ಮಾರ್ಚ.5 ರಂದು ಉದ್ಯೋಗ ಮೇಳ ಆಯೋಜನೆ

ಬೀದರ.3.ಮಾರ್ಚ.25:-ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ನೌಬಾದ ಬೀದರನಲ್ಲಿ ಮಾರ್ಚ.5 ರಂದು ಬೆಳಿಗ್ಗೆ 9.30 ರಿಂದ 1 ಗಂಟೆಯವರೆಗೆ ಹೈದ್ರಾಬಾದ ನಗರದ ಪಟನ್ ಚೇರುನಲ್ಲಿರುವ ನ್ಯೂಲಾಂಡ್ ಲಾಬೋರೇಟರಿಸ್ ಕಂಪನಿಯಲ್ಲಿ ಸುಮಾರು 50 ಹುದ್ದೆಗಳಿಗೆ ರಸಾಯನ ಶಾಸ್ತ್ರದಲ್ಲಿ ಪಿಯುಸಿ ಪಾಸ್/ಫೇಲ್ ಹಾಗೂ ರಸಯಾನ ಶಾಸ್ತ್ರದಲ್ಲಿ ಬಿ.ಎಸ್ಸಿ/ಎಂ.ಎಸ್ಸಿ ಪದವಿ ಪಡೆದ ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಸಕ್ಕಾಗಿ ಉದ್ಯೋಗ ಮತ್ತು ಮಾಹಿತಿ ಕೇಂದ್ರ ಹಾಗೂ ರಸಾಯನ ಶಾಸ್ತ್ರ ವಿಭಾಗದ ಸಂಯುಕ್ತಶ್ರಯದಲ್ಲಿ “ವಿಶೇಷ ಉದ್ಯೋಗ ಮೇಳ”ವನ್ನು ಆಯೋಜಿಸಲಾಗಿದೆ ಎಂದು ಬೀದರ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಆಸಕ್ತ ಆಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆಯ ಅಂಕ ಪಟ್ಟಿಗಳ ಪ್ರತಿಗಳು, ಆಧಾರ/ಪ್ಯಾನ್ ಕಾರ್ಡ ಮತ್ತು ನಾಲ್ಕು ಭಾವಚಿತ್ರಗಳೊಂದಿಗೆ ಆಗಮಿಸಿ ಸದರಿ ಉದ್ಯೋಗ ಮೇಳದ ಸದುಪಯೋಗ ಪಡೆದುಕೊಳ್ಳಬೇಕೆಂದು ಅವರು ತಿಳಿಸಿದ್ದಾರೆ.