ಕಳೆದ ವಾರದಿಂದ ಸುರಿಯುತ್ತಿರುವ ಭಾರೀ ಮಳೆಯಿಂದ ಉಂಟಾದ ವಿನಾಶಕಾರಿ ಪ್ರವಾಹ

ಕಳೆದ ವಾರದಿಂದ ಸುರಿಯುತ್ತಿರುವ ಭಾರೀ ಮಳೆಯಿಂದ ಉಂಟಾದ ವಿನಾಶಕಾರಿ ಪ್ರವಾಹದಿಂದಾಗಿ ನೈಜೀರಿಯಾದ ಉತ್ತರ-ಮಧ್ಯ ನೈಜರ್ ರಾಜ್ಯದಲ್ಲಿ ಸುಮಾರು 200 ಜನರು ಸಾವನ್ನಪ್ಪಿದ್ದಾರೆ ಮತ್ತು ಸಾವಿರಕ್ಕೂ ಹೆಚ್ಚು ಜನರು ಕಾಣೆಯಾಗಿದ್ದಾರೆ ಎಂದು ವರದಿಯಾಗಿದೆ.

ನೈಜರ್‌ನ ಜನನಿಬಿಡ ಮಾರುಕಟ್ಟೆ ಮತ್ತು ಕೃಷಿ ಪಟ್ಟಣವಾದ ಮೊಕ್ವಾದಾದ್ಯಂತ ಧಾರಾಕಾರ ಮಳೆಯು ಹಾನಿಯನ್ನುಂಟುಮಾಡಿದೆ, ಡಜನ್ಗಟ್ಟಲೆ ವಸತಿ ಮನೆಗಳು ನೀರಿನಲ್ಲಿ ಮುಳುಗಿ ಕೊಚ್ಚಿ ಹೋಗಿವೆ.

ದುರಂತದ ಸುಮಾರು ಒಂದು ವಾರದ ನಂತರವೂ ರಕ್ಷಣಾ ಪ್ರಯತ್ನಗಳು ನಡೆಯುತ್ತಿರುವ ಹೊರತಾಗಿಯೂ ನೂರಾರು ಜನರು ಪತ್ತೆಯಾಗಿಲ್ಲ ಎಂದು ನೈಜರ್‌ನ ಉಪ ಗವರ್ನರ್ ಮಾಧ್ಯಮಗಳಿಗೆ ತಿಳಿಸಿದರು.