ಔರಾದ.02.ಸೆಪ್ಟೆಂಬರ್.25:-ಕಾರ್ಯಕ್ರಮಗಳು, ಜೀವನದ ಸವಿ ನೆನಪುಗಳನ್ನು ಶಾಶ್ವತವಾಗಿ ನಮ್ಮ ನೆನಪಿನಲ್ಲಿ ಇರಿಸಲು ಪ್ರಮುಖ ಪಾತ್ರ ವಹಿಸುವ ಛಾಯಾಗ್ರಾಹಕರ ಅಭಿವೃದ್ಧಿಗೆ ನನ್ನ ಸಹಕಾರ ಸದಾ ಇರುತ್ತದೆ ಎಂದು ಮಾಜಿ ಸಚಿವರು ಹಾಗೂ ಔರಾದ(ಬಿ) ಶಾಸಕರಾದ ಪ್ರಭು ಬಿ.ಚವ್ಹಾಣ ಅವರು ತಿಳಿಸಿದರು.
ಕರ್ನಾಟಕ ಛಾಯಾಚಿತ್ರ ಗ್ರಾಹಕರ ಸಂಘ, ಔರಾದ(ಬಿ) ತಾಲ್ಲೂಕಾ ಫೋಟೊಗ್ರಾಫರ್ ಅಸೋಸಿಯೇಷನ್ ವತಿಯಿಂದ ಔರಾದ(ಬಿ) ತಾಲ್ಲೂಕು ಪಂಚಾಯತ ಕಛೇರಿ ಸಭಾಂಗಣದಲ್ಲಿ ಸೆ.1ರಂದು ಏರ್ಪಡಿಸಿದ್ದ 186ನೇ ವಿಶ್ವ ಛಾಯಾಗ್ರಹಣ ದಿನಾಚರಣೆ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಒಂದು ಛಾಯಾಚಿತ್ರ ಸಾವಿರ ಪದಗಳನ್ನು ಹೇಳುತ್ತದೆ. ಜೀವನದ ಪ್ರತಿ ಶುಭ ಸಂದರ್ಭದಲ್ಲಿಯೂ ಛಾಯಾಗ್ರಾಹಕರು ಅವಶ್ಯಕತೆಯಿದೆ ಎನ್ನುವಷ್ಟು ಛಾಯಾಗ್ರಹಣದ ಮಹತ್ವ ಹೆಚ್ಚಾಗಿದೆ. ಹಿಂದೆ ನಡೆದ ಶುಭ ಸಂದರ್ಭಗಳನ್ನು ಛಾಯಾಚಿತ್ರದ ಮೂಲಕ ನೋಡಬಹುದು. ಸಮಾಜದಲ್ಲಿ ಛಾಯಾಗ್ರಾಹಕರ ಪಾತ್ರ ಹೆಚ್ಚಿನ ಪ್ರಮಾಣದಲ್ಲಿದೆ. ತಾವು ಶಿಸ್ತು, ಸಂಯಮದಿAದ ಕೆಲಸ ಮಾಡಬೇಕು. ತಮ್ಮ-ತಮ್ಮಲ್ಲೇ ಸ್ಪರ್ಧೆಗೆ ಇಳಿಯದೇ ತಮ್ಮ ಸಂಘಟನೆಯನ್ನು ಬಲಪಡಿಸಿಕೊಂಡು ಎಲ್ಲ ಛಾಯಾಗ್ರಾಹಕರ ಹಿತದೃಷ್ಟಿಯಿಂದ ಕೆಲಸ ಮಾಡಬೇಕೆಂದು ಛಾಯಾಗ್ರಾಹಕರಿಗೆ ಕಿವಿಮಾತು ಹೇಳಿದರು.
ಛಾಯಾಗ್ರಾಹಕರ ಹಿತದೃಷ್ಟಿಯಿಂದ ವಯಕ್ತಿಕವಾಗಿ ಮತ್ತು ಸರ್ಕಾರದಿಂದಲೂ ಅವಕಾಶಗಳು ಮತ್ತು ಸೌಲಭ್ಯಗಳನ್ನು ಕಲ್ಪಿಸಲು ಪ್ರಯತ್ನಿಸುತ್ತೇನೆ. ಏನೇ ಸಮಸ್ಯೆಯಿರಲಿ ನಾನು ನಿಮ್ಮೊಂದಿಗಿದ್ದೇನೆ. ಆತ್ಮಗೌರವದಿಂದ ಕೆಲಸ ಮಾಡಿ ಆರ್ಥಿಕವಾಗಿ ಸಬಲರಾಗಬೇಕು ಎಂದು ಹೇಳಿದರು.
ಸಂಘದ ಜಿಲ್ಲಾಧ್ಯಕ್ಷ ಪವನಸಿಂಗ್ ಠಾಕೂರ್ ಮಾತನಾಡಿ, ಹರಿದು ಹಂಚಿಹೋಗಿದ್ದ ಛಾಯಾಗ್ರಾಹಕರನ್ನು ಒಂದುಗೂಡಿಸಿ ಅವರಿಗೆ ಸೌಲಭ್ಯಗಳನ್ನು ಕಲ್ಪಿಸಿಕೊಡುವ ಕೆಲಸ ಸಂಘದಿAದ ಮಾಡಲಾಗುತ್ತಿದೆ. ಎಲ್ಲ ಛಾಯಾಗ್ರಾಹಕರು ಕಡ್ಡಾಯವಾಗಿ ಸಂಘದಲ್ಲಿ ಹೆಸರು ನೋಂದಾಯಿಸಿ ಸಂಘದ ಲಾಭ ಪಡೆಯಬೇಕು. ಶಿಸ್ತು, ಸೌಜನ್ಯತೆಯನ್ನು ಮೈಗೂಡಿಸಿಕೊಂಡು ವೃತ್ತಿಪರತೆಯಿಂದ ಕೆಲಸ ಮಾಡಬೇಕೆಂದು ಸಲಹೆ ಮಾಡಿದರು.
ಈ ಸಂದರ್ಭದಲ್ಲಿ ತಹಸೀಲ್ದಾರರಾದ ಮಹೇಶ ಪಾಟೀಲ, ತಾಲೂಕು ಪಂಚಾಯತ್ ಸಹಾಯಕ ನಿರ್ದೇಶಕ ಶಿವಕುಮಾರ ಘಾಟೆ, ಕಾರ್ಮಿಕ ಇಲಾಖೆಯ ಶ್ರೀಧರ ಪುರಮಾವರ, ಮುಖಂಡರಾದ ಶಿವರಾಜ ಅಲ್ಮಾಜೆ, ದಯಾನಂದ ಘುಳೆ, ಸಂಘದ ಪ್ರಮುಖರಾದ ನಿಸಾರ್ ಅಹ್ಮದ್, ಮಂಜುನಾಥ ಮೇತ್ರೆ, ಇಮ್ರಾನ್, ಶಿವಕುಮಾರ ಬಿರಾದಾರ, ದೇವರಾಜ ಕೋಳೆಕರ್, ಸತೀಷ ಚಾಂಡೇಶ್ವರೆ, ರಾಜಕುಮಾರ ಬಿರಾದಾರ, ಬಾಲಾಜಿ ಕೊಳೆಕರ, ಮಲ್ಲಿಕಾರ್ಜುನ ದಾನಾ, ಜಿತೇಂದ್ರ ಸೋನಾಳ, ಶ್ರೀಕಾಂತ ಹೊಂಡೆಕರ, ಶ್ರೀಕಾಂತ ಜೋಶಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು. ಅಮರಸ್ವಾಮಿ ಸ್ಥಾವರಮಠ ನಿರೂಪಿಸಿದರು. ಇದೇ ವೇಳೆ ಎಸ್ಸೆಸ್ಸೆಲ್ಸಿ, ಪಿಯುಸಿಯಲ್ಲಿ ಹೆಚ್ಚಿನ ಅಂಕಗಳಿAದ ಉತ್ತೀರ್ಣರಾದ ಮತ್ತು ವೈದ್ಯಕೀಯ, ಎಂಜಿನೀಯರಿAಗ್ ಸೀಟು ಪಡೆದ ಛಾಯಾಗ್ರಾಹಕರ ಮಕ್ಕಳಿಗೆ ಶಾಸಕರಿಂದ ಸನ್ಮಾನಿಸಲಾಯಿತು.





Any questions related to ಔರಾದನಲ್ಲಿ ವಿಶ್ವ ಛಾಯಾಗ್ರಹಣ ದಿನಾಚರಣೆ ಛಾಯಾಗ್ರಾಹರ ಅಭಿವೃದ್ಧಿಗೆ ಅಗತ್ಯ ಸಹಕಾರ: ಶಾಸಕ ಪ್ರಭು ಚವ್ಹಾಣ<br>?