ಜಯ್ ಶಾ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕಾರ !

        ಜಯ್ ಶಾ  ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯ ಅಧ್ಯಕ್ಷರಾಗಿ ಅಧಿಕಾರ. ಅವರು ಭಾನುವಾರ ಅಂದರೆ ಡಿಸೆಂಬರ್ 1 ರಿಂದ ಐಸಿಸಿಯ ಹೊಸ ಅಧ್ಯಕ್ಷರಾಗಿ ಕಾರ್ಯ ಆರಂಭಿಸಿದ್ದಾರೆ.

ಮುಂದಿನ ಎರಡು ವರ್ಷಗಳ ವರೆಗೆ ಐಸಿಸಿ ಅಧ್ಯಕ್ಷರಾಗಿ ಜಯ್ ಶಾ ಮುಂದುವರೆಯಲಿದ್ದಾರೆ. ಇದೀಗ ಐಸಿಸಿ ನೂತನ ಅಧ್ಯಕ್ಷರಾಗಿರುವ ಜಯ್ ಶಾ ಸಂಭಾವನೆ ಎಷ್ಟಿರಬಹುದು ಎಂಬ ಪ್ರಶ್ನೆ ಅಭಿಮಾನಿಗಳ ಮನದಲ್ಲಿ ಮೂಡುತ್ತಿದೆ. ಈ ಬಗ್ಗೆ ಮಾಹಿತಿ ಇಲ್ಲಿದೆ.

ಐಸಿಸಿಯಲ್ಲಿ ಉನ್ನತ ಹುದ್ದೆಯಲ್ಲಿರುವವರಿಗೆ ವಿಶೇಷ ವೇತನವಿರುವುದಿಲ್ಲ. ಆದರೆ ಐಸಿಸಿಯು ಅಧಿಕಾರಗಳ ಕರ್ತವ್ಯಗಳಿಗೆ ಅನುಗುಣವಾಗಿ ವಿಶೇಷ ಭತ್ಯೆಗಳು ಮತ್ತು ಸೌಲಭ್ಯಗಳನ್ನು ಒದಗಿಸುತ್ತದೆ. ಐಸಿಸಿಗೆ ಸಂಬಂಧಿತ ಸಭೆಗಳು ಮತ್ತು ಪ್ರವಾಸಗಳಿಗೆ ಹಾಜರಾಗುವಾಗ ದೈನಂದಿನ ಭತ್ಯೆ, ಪ್ರಯಾಣ ಮತ್ತು ಹೋಟೆಲ್ ವಸತಿಗಳನ್ನು ಒದಗಿಸಲಾಗುತ್ತದೆ. ಈ ಮೊತ್ತದ ಬಗ್ಗೆ ಐಸಿಸಿ ಇನ್ನೂ ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ. ಆದರೆ, ಐಸಿಸಿಯ ಭತ್ಯೆಗಳು ಕೂಡ ಬಿಸಿಸಿಐನಂತೆಯೇ ಇವೆ ಎಂದು ವರದಿಗಳು ಹೇಳಿವೆ.

ಅಧ್ಯಕ್ಷ, ಕಾರ್ಯದರ್ಶಿ, ಉಪಾಧ್ಯಕ್ಷ ಮತ್ತು ಖಜಾಂಚಿ ಹುದ್ದೆಗಳನ್ನು ಹೊಂದಿರುವ ಬಿಸಿಸಿಐ ಅಧಿಕಾರಿಗಳು 1000 ಡಾಲರ್‌ಗಳ ಭತ್ಯೆಯನ್ನು ಪಡೆಯುತ್ತಾರೆ. ಇದು ಎಲ್ಲಾ ವೆಚ್ಚಗಳನ್ನು ಒಳಗೊಂಡಂತೆ ಸರಿಸುಮಾರು 82 ಸಾವಿರ ರೂ.ಗಳು. ಟೀಮ್ ಇಂಡಿಯಾ ಪ್ರತಿದಿನ ಐಸಿಸಿ ಟೂರ್ನಿಗಳಿಗೆ ಅಥವಾ ವಿದೇಶಿ ಪ್ರವಾಸಗಳಿಗೆ ಹೋದರೆ, ಆಟಗಾರರು ಪ್ರಥಮ ದರ್ಜೆ ವಿಮಾನಗಳಲ್ಲಿ ಪ್ರಯಾಣಿಸುವ ಸೌಲಭ್ಯವನ್ನು ಪಡೆಯುತ್ತಾರೆ. ಇದು ಕೂಡ ಬಿಸಿಸಿಐ ನೋಡಿಕೊಳ್ಳಲಿದೆ.