ಡಿ. 14,15 ರಂದು ಶ್ರೀ ದತ್ತ ಜಯಂತಿ ಆನಂದ ಮಹೋತ್ಸವ ಕಾರ್ಯಕ್ರಮ!

ಶ್ರೀ ದತ್ತಾಶ್ರಮ ವಾರ್ಷಿಕ ಮಹೋತ್ಸವದ ಅಂಗವಾಗಿ ಶ್ರೀ ದತ್ತಾಶ್ರಮ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ  ನಗರದ ರಾಂಪೂರೆ ಕಾಲೋನಿಯಲ್ಲಿ ಡಿಸೇಂಬರ್ 14 ಮತ್ತು 15 ರಂದು ಎರಡು ದಿವಸಗಳ ಶ್ರೀ ದತ್ತ ಜಯಂತಿ ಆನಂದ ಮಹೋತ್ಸವ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಡಿ. ರಂದು ಬೆಳಿಗ್ಗೆ 7:30 ಕ್ಕೆ ಶ್ರೀ ದತ್ತಾತ್ರೇಯ ಮಹಾಭಿಷೇಕ, 9 ಗಂಟೆ ಶ್ರೀ ದತ್ತಾತ್ರೇಯ ನವನಾಥ ಸಂಪ್ರದಾಯ ಯಜ್ಞ ಪ್ರಾರಂಭ ಹಾಗೂ ಮಧ್ಯಾಹ್ನ 12:30 ಪೂರ್ಣಾಹುತಿ ನೆರವೇರಲಿದೆ. ತದನಂತರ 3 ಗಂಟೆಗೆ ಗಣ್ಯರಿಗೆ ಸನ್ಮಾನ, ಸಂಜೆ 4:30 ಕ್ಕೆ ಪೂಜ್ಯ ಜ್ಯೋತಿರ್ಮಯಾನಂದರಿಂದ ಪ್ರವಚನ ಕಾರ್ಯಕ್ರಮ, ರಾತ್ರಿ 9:45 ಕ್ಕೆ ಭಜನಾ ಕಾರ್ಯಕ್ರಮ ನಡೆಯಲಿದೆ.

ಡಿ. 15 ರಂದು ಬೆಳಿಗ್ಗೆ 11 ಗಂಟೆಗೆ ಪಲ್ಲಕ್ಕಿ ಸೇವೆ, 11:45 ಕ್ಕೆ ಗೋಪಾಳಕಾಲ, ಮಧ್ಯಾಹ್ನ 1 ಗಂಟೆಗೆ ಮಹಾಪ್ರಸಾದ, 3 ಗಂಟೆಗೆ ಪೀಠಾಧಿಪತಿಗಳಾದ ಶ್ರೀ ಜಗನ್ನಾಥ್ ಮಹಾರಾಜ ಕರಕಮಲದಿಂದ (ಬಿದಾಗಿ) ವಿತರಣೆ, 4 ಗಂಟೆಗೆ ಶ್ರೀ ದತ್ತ  ಭಜನಾ ಮಂಡಳಿಯಿಂದ ಭಜನಾ ಕಾರ್ಯಕ್ರಮ, ನಂತರ ದೀಪೋತ್ಸವ ಕಾರ್ಯಕ್ರಮ ಜರುಗಲಿದ್ದು. ಈ ಶ್ರೀ ದತ್ತ ಜಯಂತಿ ಆನಂದ ಮಹೋತ್ಸವ ಕಾರ್ಯಕ್ರಮದಲ್ಲಿ ಹೆಚ್ಚಿನ ಭಕ್ತರು ಭಾಗವಹಿಸಿ ದತ್ತಕೃಪೆಗೆ ಪಾತ್ರರಾಗಬೇಕು ಎಂದು ಶ್ರೀ ದತ್ತಾಶ್ರಮ ಚಾರಿಟೇಬಲ್ ಟ್ರಸ್ಟ್ ನ ವ್ಯವಸ್ಥಾಪಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Source: www.prajaprabhat.com