2025 ರಲ್ಲಿ ಭಾರತ ಶೇ. 6.5 ರಷ್ಟು ಬೆಳವಣಿಗೆ

2025 ರಲ್ಲಿ ಭಾರತವು ಶೇ. 6.5 ರಷ್ಟು ಬೆಳವಣಿಗೆ ದರದೊಂದಿಗೆ ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಯಾಗಿ ಉಳಿಯುವ ನಿರೀಕ್ಷೆಯಿದೆ, ಆದರೆ ಜಾಗತಿಕ ಬೆಳವಣಿಗೆಯು ಹಿಂಜರಿತದ ಹಾದಿಯತ್ತ ಸಾಗುತ್ತಿದೆ ಎಂದು ವಿಶ್ವಸಂಸ್ಥೆಯ ವ್ಯಾಪಾರ ಮತ್ತು ಅಭಿವೃದ್ಧಿ (UNCTAD) ಇತ್ತೀಚಿನ ವರದಿ ತಿಳಿಸಿದೆ. ‘ವ್ಯಾಪಾರ ಮತ್ತು ಅಭಿವೃದ್ಧಿ ಮುನ್ಸೂಚನೆಗಳು 2025’ ಎಂಬ ಶೀರ್ಷಿಕೆಯ ವರದಿಯಲ್ಲಿ, ಹೆಚ್ಚಿನ ಸರ್ಕಾರಿ ವೆಚ್ಚ ಮತ್ತು ಹಣಕಾಸು ನೀತಿ ಪ್ರಚೋದನೆಯೊಂದಿಗೆ ಬೆಳವಣಿಗೆಯನ್ನು ಮುನ್ನಡೆಸುತ್ತಿರುವ ದೇಶಗಳಲ್ಲಿ ಭಾರತವನ್ನು ಪಟ್ಟಿ ಮಾಡಲಾಗಿದೆ.

ಈ ವರದಿಯು ಚೀನಾದ ಬೆಳವಣಿಗೆ ದರವನ್ನು ಶೇ. 4.4 ಎಂದು ಅಂದಾಜಿಸಿದೆ, ಆದರೆ ಅಮೆರಿಕದ ಆರ್ಥಿಕತೆಯು ಶೇ. 1 ರಷ್ಟು ಬೆಳೆಯುವ ನಿರೀಕ್ಷೆಯಿದೆ. ಯುರೋಪಿಯನ್ ಒಕ್ಕೂಟದ ಬೆಳವಣಿಗೆ ಕೂಡ ಶೇ. 1 ಎಂದು ಅಂದಾಜಿಸಲಾಗಿದೆ, ಆದಾಗ್ಯೂ ಫ್ರಾನ್ಸ್, ಜರ್ಮನಿ ಮತ್ತು ಇಟಲಿಗಳು ಶೇ. 1 ಕ್ಕಿಂತ ಕಡಿಮೆ ಬೆಳವಣಿಗೆಯನ್ನು ದಾಖಲಿಸುವ ನಿರೀಕ್ಷೆಯಿದೆ. ಅದೇ ರೀತಿ, ಜಪಾನ್‌ನ ಆರ್ಥಿಕ ಬೆಳವಣಿಗೆ ದರವು ಕೇವಲ ಶೇ. 0.5 ಕ್ಕೆ ಇಳಿಯುವ ನಿರೀಕ್ಷೆಯಿದೆ.