ಆರು ತಿಂಗಳಿಂದ ವಿಶ್ವವಿದ್ಯಾಲಯಲ್ಲಿ ಕೊಳೆಯುತ್ತಿವೆ 70 ಸಾವಿರಕೂ ಹೆಚ್ಚು ಅಂಕ ಪಟ್ಟಿ.

ಬಳ್ಳಾರಿ.19.ಅಕ್ಟೋಬರ.25: ವಿಜಯನಗರ ಶ್ರೀ ಕೃಷ್ಣದೇವರಾಯ ವಿಶ್ವವಿದ್ಯಾಲಯ ಬಳ್ಳಾರಿ ಆರು ತಿಂಗಳಿಂದ ವಿಶ್ವವಿದ್ಯಾಲಯಲ್ಲಿ ಕೊಳೆಯುತ್ತಿವೆ 70 ಸಾವಿರಕೂ  ಹೆಚ್ಚು ಅಂಕಪಟೀ ಗಳು; ಪ್ರಾಂಶುಪಾಲರ ನಿರ್ಲಕ್ಷ್ಯಕ್ಕೆ.

ಎಲ್ಲರೂ ಡಿಗ್ರಿ ಪರೀಕ್ಷೆ ಮುಗಿಸಿ, ಫಲಿತಾಂಶ ಬಂದ ಮೇಲೆ (ಮಾರ್ಕ್ಸ್ ಕಾರ್ಡ್) ಅಂಕ ಪಟ್ಟಿ ಪಡೆಯುತ್ತಾರೆ. ಆದರೆ ಬಳ್ಳಾರಿಯ ವಿಎಸ್ಕೆ ವಿಶ್ವವಿದ್ಯಾಲಯ ಅಡಿಯಲ್ಲಿ ಬರುವ 80 ಕಾಲೇಜುಗಳ ವಿದ್ಯಾರ್ಥಿಗಳ ಅಂಕ ಪಟ್ಟಿ ಮಾತ್ರ ವಿಶ್ವವಿದ್ಯಾಲಯದಲ್ಲೇ ಕೊಳೆಯುತ್ತಿವೆ.

6 ತಿಂಗಳಿಂದ ಮಾರ್ಕ್ಸ್ ಕಾರ್ಡ್ಗಳನ್ನ ತೆಗೆದುಕೊಂಡು ಹೊಗಲು ಯಾರು ಬಂದಿಲ್ಲ. ಇಂತಹದೊಂದು ಘಟನೆಗೆ ಬಳ್ಳಾರಿಯ ಶ್ರೀಕೃಷ್ಣದೇವರಾಯ ವಿಶ್ವವಿದ್ಯಾಲಯ ಸಾಕ್ಷಿಯಾಗಿದೆ.

 ವಿಜಯನಗರ ಶ್ರೀ ಕೃಷ್ಣದೇವರಾಯ ವಿಶ್ವವಿದ್ಯಾಲಯ ಬಳ್ಳಾರಿ ವಿಜಯನಗರ, ಕೊಪ್ಪಳ‌ ಹಾಗೂ ರಾಯಚೂರು ಜಿಲ್ಲೆಯ ಕಾಲೇಜು ಸೇರಿ ಒಟ್ಟು 80 ಕಾಲೇಜುಗಳು ಬರುತ್ತವೆ. ಸುಮಾರು 1 ಲಕ್ಷಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಇಲ್ಲಿ ಓದುತ್ತಿದ್ದಾರೆ.‌ ತಾಂತ್ರಿಕ ಕಾರಣದಿಂದ ಎರಡು ಸೆಮಿಸ್ಟರ್ ಮಾರ್ಕ್ ಕಾರ್ಡ್ಗಳು ಬಂದಿರಲಿಲ್ಲ. ಕಳೆದ ಆರು ತಿಂಗಳ ಹಿಂದೆ ಎಲ್ಲ ಮಾರ್ಕ್ಸ್ ಕಾರ್ಡ್ಗಳು ಬಂದಿದ್ದು, ವಿಶ್ವವಿದ್ಯಾಲಯ ಪರೀಕ್ಷಾಂಗ ವಿಭಾಗದಲ್ಲಿವೆ.

ನಿಯಮದ ಪ್ರಕಾರ ಆಯಾ ಕಾಲೇಜಿನ ಪ್ರಾಂಶುಪಾಲರು ಅಥವಾ ಸಿಬ್ಬಂದಿ ಬಂದು ಈ ಮಾರ್ಕ್ಸ್ ಕಾರ್ಡ್ ಗಳನ್ನ ತೆಗೆದುಕೊಂಡು ಹೋಗಿ, ವಿದ್ಯಾರ್ಥಿಗಳಿಗೆ ವಿತರಣೆ ಮಾಡಬೇಕು. ‌ದುರಂತ ಅಂದರೆ 6 ತಿಂಗಳಿಂದ ಈ ಮಾರ್ಕ್ಸ್ ಕಾರ್ಡ್ಗಳನ್ನ ತೆಗೆದುಕೊಂಡು ಹೊಗಲು ಯಾರು ಬಂದಿಲ್ಲ.

ಇನ್ನು ಮಾರ್ಕ್ಸ್ ಕಾರ್ಡ್ಗಳನ್ನ ತೆಗೆದುಕೊಂಡು ಹೊಗ್ರಪ್ಪಾ ಅಂತಾ ವಿಶ್ವವಿದ್ಯಾಲಯಿಂದ ಮೂರು ಬಾರಿ ಸುತ್ತೋಲೆ ಹೊರಡಿಸಲಾಗಿದೆ. ಅಲ್ಲದೇ ಎರಡು ಬಾರಿ ಪ್ರಾಂಶುಪಾಲರ ಸಭೆ ಮಾಡಲಾಗಿದೆ. ಹೀಗಿದ್ದರೂ ನಿರ್ಲಕ್ಷ್ಯ ಮಾಡಲಾಗಿದೆ.

ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳು ಮಾರ್ಕ್ಸ್ ಕಾರ್ಡ್ಗಳನ್ನ ಕೇಳಿದರೆ ಇನ್ನೂ ವಿಶ್ವವಿದ್ಯಾಲಯಿಂದ ಬಂದಿಲ್ಲ ಅಂತಾ ವಿಶ್ವವಿದ್ಯಾಲಯ ಮೇಲೆ ಹಾಕುತ್ತಿದ್ದಾರಂತೆ ಕಾಲೇಜು ಆಡಳಿತ ಮಂಡಳಿ. ಹೀಗಾಗಿ ವಿಶ್ವವಿದ್ಯಾಲಯಗೆ ಕೆಟ್ಟ ಹೆಸರು ಬರುತ್ತಿದ್ದು, ಅದನ್ನ ತಪ್ಪಿಸೋದಕ್ಕೆ 70 ಸಾವಿರ ಮಾರ್ಕ್ಸ್ ಕಾರ್ಡ್ಗಳನ್ನ ಆಯಾ ಕಾಲೇಜಿಗೆ ಪೋಸ್ಟ್ ಮಾಡಲು ವಿಶ್ವವಿದ್ಯಾಲಯ ತಯಾರಿ ನಡೆಸಿರುವುದಾಗಿ ಮೌಲ್ಯ ಮಾಪನ ಕುಲಸಚಿವ ಎನ್ ಎಂ ಸಾಲಿ ಹೇಳಿದ್ದಾರೆ.

ಒಟ್ಟಾರೆ ಮಾರ್ಕ್ಸ್ ಕಾರ್ಡ್ಗಳ ವಿಚಾರದಲ್ಲಿ ಕಾಲೇಜುಗಳ ಪ್ರಾಂಶುಪಾಲರ ನಿರ್ಲಕ್ಷ್ಯ ಎದ್ದು ಕಾಣುತ್ತಿದ್ದು, ಈಗಲಾದರೂ ಎಚ್ಚೆತ್ತು ಸರಿಯಾಗಿ ವಿದ್ಯಾರ್ಥಿಗಳಿಗೆ ವಿತರಿಸಬೇಕಿದೆ.