ಎಂದು ಅವರು ಹೇಳಿದರು.

ಈ ಮೂರು ವಿಶ್ವವಿದ್ಯಾಲಯಗಳಲ್ಲಿ ಪಿಎಚ್ ಡಿಗೆ ದಾಖಲಾಗದಂತೆ ವಿಶೇಷವಾಗಿ ವಿದ್ಯಾರ್ಥಿಗಳು ಮತ್ತು ಪಾಲಕರಿಗೆ ಯುಜಿಸಿ ಮನವಿ ಮಾಡಿದೆ. ಏಕೆಂದರೆ ಮುಂಬರುವ ಅಧಿವೇಶನದಿಂದ 2029ರ ಅಧಿವೇಶನದವರೆಗೆ ಈ ವಿಶ್ವವಿದ್ಯಾಲಯಗಳಲ್ಲಿ ಪಿಎಚ್‌ ಡಿ ಪ್ರವೇಶಕ್ಕೆ ನಿಷೇಧವಿರುತ್ತದೆ. ಇದರ ನಂತರವೂ, ಒಬ್ಬ ವಿದ್ಯಾರ್ಥಿ ಪ್ರವೇಶ ಪಡೆದರೂ ಅವರ ಪದವಿಯನ್ನು ಮಾನ್ಯವೆಂದು ಪರಿಗಣಿಸಲಾಗುವುದಿಲ್ಲ ಎಂದಿದೆ.

ನಿಯಮಾವಳಿಗಳು ಯುಜಿಸಿ ನಿಯಮಾವಳಿಗಳ ಪ್ರಕಾರ, ಪಿಎಚ್ಡಿ ಕೋರ್ಸಿಗಾಗಿ ಹಲವಾರು ನಿಯಮಗಳಿವೆ. ಅವುಗಳಲ್ಲಿ ಪ್ರವೇಶಗಳನ್ನು ಹೇಗೆ ಮಾಡಲಾಗುತ್ತದೆ? ಪ್ರವೇಶ ಪರೀಕ್ಷೆಯ ತೂಕ ಎಷ್ಟು? ಸಂದರ್ಶನಕ್ಕೆ ಎಷ್ಟು ಮಹತ್ವ? ಪಿಎಚ್‌ಡಿ ಪ್ರವೇಶದ ನಂತರ ಪ್ರತಿ ಸೆಮಿಸ್ಟರ್‌ನಲ್ಲಿ ಹೇಗೆ ವಿಮರ್ಶೆ ಮಾಡಲಾಗುತ್ತದೆ? ಪಿಎಚ್‌ ಡಿ ಪ್ರಬಂಧವನ್ನು ಬಾಹ್ಯ ಪರೀಕ್ಷಕರಿಗೆ ಕಳುಹಿಸಲಾಗಿದೆಯೇ ಇಲ್ಲವೇ? ಎಂಬೆಲ್ಲ ಹಲವಾರು ನಿಯಮ ನಿಬಂಧನೆಗಳಿವೆ.

ತನಿಖೆಯಲ್ಲಿ ಲೋಪದೋಷಗಳು ಕಂಡುಬಂದ ನಂತರ ವಿಶ್ವವಿದ್ಯಾಲಯಗಳಿಗೆ ಶೋಕಾಸ್ ನೋಟಿಸ್ ಜಾರಿ ಮಾಡಲಾಗಿದ್ದು, ಅವರ ಪ್ರತ್ಯುತ್ತರಕ್ಕಾಗಿ ಕಾಯಲಾಗುತ್ತಿದೆ. ಉತ್ತರ ತೃಪ್ತಿಕರವಾಗಿಲ್ಲದಿದ್ದರೆ ಕ್ರಮ ತೆಗೆದುಕೊಳ್ಳಲಾಗುತ್ತದೆ ಎಂದು ಯುಜಿಸಿ ತೆಳಿಸಿದೆ. ಯುಜಿಸಿ ಈ ರೀತಿ ಮೊದಲ ಸಾರ್ವಜನಿಕ ಸೂಚನೆಯನ್ನು ನೀಡಿದೆ.