ಸೇವಾದಾರರಿಂದ ದರಪಟ್ಟಿ ಆಹ್ವಾನಿಸಲಾಗಿದೆ,ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ.!

ಬೀದರ.10.ಫೆಬ್ರುವರಿ.25: -ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ಬೀದರ ಕಚೇರಿಯಲ್ಲಿ ಅವಧಿ ಮೀರಿರುವ ನೇಮಕಾತಿ ಅಧಿಸೂಚನೆಗಳಿಗೆ ಸಂಬಂಧಪಟ್ಟ ಅರ್ಜಿಗಳು ಹಾಗು ಇತರೆ ದಾಖಲೆಗಳ ವಿಲೇವಾರಿಗಾಗಿ ಅವುಗಳನ್ನು ಈ ಕಚೇರಿಯಲ್ಲಿ ಚೂರು ಚೂರು ಗೊಳಿಸಲಾಗಿರುತ್ತದೆ.

ಈ ದಾಖಲೆಗಳನ್ನು ವಿಲೇವಾರಿ ಮಾಡುವ ಸಂಬಂಧ ಆಸಕ್ತಿಯುಳ್ಳ ಅಧಿಕೃತ ಬಿಡ್ಡುದಾರರ/ಸೇವಾದಾರರಿಂದ ದರಪಟ್ಟಿ ಆಹ್ವಾನಿಸಲಾಗಿದೆ ಎಂದು ಬೀದರ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ಮುಖ್ಯ ಆಡಳಿತ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಆದ್ದರಿಂದ ಆಸಕ್ತಿಯುಳ್ಳ ಬಿಡ್ಡುದಾರರು/ಸೇವಾದಾರರು ದರಪಟ್ಟಿಯನ್ನು ದಿನಾಂಕ: 25-02-2025 ರ ಸಂಜೆ 5 ಗಂಟೆಯೊಗಾಗಿ ಸೀಲ್ ಮಾಡಿದ ಲಕೋಟೆಯಲ್ಲಿರಿಸಿ ಈ ಕಚೇರಿಗೆ ಸಲ್ಲಿಸತಕ್ಕದ್ದು, ನಿಗದಿತ ದಿನಾಂಕದ ನಂತರ ಸಲ್ಲಿಸುವ ದರಪಟ್ಟಿಯನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗುವುದಿಲ್ಲ.

ಈ ಕಚೇರಿಗೆ ಸಲ್ಲಿಸಲಾದ ದರಪಟ್ಟಿಯನ್ನು ಕೂಲಂಕುಷವಾಗಿ ಪರಿಶೀಲಿಸಿ ಪ್ರತಿ ಕೆಜಿಗೆ ಗರಿಷ್ಠ ದರವನ್ನು ನಮೂದಿಸಿರುವ ಬಿಡ್ಡುದಾರರ/ಸೇವಾದಾರರಿಗೆ ಈ ಕಡತಗಳ ವಿಲೇವಾರಿಗಾಗಿ ಆದೇಶವನ್ನು ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.