ಭಾಲ್ಕಿಯಲ್ಲಿ ಅಲೆಮಾರಿ ಕುಟುಂಬಗಳಿಗೆ ನೂತನ ಗೃಹ ವಸತಿ – ಈಶ್ವರ ಖಂಡ್ರೆ ಅವರ ಜನಪರ ತೀರ್ಮಾನ

ಬೀದರ.28.ಫೆ.25:- ಇಂದು ಭಾಲ್ಕಿ ಪಟ್ಟಣದಲ್ಲಿ 50 ವರ್ಷಗಳಿಂದ ಅಲೆಮಾರಿ ಜೀವನ ನಡೆಸಸುತ್ತಿರುವ ಸುಮಾರು 100 ಕುಟುಂಬಗಳು ಶೀಘ್ರವೇ ಭಾಲ್ಕಿಯ ಕಲವಾಡಿ ಬಳಿ ನಿರ್ಮಾಣವಾಗುತ್ತಿರುವ G+2 ಮಾದರಿಯ 400 ಹೊಸ ಫ್ಲಾಟ್ ಮನೆಗಳಿಗೆ ಸ್ಥಳಾಂತರಗೊಳ್ಳಲಿವೆ. ಈ ಕುಟುಂಬಗಳಿಗೆ ಗೌರವಯುತ ಮತ್ತು ಸುಸ್ಥಿರ ವಸತಿ ಒದಗಿಸುವ ಉದ್ದೇಶದಿಂದ ಈ ಪ್ರಯತ್ನ ಕೈಗೊಳ್ಳಲಾಗಿದೆ.

ಈ ಹಿನ್ನೆಲೆಯಲ್ಲಿ ಸಚಿವ ಈಶ್ವರ ಖಂಡ್ರೆ ಅವರು ಇಂದು ತಮ್ಮ ಜಾಗದಲ್ಲಿ ವಾಸಿಸುತ್ತಿರುವ ಈ ಕುಟುಂಬಗಳನ್ನು ಭೇಟಿ ಮಾಡಿ ಮಾತನಾಡಿದರು. ಅವರು ನಿಮಗಾಗಿ ಹೊಸ ಮನೆಗಳನ್ನು ಉಚಿತವಾಗಿ ನೀಡಲಾಗುವದು, ನೀವು ಶೀಘ್ರವೇ ನಿಮ್ಮ ನೂತನ ಗೃಹಕ್ಕೆ ತೆರಳಲು ಸಿದ್ಧರಾಗಿರಿ ಎಂದು ತಿಳಿಸಿದರು.

ಇದು ಇಡೀ ರಾಜ್ಯಕ್ಕೆ ಮಾದರಿಯಂತಹ ಸಮಾಜಮುಖಿ ತೀರ್ಮಾನ. ಈ ಕುಟುಂಬಗಳು ದಶಕಗಳಿಂದ ತೊಂದರೆ ಅನುಭವಿಸುತ್ತಿದ್ದರೂ, ಈಶ್ವರ ಖಂಡ್ರೆ ಅವರು ತಮ್ಮ ಸ್ವಂತ ಜಾಗದಲ್ಲಿ ಅವರಿಗೆ ಆಶ್ರಯ ನೀಡಿ, ಇದೀಗ ಸರ್ಕಾರದ ಸಹಯೋಗದಿಂದ ಹೊಸ ಮನೆಗಳಲ್ಲಿ ಸ್ಥಳಾಂತರಿಸಲು ಮುಂದಾಗಿರುವುದು ನಿಜಕ್ಕೂ ಶ್ಲಾಘನೀಯ.

ಈ ತೀರ್ಮಾನದಿಂದ ಅಲೆಮಾರಿ ಕುಟುಂಬಗಳಿಗೆ ಭದ್ರತೆಯ ಜೀವನ ದೊರಕಲಿದ್ದು, ಅವರ ಭವಿಷ್ಯ ಉಜ್ವಲವಾಗಲಿದೆ.