ಕೇಂದ್ರ ಮತ್ತು ಏಷ್ಯನ್ ಡೆವಲಪ್‌ಮೆಂಟ್ ಬ್ಯಾಂಕ್ (ADB) 50 ಮಿಲಿಯನ್ ಡಾಲರ್ ಸಾಲ ಒಪ್ಪಂದಕ್ಕೆ

06 ಡಿಸೆಂಬರ್ 24 ಮೇಘಾಲಯದಲ್ಲಿ ಹವಾಮಾನಕ್ಕೆ ಹೊಂದಿಕೊಳ್ಳುವ ನೀರು ಕೊಯ್ಲು ಯೋಜನೆಗಾಗಿ ಕೇಂದ್ರ ಮತ್ತು ಏಷ್ಯನ್ ಡೆವಲಪ್‌ಮೆಂಟ್ ಬ್ಯಾಂಕ್ (ADB) 50 ಮಿಲಿಯನ್ ಡಾಲರ್ ಸಾಲ ಒಪ್ಪಂದಕ್ಕೆ ಸಹಿ ಹಾಕಿದೆ.



ಹವಾಮಾನ-ಅಡಾಪ್ಟೇಟಿವ್ ಸಮುದಾಯ-ಆಧಾರಿತ ನೀರು-ಕೊಯ್ಲು ಯೋಜನೆಗಾಗಿ ಸಾಲ ಒಪ್ಪಂದಕ್ಕೆ ನಿನ್ನೆ ಆರ್ಥಿಕ ವ್ಯವಹಾರಗಳ ಇಲಾಖೆಯ ಜಂಟಿ ಕಾರ್ಯದರ್ಶಿ ಜೂಹಿ ಮುಖರ್ಜಿ ಮತ್ತು ಎಡಿಬಿಯ ಇಂಡಿಯಾ ರೆಸಿಡೆಂಟ್ ಮಿಷನ್‌ನ ಕಂಟ್ರಿ ಡೈರೆಕ್ಟರ್ ಮಿಯೋ ಓಕಾ ಸಹಿ ಮಾಡಿದ್ದಾರೆ.



ಈ ಯೋಜನೆಯು 12 ಜಿಲ್ಲೆಗಳಾದ್ಯಂತ 532 ಸಣ್ಣ ನೀರಿನ ಸಂಗ್ರಹಣಾ ಸೌಲಭ್ಯಗಳ ನಿರ್ಮಾಣವನ್ನು ಬೆಂಬಲಿಸುತ್ತದೆ. ಈ ಸೌಲಭ್ಯಗಳು ಮಾನ್ಸೂನ್ ಋತುವಿನಲ್ಲಿ ಭಾರೀ ಮಳೆ ಮತ್ತು ಹಠಾತ್ ಪ್ರವಾಹವನ್ನು ಸೆರೆಹಿಡಿಯಲು ಮತ್ತು ನಿರ್ವಹಿಸಲು ಹವಾಮಾನ-ನಿರೋಧಕ ವಿನ್ಯಾಸಗಳನ್ನು ಸಂಯೋಜಿಸುತ್ತವೆ. ಶೇಖರಣೆಯಾದ ನೀರು ಶುಷ್ಕ ಕಾಲದಲ್ಲಿ ನೀರಿನ ಭದ್ರತೆಯನ್ನು ಸುಧಾರಿಸುತ್ತದೆ.



ಯೋಜನೆಯಡಿಯಲ್ಲಿ, ರೈತರಿಗೆ ವಿಶ್ವಾಸಾರ್ಹ ನೀರಾವರಿ ಪ್ರದೇಶಗಳನ್ನು ಒದಗಿಸಲು ಮೂರು ಸಾವಿರ ಹೆಕ್ಟೇರ್ ಕಮಾಂಡ್ ಪ್ರದೇಶವನ್ನು ಅಭಿವೃದ್ಧಿಪಡಿಸಲಾಗುತ್ತದೆ. ಇದು ಹವಾಮಾನ ದತ್ತಾಂಶವನ್ನು ಸಂಗ್ರಹಿಸಲು ಮತ್ತು ಮೇಲ್ವಿಚಾರಣೆ ಮಾಡಲು 50 ಹವಾಮಾನ ಕೇಂದ್ರಗಳನ್ನು ಸ್ಥಾಪಿಸುತ್ತದೆ ಮತ್ತು ಗರೋ, ಜೈನ್ತಿಯಾ ಮತ್ತು ಖಾಸಿ ಪ್ರದೇಶಗಳಲ್ಲಿ ಸೂಕ್ಷ್ಮ ನೀರಾವರಿ ವ್ಯವಸ್ಥೆಗಳನ್ನು ಸ್ಥಾಪಿಸುತ್ತದೆ.



ನೀರು ನಿರ್ವಹಣೆಯಲ್ಲಿ ಮೇಘಾಲಯ ರಾಜ್ಯ ಜಲಾನಯನ ಮತ್ತು ವೇಸ್ಟ್ ಲ್ಯಾಂಡ್ ಡೆವಲಪ್ ಮೆಂಟ್ ಏಜೆನ್ಸಿ ಮತ್ತು ಮಣ್ಣು ಮತ್ತು ಜಲ ಸಂರಕ್ಷಣಾ ಇಲಾಖೆಯ ಸಾಮರ್ಥ್ಯವನ್ನು ಬಲಪಡಿಸಲು ADB ಸಹಾಯ ಮಾಡುತ್ತದೆ.