ಬೀಡಾಡಿ ದನಗಳನ್ನು ರಸ್ತೆಗೆ ಬಿಡದಂತೆ ಸೂಚನೆ.!

ಬೀದರ 16.ಜನವರಿ.25:- ನಗರದ ಪ್ರಮುಖ ರಸ್ತೆಗಳ ಮೇಲೆ ಹಾಗೂ ಸಾರ್ವಜನಿಕ ಸ್ಥಳಗಳ ಮೇಲೆ ಬೀಡಾಡಿ ದನಗಳು ಓಡಾಡುತ್ತಿರುವುದು ಕಂಡುಬರುತ್ತಿದ್ದು ಇದರಿಂದ ರಸ್ತೆಗಳ ಮೇಲೆ ಅಪಘಾತಗಳು ಉಂಟಾಗುತ್ತಿವೆ.

ಸಾರ್ವಜನಿಕ ಸವಾರರಿಗೆ ವಾಹನಗಳನ್ನು ಸಂಚರಿಸಲು, ಓಡಾಡಲು ತುಂಬಾ ತೊಂದರೆ ಉಂಟಾಗುತ್ತಿದೆ. ಹೀಗಾಗಿ ರಸ್ತೆಗಳ ಮೇಲೆ ತಿಡುಗಾಡುತ್ತಿರುವ ಬೀಡಾಡಿ ದನಗಳ ಮಾಲೀಕರು ಏಳು ದಿನಗಳ ಒಳಗಡೆ ತಮ್ಮ ಬೀಡಾಡಿ ದನಗಳನ್ನು ರಸ್ತೆಗಳ ಮೇಲೆ ಬಿಡದಂತೆ ತಮ್ಮ ಮನೆಯಲ್ಲಿ ಕಟ್ಟಿಕೊಳ್ಳಲು ಸೂಚಿಸಿದೆ.

ಒಂದು ವೇಳೆ ಬಿಡಾಡಿ ದನಗಳು ರಸ್ತೆಗಳ ಮೇಲೆ ಓಡಾಡುತ್ತಿರುವುದು ಕಂಡುಬಂದಲ್ಲಿ ದನಗಳನ್ನು ಹಿಡಿದು ಗೋಶಾಲೆಗಳಿಗೆ ಸಾಗಿಸಲಾಗುವುದು ಹಾಗೂ ಬೀಡಾಡಿ ದನಗಳನ್ನು ಹರಾಜು ಮಾಡಲಾಗುವುದು ತಮ್ತು ಅಂತವರ ಮಾಲೀಕರ ವಿರುದ್ಧ ಕರ್ನಾಟಕ ಮುನ್ಸಿಪಲ್ 1964 ಕಾಯ್ದೆ ಪ್ರಕಾಶ ಶಿಸ್ತು ಕ್ರಮ ಜರುಗಿಸಲಾಗುವುದು ಎಂದು ಬೀದರ ನಗರಸಭೆ ಪೌರಾಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.