ಅನಧಿಕೃತ ಬೆಟ್ಟಿಂಗ ಅಡ್ಡೆಗಳ ಮೇಲೆ ದಾಳಿ:431 ಆರೋಪಿತರನ್ನು ಬಂಧಿಸಿ 35,34,075 ಮುದ್ದೆ ಮಾಲು ಜಪ್ತಿ

ಬೀದರ.05.ಏಪ್ರಿಲ್.25:-ಬೀದರ ಜಿಲ್ಲೆಯ ವಿವಿಧ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಅನಧಿಕೃತವಾಗಿ ಜೂಜಾಟ, ಮಟ್ಕಾ, ಕ್ರಿಕೇಟ್ ಬೆಟ್ಟಿಂಗ್, ಗಾಂಜಾ, ಅಕ್ರಮ ಅಕ್ಕಿ ಸಂಗ್ರಹಣೆ/ಸಾಗಣೆ, ಅಕ್ರಮ ಮಧ್ಯ ಮಾರಾಟ/ಸಾಗಾಣಿಕೆಯ ಕುರಿತು ದಾಖಲಾಗಿದ್ದ 189 ಪ್ರಕರಣಗಳನ್ನು ಬೇಧಿಸಿ ಒಟ್ಟು 431 ಜನ ಆರೋಪಿಗಳನ್ನು ಬಂಧಿಸಿ ಅವರಿಂದ 35,34,075 ರೂ. ಬೆಲೆವುಳ್ಳ ಮುದ್ದೆ ಮಾಲು ಜಪ್ತಿ ಮಾಡಿಕೊಂಡು ಆರೋಪಿತರನ್ನು ನ್ಯಾಯಾಲಯದ ವಶಕ್ಕೆ ಒಪ್ಪಿಸಲಾಗಿದೆ ಎಂದು ಬೀದರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಪ್ರದೀಪ ಗುಂಟಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಪ್ರಕರಣಗಳ ವಿವರ: ಜೂಜಾಟದ 22 ಪ್ರಕರಣಗಳಲ್ಲಿ 227 ಆರೋಪಿತರನ್ನು ಬಂಧಿಸಿ 303290 ರೂ., ಕ್ರಿಕೇಟ್ ಬೆಟ್ಟಿಂಗ್ 11 ಪ್ರಕರಣಗಳಲ್ಲಿ 19 ಆರೋಪಿಗಳನ್ನು ಬಂಧಿಸಿ 62700 ರೂ., ಮಟ್ಕಾದ 49 ಪ್ರಕರಣಗಳಲ್ಲಿ 65 ಆರೋಪಿಗಳನ್ನು ಬಂಧಿಸಿ 78340 ರೂ., ಇಸಿ ಆ್ಯಕ್ಟ್ನ 7 ಪ್ರಕರಣಗಳಲ್ಲಿ 11 ಆರೋಪಿತರನ್ನು ಬಂಧಿಸಿ 643224 ರೂ., ಎನ್.ಡಿ.ಪಿ.ಎಸ್. 3 ಪ್ರಕರಣಗಳಲ್ಲಿ 4 ಆರೋಪಿತರನ್ನು ಬಂಧಿಸಿ 2251500 ರೂ., ಹಾಗೂ ಅಬಕಾರಿ 97 ಪ್ರಕರಣಗಳಲ್ಲಿ 105 ಆರೋಪಿಗಳನ್ನು ಬಂಧಿಸಿ 195021 ರೂ.. ಬೆಲೆವುಳ್ಳ ಮುದ್ದೆ ಮಾಲು ಜಪ್ತಿ ಮಾಡಲಾಗಿದೆ.

ಆರೋಪಿಗಳು ಪದೇ ಪದೇ ಕಾನೂನು ವಿರುದ್ದ ಚಟುವಟಿಕೆಗಳಲ್ಲಿ ತೊಡಗಿದರೆ ಅಂತಹ ಆರೋಪಿಗಳ ವಿರುದ್ಧ ಕಾನೂನು ಕ್ರಮ ಜರುಗಿಸಿ ಗಡಿಪಾರು ಮಾಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.