ಕನಿಷ್ಠ ಬೆಂಬಲ ಬೆಲೆ ಯೋಜನೆಯಡಿ ಸೋಯಾಬೀನ್
ಖರೀದಿಗಾಗಿ ಖರೀದಿ ಅವಧಿಯನ್ನು ವಿಸ್ತರಿಸಿ ಸರ್ಕಾರ ಆದೇಶ

ಬೀದರ,03 ಡಿಸೆಂಬರ್.24 :- 2024-25ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಬೆಂಬಲ ಬೆಲೆ ಯೋಜನೆಯಡಿ ಈಂಕಿ ಗುಣಮಟ್ಟದ ಸೋಯಾಬೀನ್ ಖರೀದಿ ಪ್ರಕ್ರಿಯೆಯನ್ನು ದಿನಾಂಕ: 02-01-2025ರ ವರೆಗೆ ವಿಸ್ತರಿಸಿ ಸರ್ಕಾರ ಆದೇಶಿಸಿದೆ.

ಬೀದರ ಜಿಲ್ಲೆಯಲ್ಲಿ ಸೋಯಾಬೀನ್ ಖರೀದಿಗಾಗಿ ಒಟ್ಟು 80 ಕೇಂದ್ರಗಳನ್ನು ತೆರೆಯಲಾಗಿತ್ತು. ಈಗಾಗಲೆ ಸೋಯಾಬೀನ್ ಖರೀದಿಗಾಗಿ ನೋಂದಣಿ ಕಾಲಾವಧಿಯು ದಿನಾಂಕ: 30-11-2024 ರಂದು ಕೊನೆಗೊಂಡಿದ್ದು, ಜಿಲ್ಲೆಯಲ್ಲಿ ಒಟ್ಟು 13324 ರೈತರು 1,62,016.5 ಕ್ವಿಂಟಾಲ್ ಪ್ರಮಾಣಕ್ಕೆ ನೋಂದಣಿ ಮಾಡಿಕೊಂಡಿರುತ್ತಾರೆ.

ಹಿAದಿನ ಸರ್ಕಾರದ ಆದೇಶದ ಪ್ರಕಾರ ಸೋಯಾಬೀನ್ ಖರೀದಿ ಪ್ರಕ್ರಿಯೆ ದಿನಾಂಕ: 03-12-2024 ರಂದು ಕೊನೆಗೊಳ್ಳಬೇಕಾಗಿತ್ತು. ಖರೀದಿ ಪ್ರಕ್ರಿಯೆಯ ಕಾಲಾವಧಿಯನ್ನು ವಿಸ್ತರಿಸಲು ರೈತಪರ ಸಂಘಟನೆಗಳಿAದ ಸಾಕಷ್ಟು ಬೇಡಿಕೆ ಇತ್ತು. ಬೀದರ ಜಿಲ್ಲೆಯಲ್ಲಿ ಆದ ನೋಂದಣಿ ಪ್ರಮಾಣ ಹಾಗೂ ಬೀದರ ಜಿಲ್ಲಾಡಳಿತದ ಸತತ ಪ್ರಯತ್ನದ ಫಲವಾಗಿ ಘನ ಸರ್ಕಾರವು ಖರೀದಿ ಕಾಲಾವಧಿಯನ್ನು ದಿನಾಂಕ: 02-01-2025ರ ವರೆಗೆ ವಿಸ್ತರಿಸಿ ಆದೇಶಿಸಿದೆ. ಆದ್ದರಿಂದ ಸೋಯಾಬೀನ್ ಮಾರಾಟಕ್ಕಾಗಿ ನೋಂದಾಯಿಸಿಕೊAಡ ರೈತರು, ನಿಗದಿತ ದಿನಾಂಕದೊಳಗೆ ತಾವು ನೋಂದಾಯಿಸಿಕೊAಡ ಕೇಂದ್ರದಲ್ಲಿ ಈಂಕಿ ಗುಣಮಟ್ಟದ ಸೋಯಾಬೀನನ್ನು ಬೆಂಬಲ ಬೆಲೆ ದರ 4892 ರೂ. ರಂತೆ ಮಾರಾಟ ಮಾಡಿ ಸದರಿ ಯೋಜನೆಯ ಸದುಪಯೋಗ ಪಡೆದುಕೊಳ್ಳಬೇಕೆಂದು ಕೃಷಿ ಮಾರಾಟ ಇಲಾಖೆಯ ಸಹಾಯಕ ನಿರ್ದೇಶಕರು ಹಾಗೂ ಜಿಲ್ಲಾ ಟಾಸ್ಕ್ಫೋರ್ಸ್ ಸಮಿತಿ ಸದಸ್ಯ ಕಾರ್ಯದರ್ಶಿಗಳಾದ ಡಾ.ಶಿವಾನಂದ ಕುಂಬಾರ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.