ಅತಿಥಿ ಉಪನ್ಯಾಸಕರ ನೇಮಕ ಪ್ರಕ್ರಿಯೆ ಶುರು.!

ಬೆಂಗಳೂರು.24.ಆಗಸ್ಟ್.24:- ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಅತಿಥಿ ಉಪನ್ಯಾಸಕರ ನೇಮಕಾತಿಗೆ ಸಂಬಂಧಿತ ಆಯ್ಕೆ ಪ್ರಕ್ರಿಯೆಗೆ ಪ್ರಾರಂಭಿಸಿದೆ ಇಂದು ಕಾಲೇಜು ಶಿಕ್ಷಣ ಇಲಾಖೆಯ ರಾಜ್ಯಾದ್ಯಂತ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರಿಗೆ ಸೂಚಿಸಲಾಗಿದೆ.

ಕಾರ್ಯಭಾರದ ಮಾಹಿತಿ ಕೋರಿದ ಕಾಲೇಜು ಶಿಕ್ಷಣ ಇಲಾಖೆ ಸರ್ಕಾರಿ ಪದವಿ ಕಾಲೇಜುಗಳಲ್ಲಿ 2025-26ನೇ ಸಾಲಿ ಗಾಗಿ ಅತಿಥಿ ಉಪನ್ಯಾಸಕರ ನೇಮಕಾತಿ ಪ್ರಕ್ರಿಯೆಗೆ ಕಾಲೇಜು ಮತ್ತು ತಾಂತ್ರಿಕ ಶಿಕ್ಷಣ ಇಲಾಖೆ ಚಾಲನೆ ನೀಡಿದೆ. ಕಾಲೇಜುಗಳಲ್ಲಿ ಬೋಧಿಸುತ್ತಿರುವ ವಿವಿಧ ವಿಷಯಗಳ ಸ್ನಾತಕ ಹಾಗೂ ಸ್ನಾತಕೋತ್ತರ ಪದವಿಗಳ ಪ್ರಸಕ್ತ ಸಾಲಿನ ಕಾರ್ಯಭಾರ ವಿವರಗಳನ್ನು ನಿಖರವಾಗಿ ದಾಖಲಿಸುವಂತೆ ಸೂಚನೆ ನೀಡಿದೆ.

ಕಾಲೇಜುಗಳಿಂದ ದಾಖಲಾಗುವ ಕಾರ್ಯಭಾರದ ವಿವರಗಳನ್ನು ಸಂಬಂಧಪಟ್ಟ ಪ್ರಾದೇಶಿಕ ಜಂಟಿ ನಿರ್ದೇಶಕರು ಪರಿಶೀಲಿಸಿ ದೃಡೀಕರಿಸಲು ನಿರ್ದೇಶನ ನೀಡಲಾಗಿದೆ. ಎಎಂಐಎಸ್ ತಂತ್ರಾಂಶದಲ್ಲಿ ನಮೂದಿಸುವ ಕಾರ್ಯಭಾರದ ಆಧಾರದಲ್ಲಿ ಅತಿಥಿ ಉಪನ್ಯಾಸಕರ ನೇಮಕಾತಿ ನಡೆಯುವುದರಿಂದ ಯಾವುದೇ ತಪ್ಪು ಮಾಹಿತಿ ಕಂಡು ಬಂದಲ್ಲಿ ಪ್ರಾದೇಶಿಕ ಜಂಟಿ ನಿರ್ದೇಶಕರು ಹಾಗೂ ಪ್ರಾಂಶುಪಾಲರನ್ನೇ ಹೊಣೆಯಾಗಿಸಲಾಗುವುದು ಎಂದು ಸೂಚಿಸಲಾಗಿದೆ.

ಕಾರ್ಯಭಾರದ ಲೆಕ್ಕಾಚಾರ: ಭಾಷೆ / ವಾಣಿಜ್ಯ / ಮ್ಯಾನೇಜ್‌ಮೆಂಟ್

ವಿಷಯಗಳೂ ಸೇರಿದಂತೆ ಮಾನವಿಕ ಮತ್ತು ಸಮಾಜ ವಿಜ್ಞಾನ ವಿಷಯಗಳಿಗೆ ಪ್ರತಿ ತರಗತಿ/ ವಿಭಾಗಕ್ಕೆ ಗರಿಷ್ಠ 75 ವಿದ್ಯಾರ್ಥಿಗಳನ್ನು

ನಿಗದಿ ಮಾಡಲಾಗಿದೆ. ಸ್ನಾತಕೋತ್ತರ ತರಗತಿಗೆ ಗರಿಷ್ಠ 50 ಎಂದು ನಿಗದಿ ಮಾಡಲಾಗಿದೆ. ನೈಸರ್ಗಿಕ ಮತ್ತು ಅನ್ವಯಿಕ ವಿಜ್ಞಾನ ವಿಷಯಗಳಲ್ಲಿ ಪದವಿ ತರಗತಿಗೆ 66 ಹಾಗೂ ಸ್ನಾತಕೋತ್ತರ ಪದವಿ ಕ್ಲಾಸ್‌ಗೆ 40 ವಿದ್ಯಾರ್ಥಿಗಳನ್ನು ಸೂಚಿಸಲಾಗಿದೆ. ಇದಕ್ಕಿಂತ ಹೆಚ್ಚಿನ ವಿದ್ಯಾರ್ಥಿಗಳಿದ್ದಲ್ಲಿ ಎರಡನೇ ವಿಭಾಗವನ್ನು ನಡೆಸಲು ತಿಳಿಸಲಾಗಿದೆ. ಒಂದು ವೇಳೆ ತರಗತಿಗಳು ಚಿಕ್ಕದಾಗಿದ್ದರೆ ಕಡಿಮೆ ವಿದ್ಯಾರ್ಥಿಗಳಿಗೂ ಅವಕಾಶವಿದೆ ಎಂದು ತಿಳಿಸಲಾಗಿದೆ. ಇನ್ನು, ಪ್ರಾಯೋಗಿಕ ತರಗತಿಗಳಿಗೆ ಪದವಿ ವಿಭಾಗದಲ್ಲಿ 16 ಹಾಗೂ ಸ್ನಾತಕೋತ್ತರ ಪದವಿ ಕ್ಲಾಸ್ 12 ವಿದ್ಯಾರ್ಥಿಗಳನ್ನು ನಿಗದಿ ಮಾಡಲಾಗಿದೆ.

ವಿದ್ಯಾರ್ಥಿಗಳ ಪ್ರವೇಶಾತಿ ಗಳಿಗೆ ಸಂಬಂಧಿಸಿದಂತೆ ತರಗತಿಯಲ್ಲಿ ಇರಬೇಕಾದ ಕನಿಷ್ಠ ವಿದ್ಯಾರ್ಥಿ ಗಳ ಸಂಖ್ಯೆಗೆ ಈ ಹಿಂದಿನ ಆದೇಶಗಳನ್ನು ಗಮನಿಸುವಂತೆ ಸೂಚಿಸಲಾಗಿದೆ.

ಬೋಧನಾ ಕಾರ್ಯಭಾರ: ಪ್ರಯೋಗಾಲಯವಿರುವ ವಿಷಯಗಳಲ್ಲಿ

ಅಧ್ಯಾಪಕರಿಗೆ ವಾರಕ್ಕೆ 20 ಗಂಟೆ, ಪ್ರಯೋಗಾಲಯವಿರದ ವಿಷಯ ಗಳಿಗೆ ವಾರಕ್ಕೆ 16 ಗಂಟೆ ಬೋಧನಾ ಕಾರ್ಯಭಾರ ನಿಗದಿ ಮಾಡಲಾಗಿದೆ.