ಕಪಪಮೀವಿವಿವು ಸ್ವಾವಲಂಬನೆಗೆ ಪ್ರೋತ್ಸಾಹ ನೀಡುತ್ತಿದೆ-ಪ್ರೋ.ಕೆ.ಸಿ.ವೀರಣ್ಣ

ಬೀದರ.15.ಅಕ್ಟೋಬರ.25:- ಕರ್ನಾಟಕ ಪಶುವೈದ್ಯಕೀಯ, ಪಶು ಹಾಗೂ ಮೀನುಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯವು ಹಲವಾರು ವರ್ಷಗಳಿಂದ ರೈತರಿಗೆ ನವೀನ ತಂತ್ರಜ್ಞಾನ, ಪಶುಪಾಲನೆ, ಹಾಲು ಉತ್ಪಾದನೆ, ಮೀನುಗಾರಿಕೆ ಹಾಗೂ ಕೃಷಿ ಉದ್ಯಮಶೀಲತೆಯ ಬಗ್ಗೆ ತರಬೇತಿ ನೀಡಿ ಸ್ವಾವಲಂಬನೆಗೆ ಪೆÇ್ರೀತ್ಸಾಹ ನೀಡುತ್ತಿದೆ ಎಂದು ಕರ್ನಾಟಕ ಪಶುವೈದ್ಯಕೀಯ, ಪಶು ಹಾಗೂ ಮೀನುಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯದ ಕುಲಪತಿ ಪ್ರೋ.ಕೆ.ಸಿ.ವೀರಣ್ಣ ಹೇಳಿದರು.

ಅವರು ಇತ್ತೀಚಿಗೆ ಕಪಪಮೀವಿವಿ ಬೀದರನಲ್ಲಿ ಐಸಿಎಆರ್ – ರಾಷ್ಟ್ರೀಯ ಕೃಷಿ ಸಂಶೋಧನಾ ನಿರ್ವಹಣಾ ಅಕಾಡೆಮಿ (ICAR- NAARM), ಹೈದರಾಬಾದನ ಎ- ಐಡಿಯಾ (a- IDEA)  ಕೇಂದ್ರದ ಪ್ರಾಯೋಜಕತ್ವದಲ್ಲಿ ನಬಾರ್ಡ್ ಬೆಂಗಳೂರು ಹಾಗೂ ಬೀದರ ತೋಟಗಾರಿಕೆ ಪೆÇ್ರಡ್ಯುಸರ ಕಂಪನಿ ಲಿಮಿಟೆಡ್ ಸಂಸ್ಥೆಗಳ ಸಹಯೋಗದಲ್ಲಿ ಆಯೋಜಿಸಲಾಗಿದ್ದ “ನವ ಉದ್ಯಮಿಗಳು (ಸ್ಟಾರ್ಟ್ ಅಪ್ಸ್) ಹಾಗೂ ರೈತ ಉತ್ಪಾದಕರ ಸಂಸ್ಥೆ/ಸಂಘಗಳೊಂದಿಗೆ ಸಂವಾದ ( ಇಮರ್ಷನ್) ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.

ಇತ್ತೀಚಿನ ವರ್ಷಗಳಲ್ಲಿ ಕೇಂದ್ರ ಸರಕಾರ ಹಾಗೂ ನಬಾರ್ಡ್ ಸಂಸ್ಥೆಗಳ ಮುಖಾಂತರ ಯುವಕರು, ಮಹಿಳೆಯರು ಹಾಗೂ ಇನ್ನೀತರ ರೈತಬಾಂಧವರು ತಮ್ಮದೇ ಆದ ನವ ಉದ್ಯಮಗಳನ್ನು (ಸ್ಟಾರ್ಟ್ ಅಪ್ಸ್) ಪ್ರಾರಂಭಿಸಿದ್ದಾರೆ. ಈ ನವಉದ್ಯಮಿಗಳು ತಮ್ಮ ತಂತ್ರಜ್ಞಾನದ ಬಗ್ಗೆ ಮಾಹಿತಿ, ಪ್ರಾತ್ಯಕ್ಷಿಕೆ ಹಾಗೂ ಅವರು ನಡೆದು ಬಂದ ದಾರಿಯ ಬಗ್ಗೆ ನಮಗೆ ತಿಳಿಸಲಿದ್ದಾರೆ ಎಂದು ಸಂತಸ ವ್ಯಕ್ತಪಡಿಸಿದರು.

ಈ ಕಾರ್ಯಕ್ರಮವು ರೈತ ಉದ್ಯಮಿಗಳಿಗೆ ಹಾಗೂ ಇನ್ನೀತರ ರೈತರಿಗೆ ವಿವಿಧ ರೀತಿಯ ವಿಚಾರ- ವಿನಿಮಯ ಹಾಗೂ ಸಂವಾದ ನಡೆಸಲು ಒಳ್ಳೆಯ ವೇದಿಕೆಯಾಗಿ ಕಾರ್ಯನಿರ್ವಹಿಸುವುದು. ಅμÉ್ಟೀ ಅಲ್ಲದೇ, ಈ ಕಾರ್ಯಕ್ರಮವು ತಂತ್ರಜ್ಞಾನ ಹಾಗೂ ಸಲಹಾ ಸೇವೆಗಳ ಮೂಲಕ ಮೌಲ್ಯವರ್ಧನೆಯಿಂದ ಆದಾಯ ಹೆಚ್ಚಿಸಲು ಪೆÇೀತ್ಸಾಹಿಸುತ್ತದೆ.

ಈ ಇಮರ್ಷನ್ ಕಾರ್ಯಕ್ರಮವು ಪಾಲ್ಗೊಂಡಿರುವ ರೈತರು, ಈPಔಗಳು ಹಾಗೂ ಸ್ಮಾರ್ಟಪ್ ಗಳಿಗೆ ಹೊಸ ಚಿಂತನೆ, ಹೊಸ ಬಾಂಧವ್ಯ ಮತ್ತು ಹೊಸ ಅವಕಾಶಗಳನ್ನು ನೀಡುತ್ತದೆ ಎಂದರು.

ಕರ್ನಾಟಕ ಪಶುವೈದ್ಯಕೀಯ, ಪಶು ಹಾಗೂ ಮೀನುಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯದ ಆಡಳಿತ ಮಂಡಳಿಯ ಸದಸ್ಯ ಬಸವರಾಜ ಭತಮುರ್ಗೆ ಮಾತನಾಡಿ, ದೇಶದ ವಿವಿಧ ಭಾಗಗಳನ್ನು ಪ್ರತಿನಿಧಿಸುವ ಸುಮಾರು 18 ನವ ಉದ್ಯಮಿಗಳು (ಸ್ಟಾರ್ಟ್ ಅಪ್ಸ್) ಭಾಗವಹಿಸಿ, ರೈತರ ಸಮಸ್ಯೆಗಳಿಗೆ ಪರಿಹಾರವಾಗುವಂತಹ ವಿವಿಧ ಉತ್ಪನ್ನ/ ಸೇವೆಗಳ ಬಗ್ಗೆ ರೈತರಿಗೆ ಹಾಗೂ ರೈತ ಸಂಘ/ ಸಂಸ್ಥೆಗಳ ಸದಸ್ಯರಿಗೆ ಪ್ರಾತ್ಯಕ್ಷಿಕೆ ಹಾಗೂ ಮಾಹಿತಿ ನೀಡಲಿದ್ದಾರೆ ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ದೇಶದ ವಿವಿಧ ಭಾಗಗಳನ್ನು ಪ್ರತಿನಿಧಿಸುವ 18 ನವ ಉದ್ಯಮಿಗಳು (ಸ್ಟಾರ್ಟ್ ಅಪ್ಸ್ ) ಭಾಗವಹಿಸಿ, ರೈತರ ಸಮಸ್ಯೆಗಳಿಗೆ ಪರಿಹಾರವಾಗುವಂತಹ ವಿವಿಧ ಉತ್ಪನ್ನ/ ಸೇವೆಗಳ ಬಗ್ಗೆ ರೈತರಿಗೆ ಹಾಗೂ ರೈತ ಸಂಘ/ ಸಂಸ್ಥೆಗಳ ಸದಸ್ಯರಿಗೆ ಪ್ರಾತ್ಯಕ್ಷಿಕೆ ಹಾಗೂ ಮಾಹಿತಿ ನೀಡಿದರು.

ಈ ಸಂದರ್ಭದಲ್ಲಿ ವಿಸ್ತರಣಾ ನಿರ್ದೇಶಕ ಡಾ. ಬಸವರಾಜ ಅವಟಿ, ಬೀದರ ಪಶುವೈದ್ಯಕೀಯ ಮಹಾವಿದ್ಯಾಲಯ ಡೀನ್ ಡಾ. ಎಮ್.ಕೆ.ತಾಂದಳೆ,. ಡಿಡಿಎಮ್ ನಬಾರ್ಡ್‍ನ ವಿಷ್ಣುವರ್ಧನ ರಾಂಪುರ, ಬೀದರ ತೋಟಗಾರಿಕೆ ಪೆÇ್ರಡ್ಯುಸರ ಕಂಪನಿ ಲಿಮಿಟೆಡ್ನ ಚೇತನ ದಬಕೆ, ಡಾ. ಪ್ರಕಾಶಕುಮಾರ ರಾಠೋಡ ಸಹಪ್ರಾಧ್ಯಾಪಕರು, ಡಾ. ಆಕಾಶ, ಸಹಾಯಕ ಪ್ರಾಧ್ಯಾಪಕರು, ವಿಶ್ವವಿದ್ಯಾಲಯದ ಸಿಬ್ಬಂದಿ ಸೇರಿದಂತೆ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.