ಜ್ಞಾನ ಕೇಂದ್ರಗಳಾಗಿ ಗ್ರಂಥಾಲಯಗಳು : ಡಾ. ಸುರೇಶ ಜಂಗೆ

ಮಸ್ಕಿ.23.ಆಗಸ್ಟ್.25:- ಕೃತಕ ಬುದ್ಧಿಮತ್ತೆಯು ದಿನನಿತ್ಯದ ತಂತ್ರಜ್ಞಾನ ಜಗತ್ತಿನಲ್ಲಿ ನಾವು ವಾಸಿಸುತ್ತಿರುವುದರಿಂದ ಸಮ್ಮೇಳನದ ವಿಷಯವು ತುಂಬಾ ಸೂಕ್ತವಾಗಿದೆ. ಕಲಿಕೆ, ಬೋಧನೆ ಮತ್ತು ಸಂಶೋಧನೆಯನ್ನು ಬೆಂಬಲಿಸಲು ಎಐ ಪರಿಕರಗಳನ್ನು ಅತ್ಯುತ್ತಮವಾಗಿಸಲು ಬಳಕೆದಾರರಿಗೆ ಸಹಾಯ ಮಾಡುವ ಜ್ಞಾನ ಕೇಂದ್ರಗಳು ಗ್ರಂಥಾಲಯಗಳಾಗಿವೆ ಎಂದು ಗುಲ್ಬರ್ಗಾ ವಿಶ್ವವಿದ್ಯಾಲಯದ ಮುಖ್ಯ ಗ್ರಂಥಪಾಲಕರಾದ ಡಾ ಸುರೇಶ ಜಂಗೆ ಹೇಳಿದರು.

ಮಸ್ಕಿಯ ದೇವಾನಾಂಪ್ರಿಯ ಅಶೋಕ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಡಿಜಿಟಲ್ ಯುಗದ ಎಐ ಗ್ರಂಥಪಾಲಕ ಡಾ ಎಸ್ ಆರ್ ರಂಗನಾಥನ್ ಅವರ ತತ್ವಗಳು ಶೀರ್ಷಿಕೆ ಅಡಿಯಲ್ಲಿ ಒಂದು ದಿನದ ರಾಷ್ಟ್ರೀಯ ಸಮ್ಮೇಳನವನ್ನು ಉದ್ಘಾಟಿಸಿ ಮಾತನಾಡಿದರು.
ಸಂಪನ್ಮೂಲಗಳ ಅತ್ಯುತ್ತಮ ಬಳಕೆಯನ್ನು ಖಚಿತಪಡಿಸಿಕೊಳ್ಳಬೇಕು ಮತ್ತು ಇದಕ್ಕಾಗಿ ಪ್ರತಿ ಹದಿನೈದು ದಿನಗಳಿಗೊಮ್ಮೆ ಕನಿಷ್ಠ ಒಂದು ಗಂಟೆಯನ್ನು ಉಪನ್ಯಾಸಕರು ಗ್ರಂಥಾಲಯ ಸಮಯವಾಗಿ ಮೀಸಲಿಡಬೇಕೆಂದರು. ಅಲ್ಲದೆ, ಲೇಖನಗಳನ್ನು ಪ್ರಕಟಿಸಲು ಬಳಸಬಹುದಾದ ಪೀರ್-ರಿವ್ಯೂಡ್ ಜರ್ನಲ್ ಅನ್ನು ಕೆಕೆಎಲ್ಎ ತರುತ್ತದೆ ಎಂದು ಹೇಳಿದರು.
ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ ಕಲಬುರ್ಗಿಯ ಮುಖ್ಯ ಗ್ರಂಥಪಾಲಕರಾದ ಡಾ ಪರಶುರಾಮ ಕಟ್ಟಿಮನಿ ಮಾತನಾಡುತ್ತಾ ಎ ಐ ಪರಿಕರಗಳು ಮಾಹಿತಿಗೆ ಪೂರಕ ಸಾಧನವೇ ಹೊರತು ಪರ್ಯಾಯವಲ್ಲ, ಎ ಐ ಪರಿಕರಗಳಿಂದ ಬರುವ ಮಾಹಿತಿಯ ಗುಣಮಟ್ಟದ ಸತ್ಯಾಸತ್ಯತೆಯನ್ನು ಅವರು ಅನುಮಾನಿಸಿದ್ದಾರೆ. ಎಲ್ಲರಿಗೂ ಮುಕ್ತವಾಗಿ ಪ್ರವೇಶಿಸಬಹುದಾದ ನ್ಯಾಷನಲ್ ಡಿಜಿಟಲ್ ಲೈಬ್ರರಿ ಆಫ್ ಇಂಡಿಯಾ ಸಂಪನ್ಮೂಲಗಳನ್ನು ಬಳಸುವಂತೆ ಅವರು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
ಬಿಜಾಪುರದ ಅಕ್ಕ ಮಹಾದೇವಿ ವಿಶ್ವವಿದ್ಯಾಲಯದ ಮುಖ್ಯ ಗ್ರಂಥಪಾಲಕರಾದ ಡಾ. ಶಾಂತದೇವಿ ಮಾತನಾಡಿ ಗ್ರಂಥಾಲಯದಲ್ಲಿ ಎ ಐ ಬಳಸಿಕೊಂಡು ಮಾಹಿತಿ ವಿಜ್ಞಾನ ಬೆಳೆಯುತ್ತದೆ ಅದನ್ನು ಪ್ರತಿಯೊಬ್ಬರೂ ಬೆಳೆಸಿಕೊಂಡು ಜ್ಞಾನ ವೃದ್ಧಿ ಮಾಡಿಕೊಳ್ಳಬೇಕೆಂದು ತಿಳಿಸಿದರು. ಗ್ರಂಥಾಲಯ ಬೆಳೆಯುತ್ತಿರುವ ಅಂಗವಾಗಿದ್ದು ಅದನ್ನು ಉಪಯೋಗಿಸಿಕೊಂಡವರು ಖಂಡಿತವಾಗಿ ಮುಂದೆ ಬರುತ್ತಾರೆ ಎಂಬ ಮಾತನ್ನು ಇದೇ ಸಂದರ್ಭದಲ್ಲಿ ತಿಳಿಸಿದರು.
ಇದೇ ಸಂದರ್ಭದಲ್ಲಿ ಕಲ್ಯಾಣ ಕರ್ನಾಟಕ ಭಾಗದ ವತಿಯಿಂದ ಭಾಗವಹಿಸಿದ ಗ್ರಂಥಪಾಲಕರಿಗೆ ಅತ್ಯುತ್ತಮ ಗ್ರಂಥಪಾಲಕ ಪ್ರಶಸ್ತಿಯನ್ನು ಡಾ ಗುರುಮೂರ್ತಿ, ಬಾ ಪ್ರಭು ಬಿ ಗಡಿಮನಿ, ಡಾ ಮುರಿರಾಜ ವಾಸುದೇವ ಸೇಡಂ, ಡಾ ಯಲ್ಲಪ್ಪ , ಡಾ ಶರಣಬಸಪ್ಪ, ನರಸಿಂಹಲು, ಅಮಿತ್ ಜೋಶಿ, ತಿಪ್ಪಣ್ಣ, ಹಸನ್ಮಿಯಾ, ಡಾ ನಿಂಗಯ್ಯ ಪಾಟೀಲ್, ಪಾರ್ವತಿ ವಿ ಮೇತ್ರಿ, ಕೆ ಬಸವರಾಜ, ಮದರ್ ಚಂದ ಜೆ, ಡಾ ಸೈಯದ್ ಉಸ್ಮಾನ್, ಡಾ ಸತೀಶ್ ಕುಮಾರ್ ಎಸ್, ಹಸೀನಾ ಬೇಗಮ, ಸಂತೋಷ್ ಪವಾರ, ಡಾ ರಾಘವೇಂದ್ರ ಬಿ ಬೊನಾಲ್, ಡಾ ದೀಪ್ತಿ, ಶಂಕರೇಗೌಡ ಎಸ್ ಜಿ, ಡಾ ದಾನಪ್ಪ ವಗ್ಗಿ, ಜಯಲಕ್ಷ್ಮಿ ಎಸ್ ಪಾಟೀಲ್, ಡಾ ದೀಪಕ್ ಕುಮಾರ್, ಡಾ ರಾಜಕುಮಾರ ಟಿ 12 ಜನರಿಗೆ ಉತ್ತರಿಸಿ ಸನ್ಮಾನಿಸಲಾಯಿತು.

ಕಾರ್ಯಕ್ರಮದ ಆಯೋಜಕರಾದ ಡಾ ಪರಮಾನಂದ ಹಂಗರಗಿ ಪ್ರಾಸ್ತಾವಿಕ ಮಾತುಗಳನ್ನಾಡಿ ಕಾರ್ಯಕ್ರಮದ ಉದ್ದೇಶವನ್ನು ತಿಳಿಸಿದರು. ಅಧ್ಯಕ್ಷತೆಯನ್ನು ವಹಿಸಿದ್ದ ಕಾಲೇಜಿನ ಪ್ರಾಂಶುಪಾಲರಾದ ಡಾ ಮಹಾಂತಗೌಡ ಪಾಟೀಲ ಮಾತನಾಡಿ ತಂತ್ರಜ್ಞಾನದ ಬಳಕೆಯಿಂದ ವಿದ್ಯಾರ್ಥಿಗಳು ಹೆಚ್ಚಿನ ಜ್ಞಾನ ಪಡೆದು, ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಉನ್ನತ ಹುದ್ದೆಯನ್ನು ಅಲಂಕರಿಸಿ, ತಂದೆ ತಾಯಿಗಳಿಗೆ ಗುರುಗಳಿಗೂ ಕೀರ್ತಿ ತರಬೇಕೆಂದು ಹೇಳಿದರು. ಕಾಲೇಜಿನ ಆಂತರಿಕ ಭರವಸಾ ಕೋಶದ ಸಂಯೋಜಕರಾದ ರೋಹಿಣಿ ಮೂರ್ತಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಕಾರ್ಯಕ್ರಮವು ವಿದ್ಯಾರ್ಥಿಯಾದ ನಾಗರಾಜನ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾಯಿತು, ಸಹಾಯಕ ಪ್ರಾಧ್ಯಾಪಕರಾದ ಶ್ರೀನಿವಾಸ ಯಾಳಗಿ ಕಾರ್ಯಕ್ರಮ ನಿರೂಪಿಸಿದರು.

ನಂತರ ಸಾಯಂಕಾಲ ಸಮಾರೋಪ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಆಗಮಿಸಿದ ರಾಯಚೂರಿನ ಶ್ರೀ ಮಹರ್ಷಿ ವಾಲ್ಮೀಕಿ ವಿಶ್ವವಿದ್ಯಾಲಯ ಮುಖ್ಯ ಗ್ರಂಥಪಾಲಕರಾದ ಡಾ ಜಿ ಎಸ್ ಬಿರಾದಾರ ಮಾತನಾಡಿ ಗ್ರಂಥಾಲಯದಲ್ಲಿ ಜಗತ್ತೇ ಇದೆ. ಉಪನ್ಯಾಸಕರಿಗಿಂತ ಹೆಚ್ಚಿನ ತಂತ್ರಜ್ಞಾನದ ಮಾಹಿತಿ ಇರುವುದು ಗ್ರಂಥಪಾಲಕರಲ್ಲಿ ಅವರ ಸದುಪಯೋಗವನ್ನು ಪ್ರತಿಯೊಬ್ಬ ಉಪನ್ಯಾಸಕರು ವಿದ್ಯಾರ್ಥಿಗಳು ಪಡೆದುಕೊಳ್ಳುವ ಅವಶ್ಯಕತೆ ಪ್ರಸ್ತುತ ದಿನಮಾನಗಳಲ್ಲಿ ಬೇಕು ಎಂದರು.

ಮುಖ್ಯ ಅತಿಥಿಗಳಾದ ರಾಯಚೂರು ಕೃಷಿ ವಿಶ್ವವಿದ್ಯಾಲಯದ ಮುಖ್ಯ ಗ್ರಂಥಪಾಲಕರಾದ ಡಾ. ಮಚೇಂದ್ರನಾಥ ಎಸ್ ಹಾಗೂ ಕುವೆಂಪು ವಿಶ್ವವಿದ್ಯಾಲಯದ ನಿವೃತ್ತ ಮುಖ್ಯ ಗ್ರಂಥಪಾಲಕರಾದ ಬಸ್ಸಪ್ಪ ಎಂ ಭೋವಿ ಮಾತನಾಡಿ ಒಂದು ದಿನದ ರಾಷ್ಟ್ರೀಯ ಸಮ್ಮೇಳನ ಆಯೋಜಿಸಿರುವುದು ಸಂತಸದ ವಿಷಯವಾಗಿದೆ ಮಸ್ಕಿಗೆ ಹೆಮ್ಮೆಯ ವಿಷಯ ಎಂದು ಹರ್ಷ ವ್ಯಕ್ತಪಡಿಸಿದ್ದರು.

ಪ್ರಾಂಶುಪಾಲರಾದ ಡಾ ಮಹಾಂತಗೌಡ ಪಾಟಿಲ ಅಧ್ಯಕ್ಷತೆಯನ್ನು ವಹಿಸಿದರು, ಸಹ ಪ್ರಾಧ್ಯಾಪಕರಾದ ಡಾ. ರಾಮಣ್ಣ ಜುಮ್ಮಾ, ಡಾ ಬಸವರಾಜ ತಡಕಲ್, ಶಿವ ಗ್ಯಾನಪ್ಪ ಲಕ್ಕುಂದಿ, ಶ್ರೀನಿವಾಸ ಯಾಳಗಿ, ಡಾ ರಾಜಿಯಾ, ಸಣ್ಣಪ್ಪ ನಾಯಕ, ಆಶಾ, ಇಮಾಮಸಾಬ, ಕನ್ಯಾಕುಮಾರಿ, ಕಾಲೇಜಿನ ಎಲ್ಲ ಉಪನ್ಯಾಸಕರು ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.