ಇನ್ಮುಂದೆ ವಾಕಿಂಗ್‌ ಮಾಡೋಕು ಕಟ್ಟಬೇಕು ಸುಂಕ. ಮಾರ್ಚ್ 1 ರಿಂದಲೇ ಈ ಆದೇಶ ಜಾರಿಗೆ.!

ಬೆಂಗಳೂರು.26.ಫೆ.25:- ರಾಜ್ಯದಲ್ಲಿ ದಿನೇ ದಿನೇ  ಬೆಲೆ ಏರಿಕೆ ಮಾಡಿದ್ರೆ ಜನ ತೇಲೆ ಬಿಸಿ ರಾಜ್ಯದ ಬೊಕ್ಕಸ ತುಂಬಿಸಬಹುದು ಎಂಬ ಲೆಕ್ಕಾಚಾರದಲ್ಲಿ ಸರ್ಕಾರ ಸಿಕ್ಕ ಸಿಕ್ಕ ಕಡೆಯಲ್ಲೆಲ್ಲಾ ವಸೂಲಿಗೆ ಇಳಿದಂತೆ ಕಾಣುತ್ತಿದೆ.

ಈಗಾಗಲೇ ಹಾಲಿನ ದರ, ಮದ್ಯದ ದರ, ಬಸ್‌ ಪ್ರಯಾಣ ದರ ಏರಿಕೆಯಾಯ್ತು. ಇದೀಗ ಸರ್ಕಾರದ ಕಣ್ಣು ವಾಯು ವಿಹಾರಿಗಳ ಮೇಲೆ ಬಿದ್ದಂತಿದೆ.

ಇದೀಗ ವಾಯುವಿಹಾರಿಗಳ ಮೇಲೂ ಸುಂಕ ವಿಧಿಸಲು ಸರ್ಕಾರ ಮುಂದಾಗಿದೆ.ಇದೀಗ ಗ್ಯಾರೆಂಟಿಗಳಿಗೆ ಹಣ ಹೊಂದಿಸಲು ಸರ್ಕಾರ ಇನ್ನಿಲ್ಲದ ಹರಸಾಹಸ ಪಡುತ್ತಿದ್ದು,ರಾಜ್ಯದ ಸರ್ಕಾರೀ ಕ್ರೀಡಾಂಗಣದಲ್ಲಿ ತರಬೇತಿ ಪಡೆಯುತ್ತಿರುವ ಕ್ರೀಡಾಳುಗಳು, ವಾಯು ವಿಹಾರಿಗಳಿಗೂ ಸುಂಕ ವಿಧಿಸಲು ಮುಂದಾಗಿದೆ.

ಈಗಾಗ್ಲೇ ಈ ಬಗ್ಗೆ ರಾಜ್ಯ ಸರ್ಕಾರದಿಂದ ಸುತ್ತೋಲೆ ಹೊರಡಿಸಲಾಗಿದ್ದು, ಮಾರ್ಚ್ 1 ರಿಂದಲೇ ಈ ಆದೇಶ ಜಾರಿಗೆ ಬರಲಿದೆ ಎನ್ನಲಾಗಿದೆ.

ತುಮಕೂರಿನ ಮಹಾತ್ಮಾ ಗಾಂಧಿ ಕ್ರೀಡಾಂಗಣದಲ್ಲಿ ವಾಕಿಂಗ್ ಮಾಡುವ ಕ್ರೀಡಾಪಟುಗಳು, ವಾಯುವಿಹಾರಿಗಳಿಗೆ ಈಗ 300 ರೂ. ಶುಲ್ಕ ವಿಧಿಸಲು ಸುತ್ತೋಲೆ ಹೊರಡಿಸಲಾಗಿದೆ.ಪ್ರತಿನಿತ್ಯ ಬರುವ ವಾಯುವಿಹಾರಿಗಳಿಗೆ ಮಾಸಿಕವಾಗಿ 300 ರೂ,ಇನ್ನು ಕ್ರೀಡಾಪಟುಗಳಿಗೆ ವಾರ್ಷಿಕವಾಗಿ 5,000 ರೂ. ವಿಧಿಸಲು ಆದೇಶಿಸಲಾಗಿದೆ. ಇದಕ್ಕೆ ಸಾರ್ವಜನಿಕರಿಂದ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.