ಬಸವಕಲ್ಯಾಣ.06.ಸೆಪ್ಟೆಂಬರ್.25:- ಇಂದು ಬಸವಕಲ್ಯಾಣ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಾರ್ಯಾಲಯ ಹಾಗೂ ಅಗಸ್ತ್ಯ ಫೌಂಡೇಶನ್ ಬಸವಕಲ್ಯಾಣ ಸಂಯುಕ್ತಾಶ್ರಯದಲ್ಲಿ ತಾಲೂಕಿನ ಸರಕಾರಿ, ಅನುದಾನಿತ ಮತ್ತು ಅನುದಾನರಹಿತ ಪ್ರೌಢ ಶಾಲಾ ವಿದ್ಯಾರ್ಥಿಗಳಿಗೆ, ವಿಜ್ಞಾನ ವಿಚಾರಗೋಷ್ಠಿ, ವಿಜ್ಞಾನ ನಾಟಕ, ವಸ್ತು ಪ್ರದರ್ಶನ ಮತ್ತು ನಾವಿನ್ಯತೆ ಮೇಳವನ್ನು ಸರಕಾರಿ ಪದವಿ ಪೂರ್ವ ಕಾಲೇಜು ಬಾಲಕರ ಪ್ರೌಢ ಶಾಲಾ ವಿಭಾಗ ಬಸವಕಲ್ಯಾಣದಲ್ಲಿ ಆಯೋಜಿಸಲಾಗಿತ್ತು.

ಕಾರ್ಯಕ್ರಮವನ್ನು ಉಪ ಪ್ರಾಂಶುಪಾಲರಾದ ಶ್ರೀಮತಿ ಅನೀತಾ ಸಾವಳ್ಕರ ಅವರು ಉದ್ಘಾಟಿಸಿ ಮಾತನಾಡುತ್ತಾ “ಜೈ ಜವಾನ್ ಜೈ,ಕಿಸಾನ್ ಜೈ, ವಿಜ್ಞಾನ” ಎಂಬ ಮಾತು ಅರ್ಥಪೂರ್ಣವಾದದ್ದು ಎಂದು ಹೇಳಿದರು . ಕಾರ್ಯಕ್ರಮದ ನೋಡಲ್ ಅಧಿಕಾರಿ ಶಾಲಿವಾನ್ ಬಿರಾದಾರ ಪ್ರಾಸ್ತಾವಿಕವಾಗಿ ಮಾತನಾಡಿ ” ಧರ್ಮ ಜನರನ್ನು ಗುಂಪುಗಳಲ್ಲಿ ವಿಂಗಡಿಸಿದರೆ, ವಿಜ್ಞಾನ ಜನರನ್ನು ಒಂದು ಗೂಡಿಸುತ್ತದೆ ” ಎಂದು ತಿಳಿಸಿದರು.

ಮುಖ್ಯ ಅತಿಥಿಗಳಾಗಿ ಉಪನ್ಯಾಸಕರಾದ ಶ್ರೀ ಜ್ಞಾನರೆಡ್ಡಿ , ಕ್ಷೇತ್ರ ಸಂಪನ್ಮೂಲ ವ್ಯಕ್ತಿ ಪುಂಡಲೀಕ ಬಸನಾಯಕ , ಅಗಸ್ತ್ಯ ಫೌಂಡೇಶನ್ ಸಂಚಾಲಕರಾದ ಮಹೇಶ್ ಬೋವಿ , ಕರ್ನಾಟಕ ರಾಜ್ಯ ಪ್ರೌಢ ಶಾಲಾ ಶಿಕ್ಷಕರ ಸಂಘದ ಗೌರವಾಧ್ಯಕ್ಷರಾದ ಶ್ರೀ ಉದ್ಧವರಾವ್ ಉಪಾಸೆ, ಬಾಲಾಜಿ ವಾಗ್ದರೆ, ಸಂಜೀವಕುಮಾರ ನಡುಕರ್, ರಾಮ ಪಾಟೀಲ್, ಮಲ್ಲಿಕಾರ್ಜುನ ಪರತಾಪುರೆ, ಎಂಡಿ ಶರೀಫ್ ಹಾಗೂ ವಿವಿಧ ಶಾಲೆಗಳ ವಿಜ್ಞಾನ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.ಸಮೂಹ ಸಂಪನ್ಮೂಲ ವ್ಯಕ್ತಿಗಳಾದ ಗಿರಿಧರ ಧಾನೂರೆ ನಿರೂಪಿಸಿದರು.





Any questions related to ತಾಲೂಕಾ ಮಟ್ಟದ ವಿಜ್ಞಾನ ಚಟುವಟಿಕೆಗಳ ಸ್ಪರ್ಧೆ ಬಸವಕಲ್ಯಾಣ.?