ಡೆಂಗ್ಯೂ,ಮಲೇರಿಯಾ,ಚಿಕ್ಕುoಗುನ್ಯಾ ಹಾಗೂ
ಫೈಲೇರಿಯಾ ರೋಗಗಳ ಕುರಿತು ಜಾಗೃತಿ ಕಾರ್ಯಕ್ರಮ.

ಬೀದರ.30.ಅಗಸ್ಟ್.25:- ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಾರ್ಯಾಲಯದ ಸಭಾಂಗಣದಲ್ಲಿ ಗುರುವಾರ ವಸತಿ ಶಾಲೆಯ ಮೇಲ್ವಿಚಾರಕರಿಗೆ ಡೆಂಗ್ಯೂ/ಮಲೇರಿಯಾ/ಚಿಕ್ಕುoಗುನ್ಯಾ ಹಾಗೂ ಫೈಲೇರಿಯಾ ರೋಗಗಳ ಕುರಿತು ಜಾಗೃತಿ/ಅರಿವು ಮೂಢಿಸುವ ಕಾರ್ಯಕ್ರಮಕ್ಕೆ ಜಿಲ್ಲಾ ರೋಗವಾಹಕ ಆಶ್ರೀತ ರೋಗಗಳ ನಿಯಂತ್ರಣ ಅಧಿಕಾರಿ ಡಾ. ರಾಜಶೇಖರ ಪಾಟೀಲ್ ಕಾರ್ಯಕ್ರಮ ಉದ್ಘಾಟಿಸಿದರು.

ನಂತರ ಮಾತನಾಡಿದ ಅವರು ಸೊಳ್ಳೆಗಳಿಂದ ಬರುವಂತಹ ರೋಗಗಳಾದ ಡೆಂಗ್ಯೂ/ಮಲೇರಿಯಾ/ಚಿಕ್ಕುoಗುನ್ಯಾ ಹಲವಾರು ರೋಗಗಳು ಹರಡಲು ಈ ಸೊಳ್ಳೆಗಳು ಕಾರಣವಾಗಿರುತ್ತವೆ. ಡೆಂಗ್ಯೂ/ಮಲೇರಿಯಾ ರೋಗ ಹರಡದಂತೆ ಎಲ್ಲಾ ಸೂಕ್ತ ಮುಂಜಾಗ್ರತಾ ಕ್ರಮಗಳಾದ ಜ್ವರ ಪೀಡಿತರ ಸಮೀಕ್ಷೆ, ಸೊಳ್ಳೆಗಳ ಉತ್ಪತ್ತಿ ತಾಣಗಳ ನಿರ್ಮೂಲನೆ ಸೊಳ್ಳೆಗಳ ಉತ್ಪತಿಯ ಬಗ್ಗೆ ಹಾಗೂ ಸೊಳ್ಳೆಗಳ ಜೀವನಚಕ್ರದ ಬಗ್ಗೆ ವೈಜ್ಞಾನಿಕ ಸ್ವರೂಪ ತಿಳಿಸುತ್ತಾ ಸಾರ್ವಜನಿಕರು ಮನೆಯಲ್ಲಿ ಬಳಕೆಗಾಗಿ ಬಳಸುವ ನೀರಿನ ತಾಣಗಳಾದ ಬ್ಯಾರಲ್, ಡ್ರಮ್, ಹೌಜು, ಸಂಪು, ಏರಕೂಲರ್ ಗಳಲ್ಲಿಯ ನೀರನ್ನು ವಾರಕ್ಕೊಂದು ಬಾರಿ ತಪ್ಪದೆ ಖಾಲಿ ಮಾಡಿ ಒಣಗಿಸಿ ನೀರಿನ ಅವಶ್ಯಕತೆ ಇದ್ದಲ್ಲಿ ಪುನಃ ನೀರು ತುಂಬಿಸಿ ಭದ್ರವಾಗಿ ಮುಚ್ಚಿಡುವುದು. ಮನೆಯ ಸುತ್ತ ಮುತ್ತ ನೀರು ನಿಲ್ಲದಂತೆ ನೊಡಿಕೊಳ್ಳುವುದು, ತೆಂಗಿನ ಚಿಪ್ಪು, ಒಡೆದ ಮಡಿಕೆ, ಅನುಪಯುಕ್ತ ವಸ್ತುಗಳಲ್ಲಿ ನೀರು ಶೇಖರಣೆಯಾಗದಂತೆ ತ್ವರಿತವಾಗಿ ವಿಲೇವಾರಿ ಮಾಡಬೇಕೆಂದು ತಿಳಿಸಿದರು. ಹಾಗೂ ಮಲಗುವಾಗಿ ಸೊಳ್ಳೆ ಪರದೇ, ಮನೆಯ ಕಿಟಕಿ ಬಾಗಿಲುಗಳಿಗೆ ಜಾಲರಿ ಅಳವಡಿಸುವುದು, ಸೊಳ್ಳೆ ನಿರೋಧಕಗಳನ್ನು ಬಳಸಲು ಸೂಚಿಸಿದರು. ವಾರಕ್ಕೊಂದು ದಿವಸ ಓಣ ದಿಣಾಚಾರಣೆ ಮಾಡುವುದರ ಮುಖಾಂತರ ಸೊಳ್ಳೆಗಳ ಉತ್ಪತಿ ತಾಣಗಳನ್ನು ನಾಶ ಮಾಡೋಣ ಎಂದು ಕರೆ ಕೊಟ್ಟರು.

ಕಾರ್ಯಕ್ರಮದಲ್ಲಿ ಸಿಬ್ಬಂದಿಗಳಿಗೆ ಜೇತುಲಾಲ ಪವಾರ್ ರವರು ಕಾರ್ಯಕ್ರಮದ ಕುರಿತು ತರಬೇತಿ ನೀಡಿದರು,
ಈ ಕಾರ್ಯಕ್ರಮದಲ್ಲಿ ಜಿಲ್ಲಾ ಕುಷ್ಟರೋಗ ನಿಯಂತ್ರಣ ಅಧಿಕಾರಿ ಡಾ:.ಕಿರಣ ಪಾಟೀಲ್, ಬೀದರ ತಾಲ್ಲೂಕಾ ಆರೋಗ್ಯ ಅಧಿಕಾರಿಗಳಾದ ಡಾ:ಸಂಗಾರೆಡ್ಡಿ ರವರು ಹಾಗೂ ಸಮಾಜ ಕಲ್ಯಾಣ ಇಲಾಖೆಯ ಮೇಲ್ವಿಚಾರಕರ ನೌಕರರ ಸಂಘದ ಉಪಾಧ್ಯಕ್ಷರು ಧನರಾಜ ಮೇತ್ರೆ, ದೇವಿದಾಸ ಗಂಗೆನೋರ್, ಎಂ.ಡಿ.ಮೆಹೆಬೂಬಮಿಯ್ಯಾ, ಎಂ.ಡಿ.ಅಬುಬಕರ್, ಎಂ.ಡಿ.ಹಾದಿ ತಬ್ರೇಜ್, ಶಶಿಕಾಂತ, ನಿಸರ್ಗಾ, ಕಾಶಿನಾಥ, ಎಂ.ಎ.ರಫೀ. ಕಾವೇರಿ, ಪ್ರದೀಪ, ಕರಣ, ನಿತ್ಯಾನಂದ, ಆನಂದಕುಮಾರ ಸೇರಿದಂತೆ ಅಧಿಕಾರಿ ಹಾಗೂ ಸಿಬ್ಬಂದಿಗಳು ಉಪಸ್ಥಿತರಿದ್ದರು. ಕಾರ್ಯಕ್ರಮದ ನಿರೂಪಣೆಯನ್ನು ವೀರಶೆಟ್ಟಿ ಚನಶೆಟ್ಟಿ ನಿರ್ವಹಿಸಿಕೊಟ್ಟರು, ಸ್ವಾಗತವನ್ನು ಶಿಮಪ್ಪ ಸರಕುರೆ ರವರು ನಿರ್ವಹಿಸಿದರು ಮತ್ತು ವಂದನಾರ್ಪಣೆಯನ್ನು ಡಾ:ಮಲ್ಲಿಕಾರ್ಜುನ ಗುಡ್ಡೆ ಸಲ್ಲಿಸಿದರು.