ಕಾಂಗ್ರೇಸ್ ಪಕ್ಷವು ಸರ್ವಧರ್ಮಗಳನ್ನು ಸಮಾನವಾಗಿ ಕಾಣುತ್ತದೆ.-  ಶಾಸಕ ಎ ಆರ್ ಕೃಷ್ಣಮೂರ್ತಿ.

ಯಳಂದೂರು.30.ಆಗಸ್ಟ್.25:- ಪಟ್ಟಣದ ಬಳೇಪೇಟೆಯಲ್ಲಿ ಶಾದಿಮಹಲ್‌‌‌ ಕಾಮಗಾರಿ ನಿರ್ಮಾಣಕ್ಕೆ ಶಾಸಕ ಎ ಆರ್ ಕೃಷ್ಣಮೂರ್ತಿ ರವರು ಶುಕ್ರವಾರ ಗುದ್ದಲಿ ಪೂಜೆ ಮಾಡಿ ಬಳಿಕ ಮಾತನಾಡಿದರು.

ಕಾಂಗ್ರೇಸ್ ಪಕ್ಷವು ಸರ್ವಧರ್ಮಗಳನ್ನು ಸಮಾನವಾಗಿ ಕಾಣುವಂತಹ ಪಕ್ಷವಾಗಿದೆ ಹಾಗೂ ಜಾತ್ಯಾತೀತ, ಸಮಾಜವಾದ ತತ್ವವನ್ನು ಅಳವಡಿಸಿಕೊಂಡು ಸರಕಾರವನ್ನು ನಡೆಸುಕೊಂಡು ಬಂದಿದೆ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಹಾಗೂ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ರವರ ನೇತೃತ್ವ ಸರಕಾರ ಜನಪರ ಯೋಜನೆಗಳನ್ನು ರೂಪಿಸಿ ಉತ್ತಮವಾದ ಕೆಲಸವನ್ನು ನಿರ್ವಹಿಸಕೊಂಡು ಬಂದಿದ್ದಾರೆ. ಕಳೆದ ವರುಷ ಮುಖ್ಯಮಂತ್ರಿ ವಿಶೇಷವಾದ ಅನುದಾನವನ್ನು ನನ್ಮ ಕ್ಷೇತ್ರಕ್ಕೆ 25 ಕೋಟಿ ಅನುದಾನವನ್ನು ನೀಡಿದರು ಅದನ್ನು ನಾನು ಅಪೂರ್ಣ ಗೊಂಡಿದ್ದ ಸಮುದಾಯ ಭವನಗಳ ಕಾಮಗಾರಿ ಹಾಗೂ ಎಲ್ಲಾ ವರ್ಗದ ಸಮುದಾಯದ ಭವನಗಳ ಕಾಮಗಾರಿಗೆ ನೀಡಿದ್ದೇವೆ.ಅದೇ ಮುಸ್ಲಿಂ ಭಾಂದವರಿಗೆ ಶಾದಿ ಮಹಲ್ ನಿರ್ಮಾಣಕ್ಕೆ 50 ಲಕ್ಷವನ್ನು ನೀಡಲಾಗಿದೆ.

ನಮ್ಮ ಪಕ್ಷಕ್ಕೆ 100% ಮತವನ್ನು ಮುಸ್ಲಿಂ ಸಮುದಾಯದವರು ನೀಡುತ್ತಾರೆ ಹಾಗೂ ಯಾವುದೇ ಎಂ ಎಲ್ ಎ ಗಳು ಮುಸ್ಲಿಂ ಸಮುದಾಯಕ್ಕೆ ಅನುದಾನವನ್ನು ನೀಡಲು ಹೆದರುತ್ತಾರೆ ಏಕೆಂದರೆ ಎಲ್ಲಿ ಮುಸ್ಲಿಂ ಸಮುದಾಯದವರಿಗೆ ಅನುದಾನವನ್ನು ನೀಡಿದರೆ ಉಳಿದ ಸಮುದಾಯದವರು ಓಟು ಹಾಕುವುದಿಲ್ಲ ಅಂತ ಹೆದರಿಕೊಂಡು ಅನುದಾನವನ್ನು ನೀಡಲು ಹೆದರುತ್ತಾರೆ ಆದರೆ ನಾನು ಹೆದರುವುದಿಲ್ಲ ನಾನು ಎಲ್ಲಾ ಸಮುದಾಯದವರನ್ನು ಸಮಾನವಾಗಿ ಕಾಣುತ್ತೇನೆ ಎಂದರು.

ಮುಸ್ಲಿಂ ಸಮುದಾಯದ ಸಹೋದರರು ತಮ್ಮ ಮಕ್ಕಳಿಗೆ ಉತ್ತಮವಾದ ಶಿಕ್ಷಣವನ್ನು ನೀಡಬೇಕು ಹಾಗೂ ಅಲ್ಪಸಂಖ್ಯಾತರ ಕಲ್ಯಾಣಕ್ಕೋಸ್ಕರ ಸರಕಾರ ಅನೇ‌ಕ‌ ಯೋಜನೆಗಳನ್ನು ರೂಪಿಸಿದ್ದಾರೆ.
ಈ ವರುಷ ಮುಖ್ಯಮಂತ್ರಿ ವಿಶೇಷ ಅನುದಾನ 50 ಕೋಟಿ ಬಂದಿದೆ ಅದನ್ನು ರಸ್ತೆಗಳ ನಿರ್ಮಾಣಕ್ಕೆ ನೀಡಲಾಗುತ್ತದೆ ಎಂದರು.

ಈ ಸಂದರ್ಭದಲ್ಲಿ ಮುಸ್ಲಿಂ ಸಮುದಾಯದ ಮೌಲ್ವಿ ಅಬ್ರಾಹಂ ಅಹಮದ್, ಪಪಂ ಅಧ್ಯಕ್ಷೆ ಲಕ್ಷ್ಮೀ, ಉಪಾಧ್ಯಕ್ಷೆ ಶಾಂತಮ್ಮ, ಗ್ಯಾರಂಟಿ ಯೋಜನೆಯ ಜಿಲ್ಲಾಧ್ಯಕ್ಷ ಚಂದ್ರು, ಮಾಜಿ ಜಿಪಂ ಉಪಾಧ್ಯಕ್ಷ ಯೋಗೇಶ್, ಪಪಂ ಸದಸ್ಯ ಮಹೇಶ್, ರಂಗನಾಥ್, ನಾಮನಿರ್ದೇಶನ ಸದಸ್ಯ ಮುನಾವರ್ ಬೇಗಂ, ಮುಸ್ಲಿಂ ಮುಖಂಡರಾದ ಮುಜಾಯಿದ್, ಅನ್ಸಾರ್ ಬೇಗಂ, ಇರ್ಫಾನ್, ಜಮೀರ್, ಪಾಷಾ, ಹಾಗೂ ಮುಸ್ಲಿಂ ಭಾಂದವರು ಹಾಜರಿದ್ದರು.